Қашықтықтан білім беру туралы баяндама

Қашықтықтан білім беру уақыт талабы

Усенкулова Айбиби Аманбаевна

№18 орта мектебінің қазақ тілі мен әдебиеті пәнінің мұғалімі

Қашықтықтан оқыту қазіргі заман талабы болғандықтан, оны ұйымдастыруда ҚР Білім және ғылым министрлігі мен мұғалімдердің бірлесе отырып атқарып жатқан жұмысы оңай емес.

Қашықтықтан оқыту - бұл мұғалімнің біліктілігін көтереді. Оқушының өз бетімен білім алуын қалыптастырады. Ата-ананың мектепке, мұғалімге деген көзқарасын өзгертеді деп ойлаймын. Қазіргі таңда ең тиімді құрал ретінде «Youtube», «Whatsapp» әлеуметтік желілерін қолданып отырмыз. Алғашқыда «Бұл қалай болар екен? Сабақты қалай түсіндіремін? Оқушы жаңа материалды толық меңгере ала ма?» деген сұрақ жалпы білім беретін мектеп мұғалімдерін мазалағаны анық.

Орта буын оқушыларына қазақ тілі мен әдебиетін оқыта отырып, бұл алдын-ала мазасыздану екенін түсінгендеймін. Оқушыларға өзіндік дайындық тапсырмаларын беруде мүмкіндігінше жеңіл етіп жасауға тырыстым. Себебі, біздің оқушыларымыз орыс тілді болғандықтан оларға бетпе-бет отырып түсіндірмегендіктен тапсырманы игеру, орындау қиындықтар әкелді. Дәстүрлі білім берумен салыстыра келе, оқытудың бұл түрінің оқушы үшін де, мұғалім үшін де тиімсіз тұстарымен қатар тиімді тұстары бар екенін байқағандаймын. Бетпе-бет оқыту барысында толыққанды кері байланыс жасаушы баланың саны 1/3 құраса, қашықтықтан оқыту барысында бұл есеп тең дәрежеде болып тұр. Өйткені сынып оқушыларының алдында өзін «ұялшақ», «әдемі, сауатты жаза алмаймын» деп санайтын оқушылар, сонымен қатар Ресей, Германия мемлекетінен келген оқушылардың сынып жұмысын, үй жұмысын тиянақты орындап, мейлінше қатарластарының алдына озып кетпесе де, өзіндік ой-пікірін айтып, белсенділік танытуы таңқаларлық жағдай, көңілімді қуантып, мерейімді өсірді.

Өз тәжірибемнен айта кететін болсам, маған қашықтықтан оқыту ұнады. Себебі, орта жаста болсамда ақпараттық-коммуникациялық технологияларды және телекоммуникациялық құралдарды қолдануда білімімді тереңдеттім десем де болады. Видеосабақ жасауды үйреніп, оқушыларға шағын сабақтарды түсіндіріп «Whatsapp» желісі арқылы жіберіп отырдым. Осы тұста қазақ тілі мен әдебиеті пәнінен 7-сыныпта өткен Мағжан Жұмабаевтың «Мен жастарға сенемін» тақырыбындағы сабағымды айтатын болсам, оқушылар ақынның өлеңін жаттап, мәнерлеп оқып, видеоға түсіріп кері байланыстарын жасады. Мұндағы бір ерекшелік сыныпта көп ашыла бермейтін оқушылардың белсенділігін байқадым. Мысалы, 7 а сыныбындағы Гареев…