Қашықтықтан оқыту жаңа меже мақала бастауышқа

Маңғыстау облысы , Жаңаөзен қалалық білім бөлімінің «мектеп-гимназиясы» коммуналдық мемлекеттік мекемесінің бастауыш сынып мұғалімі Сүйінбекова Жанар Құрмаңғазықызы

Тақырыбы: ҚАШЫҚТЫҚТАН ОҚЫТУ - ЖАҢА МЕЖЕ!

Жер жаһанды жайлаған пандемия жағдайы өмірдің барлық салаларын сынап қана қоймай, жаңа арнаға бет бұруға әкелгені баршамызға аян. Сол салалардың қатарында білім беру жүйесі ерекше аталады. Аяқтан шалған кедергі, емі жоқ дерттің белең алуына қарамастан білім беру, оқыту, тәрбиелеу үдерістері еш толастамауын мақсат еткен елімізде 2019-2020 оқу жылының IV тоқсаны жаңашылдық пен өзгерістерге толы болғаны белгілі. Бұл «ата-ана-мектеп-мұғалім» үштігінің берік қалыптасуына негіз бола отырып, қашықтан оқыту жүйесіне бетбұрыс жасаудың алғашқы қадамдары еді. Себебі, еліміздің білім беру жүйесі тарихында жаппай қашықтан оқыту бастамасы жүзеге асырылмағандығын ескерсек, бұл арнада қызмет жасау мұғалімдерге артылған зор сенімнің айғағы, дәлелі болмақ

Техниканың дамыған заманында барлық мүмкіндіктерді пайдалану ағымдағы жылдың білім беру жүйесінде ерекше маңызға ие. Оқушының пәнге деген қызығушылығын арттыра отырып, тақырыпты тереңінен түсіндіру , оқу мақсаттарына жету, мұғаліммен оқушы арасындағы кері байланыс жасауды қолжетімді ету мақсатында Жаңаөзен қаласы , Жаңаөзен мектеп-гимназиясында оқытудың жаңа межесі алынды деп толығымен айта аламын. Себебі нәтижеге бағытталған үдеріске даярлық тыңғылықты жүзеге асырылып, әр оқушының байланыс құралдарымен қамтамасыз етілуі ескерілді. Қашықтан оқытудың тиімді платформалары ретінде WhatsApp, Google classroom, Daryn.online, Bilimland платформалары таңдалып, оқу-тәрбие үдерісі жүзеге асырылып келеді.

Жас маман – жас өскін. Қалай бапталынса, солай жайқалады. Жаңаөзен мектеп-гимназиясының жас маманы, бастауыш сынып мұғалімі, оқушыларға бағыт ретінде қашықтан оқытуды арнадан қалыспай жүргізіп келе жатырмын. «Түсінгендіктің шын белгісі-«иә» деген жауап емес,шәкірттің жүзіндегі қуаныш болып табылады»-деп ұлы ұстаз Абу-ль-Фарадж ал-Исфахани айтқандай , елімізде болып жатқан жағдайда мұғалімнің іс-әрекетінің нәтижеге бағытталуын жүрегімен сезіп , шын көңілімен балаға білім нәрімен сусындатып, жүзіне қуаныш ұялату. Дәл осындай бағытта бастауыш сыныптарының бірі 4 «В» сыныбына екі жақты тиімді байланысты басшылыққа алып келемін. Оқушыға тақырыпты тереңірек түсіндіру, кері байланыс жасауын, пәнаралық байланыстарды, оқу тапсырмаларын жеңіл және тиімді бағытта орындауы, Daryn.online, Bilimland секілді видео-сабақтармен мен тест…