Өзін-өзі тану пәнінен тәрбиешіге арналған эссе

Мен- ең алдымен адаммын,жеке тұлғамын.Мені осы өмірге келгенім ,жарық дүниені көргенім үшін алдымен жаратушы иеме ,онан соң екінші осы жарық дүниені сыйлаған ата –анама деген шексіз ризашылығымды білдіремін. Мен –ата анам үшін жасымның қаншаға келгені маңызды емес олар үшін ең бастысы мен баламын және өмір бойы бала болып қала беремін.Өрісін кеңітер сүйікі перзентімін.Ата –анамның мақтан еткен баласымын.

Мен –бауырларым үшін біріне апамын,біріне сіңлімін,қарындаспын.

Мен-балаларым үшін аяулы анамын,қамқоршымын,жылу шашып тұрар шаңырақтың тұтқасымын.Немере –жиендерім үшін мейірімді әжемін.Немере жиендерім үшін менің алар орным ерекше екенін сезінген кезде мен өзімді өте бақытты сезінемін.

Мен –педагогпін ,мұғаліммін.Бірақ ұстаз болу үшін бар күш-жігерін аянбай қызмет етуге тырысып келе жатқан жанның бірімін. Бала тәрбиелеуде, үлгілі шәкірт қалыптастыруда, өз ісін жақсы көретін жанмын.

Бүлдіршіндердің жаны тап-таза таза парақ сиқты болып дүниеге келетіні бәрімізге белгілі,оның мінез-құлқының қалыптасу негізі төрт жасқа дейін болады екен.Сондықтан да біз мектепке дейінгі бүлдіршіндердің мінез –құлқының дұрыс қалыптасуына ата –анасымен бірлесе отырып жүйелі түрде еліне ,жеріне қалтқысыз қызмет істейтін ұрпақ тәрбилеу үшін жұмыс жасай білуіміз керек .

Балалардың жаны таза, бар шындықты жасырмай айта алады, сәби жүректері адал, пәк. Баланың жан дүниесіне бойлай отырып, нені ұнатады, нені жаны қаламайтындығын сезінесің.

«Өзін-өзі тану» пәні жан –жағына нұрын шашып, жылуын төгіп тұрар пәндердің бірі болып табылатындықтан оны балалар да өте жақсы қабылдайды.Себебі бұл пән ылғи да әр түрлі суреттер салудан,бейне роликтер көруден, ән айтудан ,ертегілерден қойылымдар ,рөлдерде ойнайтын қызықты да тартымды сабақ.Демек ,осы процестерді тиімді қолдана отырып ,бала жанына адамгершіліктің асыл дағдларын қалыптастыру біздің өз қолымызда.

Жа ұрпақ үшін әуелі тәрбие ,онан соң білім керек деп білемін. Тәрбиелі ұрпақ білімге де ,ғылымға да жақын.Елбасымыз Н.Ә. Назарбаев: «Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында»,- дегені бәрімізге мәлім.

Мен –қазақпын. Қазақ халқының перзенті екендігіме мақтанамын. Өз туған жерімде еліме, бала тәрбиелеуде титей де болса өз үлесімнің бар екенін мақтан етемін.