Пішіндер тақырыбындағы ашық сабақ, мектепке дейінгі топ

№15 «Әлия» балабақшасы

«Тексерілді»

Балабақша әдіскері

Ж.С.Калканова______

«__»______2018ж

Ашық сабақ

Тақырыбы: «Пішіндер»

№2 «Алақай» ортаңғы тобының

Тәрбиешісі: Мұңалова Қ.

2018-2019 оқу жылы

Білім беру саласы: Таным

Оқу іс-әрекеті: Математика

Тақырыбы: «Пішіндер»

Мақсаты: Пішіндерді бір-бірінен ажырата білуге, салыстыра білуге, айналасындағы заттар арасынан геометриялық пішіндерді таба білуге үйрету.

Алдын-ала жүргізілетін жұмыс: ұйымдастырылған оқу қызметіне дайындау.

Әдіс-тәсілдері: сұрақ-жауап, ойын, шығармашылық жұмыс.

Көрнекі құралдар: суреттер, слайд,пішіндер.

Қостілділік компонент: шаршы-квадрат, үшбұрыш-треугольник, дөңгелек-круг.

Оқу қызметінің барысы:

Шаттық шеңбері:

Алақанды ашайық,

Күннің нұрын салайық,

Жүрек жылуын салайық.

Жиналған жылу шуақты,

Қонақтарға шашайық.

Тәрбиеші: Балалар, әдеттегідей жыл мезгілдерінен бастайықшы. Бір жылда неше мезгіл бар?

Балалар: Төрт мезгіл бар.

Тәрбиеші: Аттарын атап беріңдерші.

Балалар: Жаз, Күз, Қыс, Көктем.

Тәрбиеші: Жарайсыңдар, балалар!

Балалар бүгінгі біздің оқу қызметінің тақырыбы: «Пішіндер» деп аталады.

Біз пішіндердің үш түрін өтеміз. Ал балалар, сол пішіндерді экраннан тамашалайық(балалар экранға назар аударады).

Шаршыны мына суреттерден көруге болады (теледидар, шахмат тақтасы, сурет, терезе,жастық суреттері). Шаршы бізде төрт бұрыштан тұрады. Төрт жағы оның бірдей.

Енді, екінші пішін дөңгелекті келесі суреттерден көруге болады (күн, ай, доп, қақпақ, көлік дөңгелегінің суреттері). Дөңгелек пішінімізде бұрыш болмайды. Ол дөп-дөңгелек.

Келесі үшбұрыш пішінді мына суреттерден көруге болады (үйдің шатыры, үтік,торғай тұмсығы,шырша,желкен суреттері). Үшбұрыштың үш төбесі болады.

Тәрбиеші: Балалар, менің сендерге арнап дайындаған тапсырмаларым бар. Тапсырмалар жаңа сабаққа байланысты. Бәріміз экранға назар аударайық.

1- тапсырма.

«Жоғалған пішінді тап» (слайд көрсету)

Шарты: Интерактивтік тақтадан пішіндерді көрсетіп, балалардың көздерін жұмғызып, бір пішінді алып тастайды. Балалар көздерін ашып, қай пішін жоқ екенін айтады.

2-тапсырма.

«Қай пішінге ұқсайды?» (слайд көрсету)

Шарты: Тақтадан алманың, теледидардың, қарбыздың, есіктің, терезенің, т.б.суреттерін көрсетіп, қай пішіндерге ұқсайтынын сұрау.

3-тапсырма.

«Үйшік»

Шарты: Үлестірмелі пішіндерден үйді құрастыру.Қандай пішіндерді қолданғандарын сұрау.

Тәрбиеші: Тапсырмаларды жақсы орындадыңдар, жарайсыңдар! Шаршаған шығарсыздар, кішкене серігіп алайық.

Сергіту сәті:

Тәрбиеші өлең қосады, балалар тәрбиешінің іс қимылын қайталайды.

Тәрбиеші: Балалар, сендерге оқу қызметі ұнады ма?

Балалар: Иә.

Тәрбиеші: Біздер қандай пішіндермен таныстық?