Психология пәнінен психологиялық тренинг материалдары

Шетпе гимназиясы

«Ұялы телефонның пайдасы мен зияны»

/пікірталас/

Ата-аналар: Дюсембаева Жансая

Ұлықпанова Нұргүл

2018жыл

Ұялы телефонның пайдасы мен зияны.

Тәрбие сағатының тақырыбы: «Ұялы телефонның пайдасы мен зияны».

Пікірталас

Тәрбие сағатының мақсаты:

1.Интеллектуалдық шыншылдық принципіне берік болу; 2. Әр түрлі көзқарастарға түсіністік таныту арқылы адамдар арасындағы сыйластықтыарттыру; 3. Ақпаратты тиянақты етіп ұсына отырып, өз ұстанымдарын нақты дәлелдер арқылы дәлелдеу; 4. Тақырыпқа байланысты әртүрлі деректер, материалдар, фактілер, статистикалық мәліметтерді саралау арқылы оқушылардың танымдық - эвристикалық қабілеттерін арттыру.

Сабақтың өту әдісі: Дебат ойыны. Пікір таластыру.

Пән аралық байланыс: Информатика, тарих, өзін-өзі тану, әдебиет.

Пікірталас сарапшылары:

Сабақтың барысы: Жүргізуші: Армысыздар құрметті ұстаздар, оқушылар және бүгінгі дебатқа қатысушылар.

«Ұялы телефонның пайдасы мен зияны» атты пікірталасқа қош келдіңіздер! Барлығымызға белгілі пікірсайыс қарама-қайшы көзқарастың қақтығысын қамтамасыз ететін қатаң ережелер бойынша жүргізіледі. Мұнда тақырыбы бар 10 баладан 2 топ қатысады. Әуелі қатысушыларға жеребе бойынша немесе келісім бойынша ұстанымдар белгіленеді: растау немесе теріске шығару. Бір топ берілген тақырыпты қорғап шығуы керек дәлелдеуі тиіс, яғни оны жақтаушы топ деп атайды. Ал, екінші топ жақтаушыларға қарсы шығып, олардың пікіріне кереғар тұжырым айтуы тиіс. Сонан соң пікірсайыс белгіленген регламент бойынша өтеді. Ең негізгісі – әр топ өздері тақырыпқа сай критерийін құрып, оны қорғайды. Тек сөзбен емес, түрлі суреттермен дәлелдеуге болады. Әр топтың суреттері бейтарап төрешіні өздерінің көзқарасының мейлінше дұрыс екендігін сендіруге тырысады. Бұл жерде олар тек сөз сөйлеп қана қоймай, басқа жақтың дәлелдерін таластырып, өз ұстанымдарын қарсыластар көзқарасымен салыстырады. Раунд барысында сөз сөйлеген оқушыларға қарама-қарсы сұрақ-жауап өткізіледі. Қарама-қарсы сұрақ қарсыластар сөздеріне анықтық енгізу, олардың пікірлеріндегі олқылықты анықтау мақсатында қойылады.

Ортаға дебатқа қатысушыларды шақырайық.

1.«Жақтаушы» топ ойыншылары:

2. «Даттаушы» топ ойыншылары:

Ойынымызды бастаймыз: «Жақтаушы» топтың пікірі:

Армысыздар құрметті көрермен қауым,ұстаздар!

Мен ........................................... өз тобымның №1 спикері. Біздің тақырыбымыз “Ұялы телефонның пайдасы жетерлік» деген пікірді қолдаймын. Жыл санап,жетістіктерін молайтып, Азияның барысына айналуды көздеп отырған Қазақстан халқы да өзге елдер сияқты ғылым мен техниканың дамуына оң көзқарас танытуда. Шет мемлекеттерде білім алып, білімдік сайыстарда алдыңғы орындар алып жүрген Қазақстан жастары мен халқы үшін ұялы телефон пайдалы дүние.

Ұялы телефонның маңыздылығы мен қажеттілігі де осында.

1-ші дәлелдемем. Ұялы телефон байланыс көзі. Керекті хабарды уақытында алу, әр істе жетістікке жетудің кепілі.Уақыт үнемдеудің басты жетістігі. Маңызды жиналыс, мәдени кеш, іскерлік отырыстардың кешігусіз,тиянақты өтуіне ұялы телефонның пайдасы зор. Немесе бір жағдайға ұшырап кешіккен адам, сол жағдайды ескерту үшін ұялы телефон көмегіне жүгінеді. Бір сөзбен айтқанда уақыт, дәлдік деген ұғымдарға ұялы телефонның да қатысы мол.

2-ші дәлелдемем. Әлемнің түкпір-түкпірінде болып жатырған әр түрлі табиғи, өмірге қауіпті апаттарда ұялы телефонмен көмек сұраған адамдардың саны миллиондаған болса, өмірлеріне араша түскен де осы ұялы телефон болған. Сонымен қатар біреуден жәбір көрген адамның айқайын естігендер де ұялы телефон арқылы көмек шақырады. Олай болса, адам өміріне араша түсу үшін де осы телефонның пайдасы зор.