Өз еліңнің патриоты болу тақырыбындағы сабақ жоспары, 3 сынып

«Өзiн-өзi тану» cабағының жоспары.

Мектеп:Подстепный жалпы орта білім беретін мектебі

Мерзімі: 22,23,25,26 02.2021 жыл

Мұғалiм: Жунусова Гулзада Тыныштыбаевна

Сынып: 3 «а», «ә», «б», «в»

Оқушылар саны: 13,12,11,15

Тақырып: № 23 Өз еліңнің патриоты болу

Құндылық: Сүйіспеншілік

Қасиеттер: отансүйгіштік,елжандылық,батырлық

Сабақ мақсаты: Оқушылардың өз елінің патриоты болу түсініктерін кеңейту арқылы сүйіспеншілік құндылығының мәнін ашу.

Сабақтың міндеттері: Білімділік: Оқушыларға «Отанды сүю», «патриот болу» ұғымдарын ұғындыра отырып,отансүйгіштік қасиеті туралы түсінік беру.

Дамытушылық: Оқушыларды өз Отанын қадірлеуді,қастерлеуді елжандылық қасиеті арқылы арттыру.

Тәрбиелік: Оқушыларды Отанын сүюге тәрбиелеу

Ресурстар:

(құралдар, мәлiметтер)

Моноблог

суреттер

Сабақ барысы:

1.Ұйымдастыру кезеңi.

Оқушылармен амандасып, « Өзін –өзі тану » сабағының ережесін « 5 –Т » қайталау

( 5 т:тәртіп, талап, тыныштық, тазалық, татулық)

Жағымды күйге ену Тыныс алуға зейін қою. Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...Д е м а л..... ш ы ғ а р... (жаймен 9-10 рет) немесе 1..................2 [3]. Рахмет!

2.Үй тапсырмасын тексеру.

№ 23 Менің Отаным Қ.Толыбаев 107-109 бет

1. «Отан» деген сөзді естігенде қандай әсерде боласың?

2. Отанын сүйетін адамның бойында қандай қасиеттер болады?

3.Дәйексөз.

Адал адам Отанын сүйеді. Ахмет Байтұрсынұлы

1.Дәйексөздің мағынасын қалай түсінеміз?

4.Әңгімелеу. Біздің Отанымыз-Қазақстан. А.Алмұратова.

Біздің Отанымыз-Қазақстан Республикасы.Кең тараған күннің ортасында тұр.

Шексіз кең байтақ жері бар,үлкен биік үлкен биік таулары,терең теңіздері,толқыған көлдері бар.Егістік даласында сыңғырлаған бидай үні,бақтарында иісі мұрын жарар алмалар,сылдыраған бұлақ үні ән салып тұр.

Қазақстанның қалалары мен ауылдарында әр ұлтты адамдар тұрады.

Он алтыншы желтоқсан күні Қазақстан мемлекеті өзінің Тәуелсіздік күнін

атап өтеді.Бұл күні жер бетінде көңілді әуен ойнап тұрады.Жарқыраған

алтын түсті күнде бүркіт бейнесі бейнеленген желбіреп көк ту ілінеді.