Президент деген кім тәрбие сабағы мектепке дейінгі топқа

Балалар музыкамен залға кіріп орындықтарға отырады.

Қонаққа қазақтың ұлттық киімін киген көрші топтың тәрбиешісі есікті қағып, залға кіреді

Қонақ: Сәлеметсіңдер ме балалар!

Тәрбиеші: Сәлеметсіз бе, Хамида апай! (Балалар да амандасады) Сіз бүгін әдемі ұлттық киіміңзді киіп алыпсыз ғой.

Қонақ: Сәлеметсіңдер ме, Роза апай, балалар! Мен сендерді мерекелеріңізбен құттықтайын деп келдім!

Тәрбиеші: Рахмет сізге Хамида апай! Балалар, бүгін біз үлкен мерекенің қарсыңында осы әдемі залда жиналып отырмыз.

— Ол қандай мереке екенін білесіңдер ме?

Қазақстанның тұңғыш Президенті күні. (Президенттің портретін көсету)

Тәрбиеші: Балалар, айтыңдаршы, біздің мемлекетіміздің көшбасшысы кім, оның аты қалай?

Балалар: Нұрсұлтан Әбішұлы Назарбаев.

Тәрбиеші: Дұрыс айтасыңдар балалар, 1 желтоқсанда 1991 жылы біздің еліміз бүкілхалықтық сайлау нәтижесінде өзінің Президентін сайлады, сол уақыттан тәуелсіздік тарихы басталды.

Тәрбиеші:

Қазақстан туымен тұғырлы,Елтаңбасымен еңселі.Әнұранымен айбатты

Біз мерекемізді Қазақстанның салтанатты әні Әнұранмен бастаймыз.

РК әнұраны

Тәрбиеші: Балалар, президент деген кім?

Балалар: Ол мемлекетті, елді басқаратын адам, Елбасы.

Тәрбиеші: Президент қандай қасиеттерге ие болуы керек?

Балалар: Президент әділ, адал, мейірімдді, еңбекқор, ақылды, барлық құқықтарды, ережелерді білетін және өз Отанын сүйетін болу керек.

Тәрбиеші: Біздің Қазақстан республикамыз қандай??

Тәрбиеші: Қалалардың өркендеуі, халықтың әл- ауқатының жақсаруы, экономиканың дамуы, біздің көнұлтты мемлекетімізде бейбітшілік осы өзгерістердің барлығы Президентіміздің Н. Ә. Назарбаевтың басшылығымен дамып келе жатқанын тағы да дәлелдейді.

Қимыл-қозғалыс ойыны: «Шаңырақ»

Ортаға 3 шаңырақ қойылады. Балаларды шаңырақты айналдыра тұрғызады. Әуеннің сүйемелдеуімен балаларды билетіп, әуен тоқтаған кезде балалар шаңырақтың жанына жиналып оны жоғары көтерулерін түсіндіреді. (2-3 рет қайталанады)

Балалар, біздер бүгін ел үшін туып, елі үшін опат болған Толағай батыр туралы мультфильм көреміз

Балаларға «Толағай» ертегісінің мультфильмының үзіндісін көрсету

- Балалар, сендерге мультфильм ұнады ма?

- Мультфильм кім туралы?

- Толағай қандай?

Толағай өте мықты батыр болған. Ол отаны үшін жанын берген. Ол батыл болған.

- Ол елі үшін, жері үшін қандай ерлік жасады?

Толағайдың еліне тауды көтеріп әкеліп,жаңбыр жауғызып, елі үшін құрбан болды.