Қайыңдағы құстың ұясы туралы мектепке дейінгі материал

Алматы обл «Көксу ауданының Балпық ауылдық округі әкімінің аппараты» ММ «Жұлдыз бөбек жай-балабақшасы»КМҚК

«Қайыңдағы құстың ұясы»

(ұйымдастырылған ашық оқу қызметі)

Тәрбиеші: А.Уркимбекова

2019-2020 оқу жылы

Білім беру саласы: Шығармашылық.Коммуникация.

Оқу қызметі: Аппликация.Драма.

Тақырыбы: «Қайыңдағы құстың ұясы»

Мақсаты: Балалардың құстар және олардың тіршілігі туралы білімдерін кеңейту; құстың ұясын және оның жеке бөліктерін қиып, жапсыруды меңгерту; қию тәсілдерін жетілдіру, шығармашылық қабілеттерін арттыру;сахналау арқылы сөздік қорларын молайту.

Білімділік міндеті: Кеңістік ұғымдары туралы түсініктерін нақтылау;

Дамытушылық міндеті:Балалардың көркемдік талғамын қалыптастыру;

Тәрбиелік міндеті: құстарға қамқорлық жасауға тәрбиелеу.

Қолданылатын көрнекі құралдар: Демонстрациялық материалдар, қайшы, желім, құстың ұясы.

Әдіс-тәсілдері: көрсету, түсіндіру, ойын өткізу, сұрақ-жауап, бекіту, мадақтау.

Алдын ала жүргізілетін жұмыс: құстарға қамқорлық жасау туралы әңгіме өткізу.

Сөздік жұмыс: қайың, ұя, шатыр.

1.Ұйымдастыру кезеңі

Жылулық шеңбері.

Күннің көзі ашылып,

Көкке шуақ шашылып.

Құтты қонақ келіпті.

Амандасу үлкенмен.

Тәрбиенің басы ғой.

Ал кәнекей бәріміз,

«Сәлем»- делік үлкенге.

-Балалар, қазір жылдың қай мезгілі?

-Көктем айларын атайықшы?

-Көктемде табиғатта қандай өзгерістер болады?

-Өте жақсы. Балалар, мен сендерге жұмбақ жасырамын, мұқият тыңдап, жауабын шешуге тырысыңдар.

Қанаты бар талмаған,

Аспанда ұшып самғаған.

Жауы - шыбын шіркейден,

Табиғатты ол қорғаған.

2.Негізгі кезең

-Өте жақсы, балалар.

-Құстар дегеніміз - табиғаттың бір бөлшегі. Олардың түрлері өте көп.

-Ал сендер олардың қандай түрлерін білесіңдер?

-Жабайы құстарды атап беріңдерші?

-Жабайы құстар табиғатта өздігінен тіршілік етеді. Көктемде қараторғай, қарлығаш, үйрек, аққу, тырна, бұлбұл, көкек ұшып келіп жұртшылықты қуантады. Олар бау-бақшада тамылжыта ән салып, өздеріне ұя салады. Шыбын-шіркей, құрт-құмырсқаны жойып, табиғатқа пайдасын тигізеді екен.

-Балалар, біз дала құстарын айттық, енді үй құстарын атап беріңдерші?

-Өте жақсы, балалар!

-Қыстап қалған құстарды кім біледі?

-Бұлар не себепті қыстап қалады?

-Ал жыл құстары неге жылы жаққа ұшып кетеді?

-Олар қандай құстар?

Билингвальды компонент:

-Ұя-скворечник,

-Торғай –воробей,

-Қайың-береза.

-Ал, балалар, енді осы құстарымыз туралы бір көрінісімізді қояйық.

Көрініс: «Қарлығаш пен дәуіт»

Автор: Ертеде бір қарлығаш жардың қуысына ұя салып, балапандарын шығарыпты. Бірде ұяға жауыз жылан өрмелеп бара жатады. Оны көрген қарлығаш шыр-шыр етіп, көкекке барып көмек сұрайды.

Қарлығаш: Шиқ-шиқ, көкек, балапандарыма көмек бере гөр.