Письмо ветерану: эссе для 6 класса, вариант 2

Ардагерге хат...

Сәлеметсіз бе, Құрметті Ұлы Отан соғысының ардақты ардагері! Сұрапыл соғыстың аяқталғанына биыл көктемде, яғни мамырдың тоғызыншы жұлдызында жетпіс бес жыл толады. Осы хатты Отан алдында,келешек ұрпақ алдында жасаған ерлігіңізді,фашисттерге қайсарлықпен төтеп бере білген батырлығыңызды айта отырып,ақ жүректен жарып шыққан ізгі тілектеріммен,алғыс айтып бастағым келеді.Қанша алғыс айтсақта,көп болмас еді.Біз әрқашанда жауға бетпе-бет, тайсалмай қарсы шыққан өжеттілігіңізді айтып, қолдан намысты бермей тек «Алға!» деп сыйлаған Ұлы жеңістеріңізбен мақтанамыз.Бұл соғыс мың төрт жүз он сегіз күнге созылды. Жеңіс оңай келген жоқ, бұл жеңіс ата-бабаларымыздың биік патриотизм сезімдері мен рухтарының мықтылығымен келді.

Бізге осындай бейбіт өмір,тыныштық,молшылық,бақытты балалық шақ сыйлаған бұл жеңіс сіз және соғысқа қатысқан майдангерлердің арқасында келген жеңіс! Жеңіс күні – бұл сан мыңдаған ұрпақ үшін ортақ мереке. Бұл мереке - бейбітшілік пен қайырымдылықтың мәңгі жасампаздығың, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпетіндігін дәлелдейтін белгі болып калмақ. Жеңіс күні-абыройымыз бен даңқымыздың мерекесі. Табандылық пен ерлік, Отанға деген сүйіспеншілік қатал соғыста Жеңіске жеткізді.

Уақыт зымырап өтуде. Уақыт өткен сайын заман да, адамда өзгеруде.Бірақ тарихта қалған сұрапыл соғыс сіздердің естеріңізде мәңгіге қалмақ. Осыдан жетпіс тоғыз жыл бұрын қандыгөз неміс фашисттері біздің жерді жаулап алмаққа,таңды күтпей шабуыл жасаған.Сол күні көп аналар ер азаматтарын балаларымен бірге майдан алаңына шығарып салған. Бүкіл ел фашисттерге қарсы шығуға көтерілді.Бұл қан майданда қазаттың көп солдаттары қаза тапты.Отбасына қара қағаз келіп талай жанның қабырғасы қайысты.Ана баласынан,бала әкесінен айырылды.Алайда аман қалған азаматтар еш мойымай, күш-жігерін жинап бұл соғысты жеңген.

Тарихымызда қалған бұл сұрапыл соғыстың кеселінен өткен ата апаларымыз аман болсын! Келешек еліміздің дархан даласы кең, аспаны ашық болсын! Жұдырықтай жұмылған, біліктей біріккен кеңпейіл Қазақ елі жасасын! Ешқашанда жауынгер ерлігі мен жеңісті еңбегімен соққан еңбекшінің ерен ерлікті ұмытылмайды. Бүгінде біздің азаматтық міндетіміз – болашақ ұрпақты Отанын сүюге, елінің, жерінің адал патриоттары, достық пен бірлік туралы түсінік беру арқылы отансүйгіштікке тәрбиелеу.