Қайырымдылық – асыл қасиет, 5 сыныпқа тәрбие сағаты

«Қалалық жас туристер стансасы» МКҚК

«Қайырымдылық – асыл қасиет»

Өткізген:

Бақытжанова Ж.Ж

Ақтөбе, 2019 жыл

Тәрбие сағатының тақырыбы: Қайырымдылық – асыл қасиет!

Тәрбие сағатының мақсаты: Қайырымдылық, жақсылық жасау дәстүрлері жайында түсінік беру, қазақ тіршілігінде түрліше іске асырылып отырғандығы жайында мәліметтер беру, халқымыздың қайырымдылық дәстүрін жалғастыруға бағыт беру, үнемі жадында ұстауға тәрбиелеу.Көрнекіліктері: Қайырымдылық жайында жазылған ұлағатты сөздер: «Жасаған жақсылығың сатулы болмасын», «Адамға қылған жақсылық өмірінде тозбайды», «Бір-бірімізге қайырымдылық, мейірімділік жоқ жерде бірлік пен ынтымақтастықтың ауылы да алыстай береді», т.б.

І. Ұйымдастыру кезеңі.

... Адамға ең бірінші білім емес, рухани тәрбие берілу керек, тәрбиесіз берілген білім – адамзаттың қас жауы, ол келешекте оның барлық өміріне апат алып келеді. Әл-Фараби Мұғалім: Армысыздар құрметті оқушылар. Бүгінгі біздің «Қайырымдылық – асыл қасиет» атты тәрбие сағатымызға қош келдіңіздер.Қайырымдылық мейірімділіктің іс жүзіндегі бір көрінісі. Олай болса осы «мейірімділік» деген ұғымды қалай түсінесіңдер.Оқушылар топтастырады.

Мейірімділік

Оқушылар ассосацияны толық аяқтайды.

ІІ. Ал, оқушылар екі топқа бөлініп қолымызға берілген суреттер мен плакаттарды, түрлі-түсті карандаштарды пайдаланып Қайырымдылық туралы қабырға газетін шығарайық.

ІІІ. Жақсы оқушылар интерактивті тақтаға назар салып, видео тамашалайық.

Ал, оқушылар видеоролик не туралы? Қайндай ой түйесіңдер? Қандай ой айтасыздар? Оқушылар өз ойларын айтады. Пікірталас болып, әр оқушы оө ойларын білдіреді.

ІV. Мәтінмен жұмыс: Мәтінді әңгімелеу. «Сары тауық пен балапандары» М.Төрежанов

Күздің бір күні сары тауық

балапандарын ертіп, ауылдан ұзап кеткен. Аяқ астынан жаңбыр құйып кетті. Суық жаңбырдың астында қалған сары тауық балапандарын қанша асықса да мекеніне жеткізе алатын емес. Өйткені балапандарының жылы жүні әлі шықпаған балғын жас еді. Сары тауық қатты састы. Шөжелерін қос қанатыныңастына алып, бауырына басты. Бір балапаны сыймай сыртта қалды. Ана айла жасап, балапандарын кезектестіріп бір-бірден тыста ұстап, тоңа бастағанда бауырына алып отырды. Кезек ең кенжесіне келгенде ана оны сыртқа шығармады.

- Оны неге шығармайсыз?- деп сұрады бір ақ балапан.

- Ол тым жас.

- Жас болса қайтеді? Кезегі келгенде ол да шықсын.