Өзін-өзі тану пәніне арналған нәзік сезім материалы

Нәзік сезім жайлы үзік сыр

Адам сезіммен өмір сүреді.Өмірге келген әр жанның бәрінде де аяулы сезімдер болады.Мәселен,сүйіспеншілік,махаббат..Ата-ананың перзентіне, аяулы жардың өмірлік серігіне,әр адамның өз Отанына,т.б.

Махаббат..Сезім..Ғашықтық...Махаббат жайлы сөз қозғалса тебіренбес, толғанбас, сөз қозғамас адам болмас, сірә...Иә,Мұхтар ағамыз жырлағандай «...Ғашықтар бар әңгімесі таусылған, Ал махаббат – таусылмайтын әңгіме». «Махаббат – киелі сезім, оны ардақтап, аялап, әлпештеу керек» деген екен Талаптан Ахметжанов ағамыз.Бәлкім, расында солай шығар...

Мен махаббаттың символындай болған сонау Төлеген мен Жібектей, Қозы мен Баяндай болып, солардың ізін жалғастырған, бүгінде мәңгілік өмірге аттанып, бақилық болған, мәңгілік махаббат иелеріндей болып,

54 жыл бірге ғұмыр кешкен Әзілхан аға мен Халима апаны ерекше атар едім.

Кезінде Ағылшын жазушысы Стефан Цвейг әйеліне: «Мен енді өмір сүрмеймін.Өлемін» депті. «Сен өлсең,мен де өлемін» депті әйелі.Содан екеуі ақ көрпе жамылып, қатар у ішіп, құшақтасып жатып өліпті.Міне, осы екеуі секілді Әзілхан аға мен Халима апа да жас кезінде «сен өлсең,мен де қалмаймын» деп, серттесіпті.Кейін жылдар өтіп, Халима апа ауыр операция кезінде Әзілхан ағаны шақырып, «Мен сертті бұздым.Өйткені, біз серттескен кезде балаларымыз жоқ болды, біз жас едік.Ал қазір, біздің бар байлығымыз – сол балаларымыз,немерелеріміз, шөберелеріміз.Сондықтан мен олай-бұлай боп кетсем, сен солар үшін өмір сүруге тиіссің» деген екен.Неткен даналық,көрегенділік десеңізші!

Мәңгілік махаббатты аңыз ғып жазған, «Махаббат ,қызық, мол жылдардың» авторы Әзілхан аға осы құдіреті күшті махаббатты 3-ке бөлген екен: бала махаббат, шала махаббат, мәңгілік махаббат.Сондай-ақ ұлы жазушы «Махаббат деген ақындық сияқты ерекше дарын.Жұрттың бәрі бірдей ақын, талантты күйші немесе биші бола бермейді.Сол сияқты махаббатсыз, тек қана соқыр сезім-инстингпен өмір сүре білетін адамдар да болады.Махаббат – жан жарастығы.Ақыл, ой, сезім, сенім бірлігі.Осы төртеуінің тұтастығы» деген екен бір сұхбатында.

Тағы бірде «Сезім – асау ат, сана аттың басына кигізілетін жүген. Ноқтасыз асау ат алып қашып, сені бір жерге жығып, мерт етіп кетуі мүмкін.Ал жүген асауды ауыздықтап, оның беталды лағып, шаба беруіне ырық бермей, дұрыс жолмен жүруіне көмектеседі.Сондықтан бір бәлеге ұрынбайтын, оқыс халге ұшырамайын десең, сезімді санаға билету керек» дейді.

Рас, мен бұл пікірлер мен толық келісемін.Әрине, жалғыз мен емес, бүкіл қазақ атаулы келісер деген ойдамын.Өйткені махаббаттың мәңгі жырын жазып кеткен жазушыға келіспеске шара жоқ..

Әзілхан аға 9 жыл бір-біріне ғашық боп, 54 жыл махаббатпен өмір сүрген қимас жары Халима апаға арнап, «Мәңгілік махаббат жыры» атты…