Қауіпсіз интернет ақпараттық науқаны информатика пәнінен мақала

№5 Ақарал жалпы білім беретін мектеп-гимназиясы

«Қауіпсіз интернет» республикалық ақпараттық науқаны

аясында атқарылған іс-шаралар

Интернет – бүкіл әлемдегі миллиондаған компьютерлер мен ұялы сымтетіктерді бір-бірімен байланыстыратын орасан зор желі. Бұл байланыс түрі ХХ ғасырдың аяғында пайда болса да, әлемде зор қарқынмен дамып келеді. Қазіргі заманда қажеттілікті тудырып отырған бүкіл ғаламдық күш ретінде ғаламтор желісі Қазақстандық ересек адамдар мен жасөспірімдердің өміріне әсер етуде. Оның адам баласына берер пайдасы мен зияны да жетерлік. Адам ұялы сымтетіктер мен компьютерлерге отырған кезде міндетті түрде интернетті пайдаланады VK, YouTube, Google, Instagram, WhatsApp, Facebook сынды сан мың желілер алысты жақындатып, қазіргі уақытта адамдардың бір-бірімен байланысуына және түрлі мағлұматтар алуына, тіпті бейнебайланыс орнатуға септігін тигізуде. Әрине, техника дәуірінде жан-жақты болған жақсы ғой, бірақ әр нәрсенің өз уақыты, орны болуы керек емес пе?

Оқушының санасын улайтын түрлі қауіпті сайттардан қорғау мақсатында №5 Ақарал жалпы білім беретін мектеп-гимназиясында «Қауіпсіз интернет» атты ақпараттық науқаны ашылып, іс-шаралары жоспарланды. Науқан барысында мектебімізде «Интернет дегеніміз не?», «Қауіпсіз интернет еліне саяхат», «Интернет пен денсаулық», «Балаларға бала жасынан бастап қауіпсіз интернет қажет» тақырыбында оқушы білімін арттыратын ашық тәрбие сабақтары жоғары дәрежеде жалғасып жатты. «Интернет және біз», «Интернет желісіндегі қауіпсіздік шаралары» атты дөңгелек үстелдер, «Интернетті қауіпсіздендіру бағытындағы шаралар», «Желідегі сөйлеу мәдениеті», «Интернеттің алдын алу – оқушылар тәуелділігі» тақырыптарында шығармалар мен эссе сайыстары және «Шынайы өмір – виртуальды әлемнен жақсы» 5-11 сынып білім алушылары арасында флеш-моб ұйымдастырылды.

Мектебімізде тәжірибелі тілшілер, психологтар, басқа мамандардың, ата-аналардың қатысуымен өткізілген кездесулер ерекше әсер қалдырды. Интернет желісіндегі қауіпсіздік шаралары туралы «Ғаламтордың пайдасы мен зияны» тақырыбында қызу пікіралмасу (дебат) ешкімнің назарынан тыс қалмады. «Қауіпсіз интернет, желідегі пайдалы заттар» тақырыптарында плакаттар жарысы, «Интернет менің өмірімде» атты оқушылардың сөйлеу мәдениетін жақсартатын буклеттер сайысы, «Интернет орнына кітап оқы» атты шығармашылық жұмыстар бойынша түрлі байқаулар өтті.

Ғаламтор – күнделікті ішетін ас секілді санамызға еніп барады. Қазақстан интернеттен бас тарта алмайды. Егер біз ғаламтордан жапа шегеміз деп әлемдік өркениеттен…