Өжет әскери-патриоттық ойыны дене шынықтыруға арналған

Өжет әскери-патриоттық ойыны

Мақсаты: а) спорттың денсаулыққа пайдасы зор екендігін түсіндіру, ойынға деген қызығушылығын арттыру, Жауапкершілікке, достыққа тәрбиелеу;

ә) Салауатты өмір салтын қалыптастыру арқылы ептілікке, жылдамдыққа, шапшаңдыққа тәрбиелеу;

б) Оқушының Отанға, туған жерге деген сүйіспеншілігін ояту, оқушы бойындағы патриоттық сезім қалыптастыру, ерлікке, отаншылдыққа, елжандылыққа, аталар ерлігін мақтан тұта жалғастыруға баулу.

Керекті құрал – жабдықтар: шаңғы, шана, таяқша, кедергілер, жалауша,

Өтетін орны: далада

Барысы:

Кеш жарық , құрметті ұстаздар , ата-аналар және оқушылар!

«Мен қазақпын мың өліп, мың тірілген,

Жөргегімде таныстым мұң тіліммен.

Жылағанда жүрегім күн тұтылып,

Қуанғанда күлкімнен түн түрілген» - деп Жұбан Молдағалиев атамыз жырлағандай бәріңде егемен еліміздің бақытты ұл- қыздарысыңдар.

1989 жылы ақпан айының 15 жұлдызында талай аналарды перзентінен айырған, мыңдаған жерлес – бауырларымыз қаза тапқан қасіретті де қайғылы Ауған соғысы аяқталды.Жылдар өткенімен интернационалист – жауынгерлеріміздің өшпес ерлігі ел есінде сақталуда. Біз еліміздің сол соғысқа қатысқан ұлдарын Отан алдындағы борыштарын адал ақтаған азаматтар деп құрмет тұтамыз. Ауған соғысының аяқталғанына 2014 жылғы ақпанның 15-ші жұлдызында 27 жыл толды. Ауған жеріндегі шайқас ешқашан ұмытылмақ емес. Осы соғысқа қатысқан барша ержүрек жауынгерлердің көзсіз батырлығы ұрпақ санасында. Ата – бабамыз бізге ұланғайыр жерді мұра етіп қалдырған. Осы ата-бабамыздың қалдырған жерін қорғау үшін денесі мығым, батыр да ержүрек ұрпақ тірбиелеу керек. Ата-бабамыздың сенімі мен үмітін ақтайтын сендерсіңдер, балалар! Олай болса осы егемен еліміздің болашағы, қорғаны болатын ұл-қыздарымыздың қатысуымен өтетін «Өжет» әскери-патриоттық ойынына қош келдіңіздер!

Бұл ойынға 5 – 9 сынып оқушылары қатысады.

Осы ойынға қатысушы командаларды таныстырып өтейін:

Сайыста бақ сыналар, бап сыналар,

Бас жүлдені өнерлі, тапқыр алар.

Кім өнерлі, кім тапқыр-шешу қиын,

Қазылар алқасы болмаса нық сыналар.

Кез келген сайыс бағалануы тиіс. Осының ара-жігін ажырататын қазылар алқасы деген болады.Бұл жарыстың ажырамас бір бөлшегі, дәстүрлі үрдісі, бізде сол үрдіс бойынша әділдігін айтып,тура шешім шығарар қазылар алқасымен таныстырып өтейін:

Директордың ТІЖО – Ақмарал Ғиниятқызы

Мектеп психологі – Мөлдір Құбайдоллақызы

Тәлімгер – Айдана Еркінқызы