Парыз тәртіптен басталады сабақ жоспары 7 сынып

«Өзін-өзі тану» сабағының жоспары

Мектеп: Жетібай ауылының «№4 орта мектебі» КММ

Мерзiм: 06.12.18

Мұғалiм: Мағзам А.Б

Сынып: 7 «а», «ә», «б», «в»

Тақырып: Парыз тәртіптен басталады

Құндылық: Дұрыс әрекет

Қасиеттер: адалдық, жауапкершілік, тәртіптілік

Мақсаты: оқушыларға тәртіп пен парыз ұғымдарының мәнін ұғындыра отырып, дұрыс әрекет құндылығының мәнін ашу.

Міндеттері:

Білімділік: оқушыларға тәртіп пен парыздың маңызын түсіндіру арқылы адалдық қасиетін ұғындыру.

Дамытушылық: оқушыларды тәртіп пен парызға қатысты дұрыс әрекетке баули отырып, жауапкершілік қасиетін дамыту.

Тәрбиелілік: оқушыларды айнала қоршаған ортаны құрметтей отырып, адал, тәртіпті, жауапкершілікті болуға тәрбиелеу.

Ресурстар: (құралдар, мәлiметтер)

Оқулық, дәптер

Сабақ барысы:Ұйымдастыру кезеңi. 5Т ережесі

Тәртіп

Талап

Тазалық

Тыныштық

Татулық

Тыныштық сәтi. Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ – қолыңызды айқастырмаңыз. Қолыңызды тізеңізге немесе үстелге ұоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек – қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, б

Үй тапсырмасын тексеру

«Шектен шықпа» мәтінінің мазмұнын сұрау.

Ескерту

(тыныштық сәті баяу әуенмен толықтай тыныштықта өткізіледі)

Дәйексөз.

«Тәртіпке бағынған ел құл болмайды»

Бауыржан Момышұлы

Оқиғаларды әңгiмелеу (сұхбат)

Адам болып қалу

В.Сухомлинский.

Үлкен қаланың кішкентай ауруханасында Қара шашты және

Ақ шашты екі ана жатты. Олар бір күнде ұлдары дүниеге келіп, өте бақытты еді. Олар балаларының болашағы туралы армандады.

Ақ шашты ана өз баласының әйілі сазгер немесе жазушы, мүсінші немесе инженер болғанын армандады.

Қара шашты ана өз баласының қайырымды адам болғанын, ешқашан анасын, өз үйін ұмытпағанын, Отанын, табиғатты, адамдарды сүйгенін қалайтынын айтты.

Отыз жыл өтті.

Қаланың шетіндегі кішкентай емханада Қара шашты және

Ақ шашты ана тағы кездесті.

Олардың шаштарына ақ түсіп, беттерін әжім басқан еді. Олар бір – бірін таныды. Олар бір палатаға түсіп, өз өмірлері туралы, қуанышы мен қайғысы туралы айтты. Қайғылары - екеуінің де күйеуі Ұлы Отан соғысында қаза тапқан, қуаныштары – ұлдары қастарында.

Қара шашты ана сұрады:

Сенің ұлың кім болды?