Қабілеті әртүрлі оқушылармен жұмыс 7 сынып

«Игілік орта мектебі» КММ

Қабілеті төмен

оқушылармен жұмыс

2018-2019 оқу жылы

Түсінік хат

Қабілеті төмен оқушыларда дамудың жеке варианттарының көп түрлілігі бар. Олар таным компоненттерінің қалыптасуының әр түрлі деңгейіне байланысты, яғни бұл артта қалудың әр түрлі себептері бар екенін көрсетеді. Оқушылардың негізінен білімді меңгеру үрдісі мына компоненттерден тұрады: қабылдау, түсіну, есте сақтау, қорыту және жүйелеу. Оқу үрдісінде бұл компоненттер өте тығыз байланысты. Оқушы меңгеретін материалдың қиындығына соқтыққанда ғана өз бетінше шешім қабылдап, қорытынды жасай алады. Осыдан кейін ол материалды толық игереді. Қабылдауы баяу оқушылар әрбір сабақ кезінде қажетті көрнекі құралдармен, дидактикалық материалдармен, тарататын және көрсететін көрнекіліктермен қамтамасыз етілуі қажет. Сонда ғана өткізілген сабақтар өз мақсатына толық жетеді. Осы білімді меңгеру компоненттері баяу болғандықтан нашар оқушы шығады. Оқу жылдамдығы баяу болғандықтан және есеп мәтінін қате оқығандықтан оның мазмұнын түсінбейді, есте сақтауы да төмен. Үлгерімі төмен оқушылардың ақыл-ой параметрі және жағымды ақыл сапалары қалыптаспаған білім қоры аз. Нашар оқудың алдын алу үшін артта қалу мен үлгерімнің төмендеуінің себептерін анықтау керек. Нашар оқушылардың кемшіліктері төмендегідей:

есеп шартын оқығанда әріп, буын немесе сөз қалдырып оқу;

кейбір буындарды сөздерді қайталап немесе ежіктеп оқу.

Мұндай кемшілігі бар оқушыға оқулықтан арнайы тапсырмалар немесе карточкамен жұмыс беріледі. Карточкамен жұмыс оқушыны жалықтырмайды, оқуға деген ынтасын арттырып отырады. Таным әрекетінің нәтижелілігі- ақыл ой әрекетінің даму дәрежесіне байланысты.Оның негізгі компоненттерінің қалыптаспауы үлгерімнің төмен болуының басты себебі болып табылады.

Балалардың артта қалуы мен нашар оқуын болдырмау және алдын алу жұмыстары көп уақытты, ынта-жігерді қажет етеді. Осы қиыншылықтардың себебі – баланың ақыл-ой ерекшеліктерінің,ақыл сапаларының қалыптаспағаны, ал бұл ерекшеліктер мидың кейбір органикалық аномалияларымен байланысты, сондықтан олар сыртқы әсерлерге тез көне алмайды.

Бұндай сыртқы әсерлерге өте ерте жаста жағымсыз әлеуметтік – педагогикалық жағдайлардың ықпалынан , назардан тыс қалған балалар тез көнгіш болып келеді. Мұндай артта қалудың алдын алу үшін жұмыс балалардың ақыл-ой әрекетін белсендіруге, сөйлеу қабілетін дамытуға,практикалық тәжірибесін кеңейтуге бағытталуы керек. Мектеп балаға жалпы білім беріп қана қоймай, оны жалпы дамыту,сөйлеу, оқыту,талдау жасауға үйрету, өз ойын дұрыс жеткізе білуге, салыстыра білуге, дәлелдеуге, сөйлеу мәдениетіне үйретеді. Оқу еңбегінің қаруы – ой.Логикалық жеке пікірімен өзіндік талдау біртұтас. Бұл талаптар ой мен іс әрекеттің негізгі өзегі болып табылады.

Мақсаты:

математика пәні бойынша оқушының білімін дамыту, сабақ үлгерімін жақсарту;

оқушының жекелеме тапсырмалар арқылы пәнге қызығушылығын ояту;

сабаққа белсенді қатысуын қамтамасыз ете отырып, шығармашылықпен ойлау, есте сақтау қабілеттерін жетілдіру;

пәнге деген қызығушылыығн арттыру арқылы мемлекеттік білім стандартын меңгерту;

төмен оқушылармен жыл бойы жұмыс жүргізе отырып, математика пәнінен қабілеті төмен оқушылардың жеке тұлғалық мүмкіндіктерін ашуға көмектесу.

Міндеттері:

әр сыныптағы үлгерімі төмен оқушыларды анықтау

мемлекетін білім стандартын менгере отырып, жыл бойы жұмыс жүргізу арқылы үлгерімін жоғарылату;

үлгерімі төмен оқушыларға психологиялық-педагогикалық көмек көрсету.

Күтілетін нәтиже:

оқу бағдарламасына сай білімді өз дәресенде меңгереді;

пән бойынша негізгі ұғымдар мен түсініктерді ажырата және салыстыра алады;

ұлттық сана сезімі жетілген және ішкі жан дүниесін тануға, өзін өзгелермен салыстыруға мүмкіндігі қалыптасқан тұлға.

Математика пәнінен қабілеті төмен

оқушылармен жүргізілетін жұмыс жоспары

2018-2019 оқу жылы

Атқарылатын жұмыстар

Рет саны

Жасалынатын іс-шара

Уақыты

Үлгерімі төмен оқушыларды анықтау, білім деңгейінің төменділігінің себептері, мінезі, жанұя жағдайы.

Қыркүйек

Әр сыныпқа үлгерімі төмен оқушылармен жұмыс жоспарын бекіту

Қыркүйек

Қосымша сабақтар өткізу.

Аптасына бір рет

Жеңілдетілген түрде тапсырмалар беру.

Үнемі

Сыныптағы үлгерімі жақсы оқушыларға білім деңгейі төмен оқушыларға көмектесуге жүктеу.

Үнемі

Тапсырмасы жылдам және жеңіл түрде алынған кім жылдам атты интеллектуалды ойын өткізу.

Үнемі

Тоқсан сайын байқау тестілеудің барлық пәндер бойынша мониторингін жүргізу.

Тоқсан сайын

Ата-аналармен, сынып жетекшілермен үнемі байланыста болу.

Үнемі

Оқушыларға психологиялық, ақпараттық қолдау көрсету.

Үнемі

2018-2019 оқу жылындағы математика пәнінен 7-сыныптағы

қабілеті төмен оқушылармен жүргізілетін

жұмыстың жоспары

Сабақтың тақырыбы

Сағат саны

Күні

Түзету

Натурал көрсеткішті дәреже және оның қасиеттері

Бүтін көрсеткішті дәреже және оның қасиеттері

Бірмүше мен Көпмүше

Қысқаша көбейту формулалары

Тест

Логикалық есептер

Рационал бөлшектер

Теңдеулер жүйесі мен теңсіздіктер жүйесі