Психолог аса қажет мамандық тақырыбындағы мақала

Психолог болу- балалардың болашақ өмірінің кілтін қолға алу. Оларды өмірге дайындау, жақсыға жақындату, жаманнан алыстату, шындықты ұғындыру. Ол үшін психолог тәрбиелі, білімді, іскер, баланы жақсы көретін, әр баланың тілін таба білетін адам болуы тиіс.

Жаңарған XI ғасырда адамның қолынан келмейтін іс жоқ. Тіпті адамның бойындағы тылсым сырды білуге тырысатын да әлем бар.

Ол әлем- психология әлемі. Жан туралы ғылым. Атам қазақ жан ғылымын ерте меңгергенін «Тән ауруы жазылар, жан ауруы жазылмайды» - деген сөзден – ақ аңғаруға болады. Мұнда үлкен мағына мен мән бар. Бүгінгі күні тән ауруын дәрігердің шипасы емдесе, жан ауруын психолог маманы емдей алады.

Әр адамның жүрегіндегі мұңды сезіп, ойды танып, дұрыс жол сілтей білу, адамнан тек мамандықты талап етпейді, адамға деген мейірімділік пен ізгіліктен туындайды.

Психолог, ол кім ?

Психолог - өзінің білімі мен біліктілігіне сүйене отырып, өзгелерді тығырықтан шығаруға көмектесетін ізгі жан.

Психолог - өзін терең түсіне жүріп, өзгелердің жан дүниесін түсінуге, зерттеуге, ұмтылатын зерттеуші.

Психолог болу үшін маманға тән қасиет терең білім, еңбек, дәлдік, ұқыптылық, қойған мақсатына жетуге деген сенімділік болу керек.

Психолог- басқа адамның мәселесіне еніп, оны түсінетін мықты тұлға.

« Тәрбиесіз берілген білім адамзаттың қас жауы » -деген ұлы бабамыз Әл- Фараби .

Бұдан нені білуге болады ? Иә, бала тәрбиесінің өте қиын екенін, әрі үлкен жауапкершілік бар екенін түсінуге болады.

Осы мақсатта, ұстаздардың , әсіресе, психолог мамандарға жүктелетін міндеттің салмағы өте зор.

Психолог мамандығы ғылым мен техника дамып, өркениеттің шыңына жетіп отырған заманда да өте қажет мамандық. Ол адамдармен сырласа алатын және олардың өмірге деген құштарлығын арттыра білуі тиіс.