Қанқызы мен құмырсқа ашық сабағының жоспары

Ұйымдастырылған оқу қызметінің технологиялық картасы

Білім беру саласы: Әлеумет. Таным. Коммуникация. Денсаулық.

Бөлімі: Экология. ҚМҰҚ. Сөйлеуді дамыту.

Тақырыбы: «Қанқызы мен құмырсқа»

Мақсаты: Балаларды жәндіктер әлемімен таныстыруды жалғастыру. Сөздік қорларын «құмырсқаның илеуі» деген сөздермен толықтыру. Жәндіктердің суреттерін көрсету арқылы зейіндерін және білуге деген құштарлықтарын арттыру. Ұсақ моторикасын дамыту үшін фетрден жасалған қан қызын толықтыру. Жәндіктерге деген қамқорлық сезімдерін тәрбиелеу.

Қолданылатын көрнекі құралдар: Фетрден жасалған қанқызы, танграмм пішіндері, көз жаттығуына арналған көбелектер. Жәндіктер, гүлдер бейнеленген, слайдттар. Мнемо кесте.

Сөздік жұмыс: құмырсқаның илеуі.

Билингвалды компонент: жәндіктер-насекомые, қан қызы-божья коровка, құмырсқа-муравей.

Оқу қызметінің

кезеңдері

Тәрбиешінің іс-әрекеті

Балалардың іс-әрекеті

Мотивациялық –қозғаушылық

Ұйымдастыру-шылық -ізденістік

Рефлексиялық -түзетушілік

Шаттық шеңбері

Үлкенге де - Сіз.

Кішіге де - Сіз.

Барша жанға құрметпен,

Бас иеміз біз!

- Балалар қараңдаршы бізге бүгін көп қонактар келіпті. Кәне амандасайық.

- Қазір жылдың қай мезгілі?

- Бүгін біз осы көктем мезгілі туралы әңгімелейтін боламыз.

Енді орнымызға отырамыз.

- Балалар, көктем мезгілі келгенде табиғатта қандай өзгерістер болады?

- Дұрыс айтасыңдар. Көктем келгенде күн жылып, ағаштар бүршік жарып, көк шөп шығып, гүлдер жайқала өсіп бастайды. Бұл кезде жәндіктердің бәрі оянып, жер бетіне шығады. Жәндіктер табиғаттың сәні. Олардың пайдасы өте зор. Атап айтатын болсақ ара гүлдердің көбейуіне көмектесіп, бізге бал жинап береді екен. Ал құмырсқалар болса өте еңбекқор жәндіктер. Олар кіп-кішкентай денесіне қарамай, өзінен үлкен дәндерді өз илеуіне тасиды екен.

- Ал сендер, қандай жәндіктерді білесіңдер?

- Ал, көбелектер мен қанқызы адамдарға зиян келтірмейді екен.

- Ал, бұл жәндәктерді аяғымызбен басып таптауға болады ма?

- Олар қайда тіршілік етеді?

- Ия дұрыс айтасыңдар. Жәндіктер орманда, далада, егін алқаптарында, тіпті біздің ауламызда да тіршілік етеді. Біз серуенге шыққанда да көреміз жәндіктерді.

- Балалар, жәндіктерді орыс тілінде насекомые, қанқызын божая коровка, ал құмырсқаны муравей дейді.

(Желдің дауысы шығады)

- Балалар, бұл ненің дауысы болды екен?

- Сәлеметсіңдер ме, балалар.

- Мен еңбекқор Құмырсқамын. Көктем шығып, күн жылынған соң досым Қанқызы екеуміз серуенге шығып едік жел тұрып, досымнан адасып қалдым. Маған досымды табуға көмектесесіңдер ме?

- Сен көңіліңді түсірме, біздің балалар саған көмектесуге дайын. Сенің досыңды іздеп табамыз.

- Балалар, Құмырсқаның көңілін аулап, біз жәндікдіктерді ренжітпейтінімізді, олармен дос екенімізді көрсету үшін ойын ойнап, достығымызды білдірейік. Келісесіңдер ме?

1. Тапсырма "Фетрден Қанқызының бейнесін қара нүктелерін түймелеу арқылы толықтыру"

- Олай болса, менің қолымдағы ненің бейнесі?

- Қанқызының пішіні қандай?

- Қанқызының қандай ерекшелігі бар?

- Ия дұрыс айтасыңдар, қанқызының түсі ерекше қызыл екен.

- Түймелерін санап көрейікші.

- Балалар, мына дөңгелектерді түймелеп көрейікші.

- Қараңдаршы балалар, үстіндегі әдемі қара нүктелерімен кәдімгі шын қанқызындай көрінеді екен.

- Балалар сендерге ойын ұнады ма?

- Ал, Құмырсқа біздің ойынымыз саған ұнады ма?

- Сендер шаршап қалған боларсыңдар. Біз Құмырсқамен бірге бойымызды сергітіп алайық.

Сергіту сәті

Ұзын мұртты құмысқа

Бара жатты жұмысқа

Допты алып қолыма

Қойдым оның жолына

Оң жағына қарады,

Сол жағына қарады.

Тау екен деп ойлады.

- Балалар, біздің құмырсқамыз қандай жәндік?

- Ия, дұрыс айтасыңдар ол өте еңбекқор. Ал, сендер еңбек туралы мақал-мәтелдер білесіңдер ме?

- Ендеше, осы кесте бойынша еңбек туралы мақалды құрап көрейікші.

2. Тапсырма. "Мнемо кесте арқылы мақал-мәтелді тап"