Қайырымдылық акциясының рефлексивті есебі, өзін-өзі тану

Хромтау ауданы, Оңғар орта мектебінің «Өзін-өзі тану» пәнінің мұғалімі

Танзенова Гульбаршин Кушалиевнаның «Таза жүрек, жылы жүзбен қайырымдылық жасап жүрейік!» қайырымдылық акциясының рефлексивті ЕСЕБІ

Көмекке мұқтаж адамдарға риясыз қызмет ету мақсатында қайырымдылық акциясы ұйымдастырылды. Мектеп директоры мен оқушылардың ата-аналарының рұқсатымен акцияға 8-9 сыныптар қатысты.Мектепте бұрын соңды мұндай қайырымдылық акциялары жиі өтіп тұратын. Сондықтан оқушылар мұндай көмек көрсетуге бірден келісті. Оқушылар белгіленген уақытта кешікпестен мектеп алдында жиналды.

Алдын-ала «Таза жүрек, жылы жүзбен қайырымдылық жасап жүрейік!» қайырымдылық акциясының даярлық жоспары құрылды. Мектеп дәлізіне алдын-ала хабарландыру ілінді. Мектеп директорының уақытша міндетін атқарушы Е.З.Алпамысовтың келісімімен тіркеуде тұрған көмекке мұқтаж, қарт адамдардың тізімімен таныстық.Көмекке мұқтаж адамдарға риясыз сүйіспеншілікпен көмек қолын созу қайырымдылық акциясы ұйымдастырылды. Мектеп директоры мен оқушылардың ата-аналарының рұқсатымен акцияға 8-9 сыныбы қатысты, 14 оқушы дөңгелек үстеліне қатысуға тілек білдірді.

Алдымен оқушыларға «Твори добро и оно к тебе вернется!» видеоролик көрсетілді.Видеороликтен алған әсерлерімен бөлісті.Қайырымдылық көрсету үшін, адамды таңдау еркі өздеріне берілді.Оқушылармен ой бөлісу, әңгімелесу барысында оқушылар ауылдағы жалғызбасты Медетова Ұмсындық әжеге көмектесуді шешті. Ақцияға қатысатын ерікті оқушылардың тізімін анықтап, тіркелді. Алдын-ала, ата-аналарына хабарлап, рұқсатын алдық.Қандай көмек керектігін жайлы сұрастырып, жұмысқа кірістік.

Оңғар ауылының Адыр көшесінің №36 үй тұрғыны Медетова Ұмсындық әженің үйіне көмек қолын созу мақсатында бардық. Шыны керек, қазір барлығымызда ақшаның,заттың артынан қуып жүріп, айналамыздағы адамдардың мейірімге мұқтаж екенінде байқамаймыз. Соның ішінде, үлкен адамдар ананың мейірімін, ананың ақ сүтін іздеген кішкентай сәби секілді оларда мейірімге зәру.Олар үшін үй жинап, қар тазалау маңызды емес, бір минутыңды соларға арнап, мейірімді көзіңмен, жүрегіңмен әңгімелессең де олар үшін үлкен бақыт. Осы бақытты сезіндіре білген оқушылар қайырымдылық іс шарасына аса белсенділікпен ат салысты. Оқушылардың көзінен мейірімділікті, риясыз сүйіспеншілікті байқадым. Мені қуанышқа бөлеген де осы. Әжейдің қуанышында шек болмай, ақ батасын берді. Оқушылар өздерінің осындай акцияға қатысқандары үшін өздерін ерекше сезініп, үлкендерге көмек көрсетуді, қайырымды, мейірімді болу керек екендігін түсінгендей болды.