Қарым-қатынастың студенттердің эмоциялық зердесіне әсері

Студенттердің эмоционалдық интеллектісін дамытуға қарым-қатынас әсері

Әл-Фараби атындағы Қазақ ұлттық университеті (ҚазҰУ) — еліміздегі ең ірі әрі беделді оқу орындарының бірі. Қазақстанның жоғарғы білім беру жүйесінің көшбасшысы болып табылатын бұл университет ел экономикасы мен ғылымының дамуына айрықша үлес қосып келе жатқан білім ордасы болып табылады. Университеттің білім беру және ғылыми-зерттеу саласындағы жетістіктері мен ұлттық және халықаралық деңгейде алған беделі еліміздің білім беру саясаты мен мәдениетінің маңызды бөлігін құрайды.

ҚазҰУ-де білім алу – бұл ғылымның терең негіздеріне үңілу және жаңалық ашу үдерісіне қатысу деген сөз. Университеттің оқу бағдарламалары заман талабына сай жаңартылып, студенттерге жоғары деңгейде білім алу мүмкіндігін береді. ҚазҰУ түрлі мамандықтар бойынша бакалавриат, магистратура, докторантура бағдарламаларын ұсынады. Бұл оқу орнының студенттері тек теориялық білімді ғана емес, практикалық дағдыларды да меңгеріп, қазіргі заманғы ғылым мен технологиялардың жетістіктерін игеруде.

Психология мамандығы – әлеуметтік қызметтің, білім беру жүйесінің, денсаулық сақтау саласының және бизнестің ажырамас бөлігі. Әрбір адамның психологиялық жағдайы, тұлғалық ерекшеліктері мен даму жолдары оның өмір сапасына әсер етеді. Сондықтан, психологияны зерттеу, оның тәжірибеде қолданылуы жеке адаммен бірге қоғамның да дамуына ықпал етеді. Ендігі кезекте мамандарды даярлайтын ордалардың бірі әл-Фараби атындағы Қазақ Ұлттық Университеті жайлы айтып өтсек.

Келесі кезекте тақырып туралы сөз қозғайтын болсам,ең алдымен эмоциялық интеллект сөзіне анықтама беріп өтсек. Эмоциялық интеллект (ЭИ) – адамның өз эмоцияларын түсініп, басқару және өзгелердің эмоцияларын дұрыс түсіну мен оларға әсер ету қабілеті. Бұл түсінік соңғы жылдары жеке тұлғаның әлеуметтік және кәсіби жетістігіне маңызды ықпал ететін фактор ретінде кеңінен танылды. Әсіресе, студенттердің эмоциялық интеллектісі олардың оқу процесінде ғана емес, өмірлік дағдылар мен тұлғалық даму жолында да шешуші рөл атқарады. Оқу орнында студенттердің эмоциялық интеллектісінің қалыптасуына ерекше әсер ететін факторлардың бірі – қарым-қатынас. Студенттер арасындағы өзара әрекеттестік, оқытушы мен студент арасындағы қатынастар, сондай-ақ қоғамдық ортаның әсері эмоциялық интеллектінің дамуына тікелей ықпал етеді.