Өзін-өзі танудан ұстаз туралы эссе 10-сыныпқа

Эссе

Тақырыбы: Ұстазым, мені шығармашылыққа шабыттандыр

« Маған жақсы мұғалім бәрінен де қымбат, өйткені мұғалім – мектептің жүрегі»

Ыбырай Алтынсарин

«Ұстаздық – ұлы құрмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді... Өмірге ұрпақ берген аналарды қандай ардақтасақ, сол ұрпақты тәрбиелейтін ұстаздарды да солай ардақтауға міндеттіміз». Бала бойына ата-анадан кейінгі ақыл-ой, адамгершілік, әдептілік, ар-ұят, ұлттық сана-сезімді сіңіруші адам – мұғалім. Ендеше өз ісіне берілген, жаңалықты жатсынбай қабылдайтын, шәкіртінің жанына нұр құйып, өмірде өзі де бақытты болып, өзгелерді де бақытқа жеткізсем деп жүретін ұстаздардың жөні де, жолы да бөлек.

Әрбір оқушының өз жүрегіне жақын сүйікті ұстазы болады. Ұстаз былайша айтқанда, мектептегі екінші анамыз. Мысалға, менің сүйікті ұстазым өзін-өзі тану пәнінің мұғалімі – Каппазова Нұрсұлу Елеуқызы. Ұстазым өз мамандығын сүйеді, сабаққа жан-жақты дайындықпен келіп, биік шеберлігімен бізді баурап алады. Өмір деген ұзақ жолдар кейбіреулер сүйеніп, қайта тұрып, алдына қойған мақсатқа жету үшін тырысады. Алайда, алдына қойған мақсатың өзің үшін де, ел үшін іске асарлық пайдалы іс болуы қажет. Ал мақсатың неғұрлым пайдасыз болса ең терең өзеннің тұңғиығына түсіп кетуің ғажап емес. Міне, өзін-өзі тану пәнінің адамдарға ең алдымен берер пайдасы дұрыс жолды көрсете білу. Бізге дұрыс бағыт бағыттап, өмірге деген құлшынысымызды арттырады. Өзін-өзі тану пәні бізді адамгершілік қасиеттерге баулиды. Біз бұл пән арқылы жан дүниемізге рухани құндылықтар мен адамгершілік қасиеттерімізді жинаймыз. Ұстазым Нұрсұлу апай бізге білім беруге, ой-пікірімізді тиянақтауға бар күшін жұмсап атсалысады. Білгенін үйретеді. Оқушының жаманын жасырып, жақсылығын асыратын адам.

Сондықтан «Өзін-өзі тану» пәнінің жүргізілуі мектеп үшін өте маңызды деп ойлаймын.

Құрманғазы ауданы, Шортанбай жалпы орта мектебі

10 «А» сынып оқушысы Махсутова Руфина