Қауіпсіз интернет тақырыбына арналған оқу материалы

«Қауіпсіз Интернет» ақциясы аясында өткізілген «Білім алушылар арасында интернетте қолайлы тәртіп модельдері» туралы бейнероликтердің көрсетілімін ұйымдастыру туралы мәлімет

28.04.2018 жылы мектеп оқушыларына «Білім алушылар арасында интернетте қолайлы тәртіп модельдері» туралы бейнероликтердің көрсетілімі ұйымдастырылды. 5-7 сыныптарға информатика және 9, 14 кабинеттерде «Қауіпсіз Интернет», «Интернет дегеніміз не?», «Қауіпсіз интернет еліне саяхат», «Интернет пен денсаулық» тақырыбы аясында бірнеше видеороликтер мен презентациялар көрсетіліп, оқушыларға жаднама таратылды. Оқушының санасын улайтын түрлі қауіпті сайттардан қорғау мақсатында 9-11 сыныптарға мектеп акт залында «Интернетте ақпаратты қорғау», «Әлеуметтік желілер және қаіпсіздік» тақырыптарына байланысты видеороликтер мен презентациялар көрсетілді. Соңынан бірнеше баяндамалар оқылды, «Желідегі қарым-қатынас этикасы» атты оқушылардың сөйлеу мәдениетін жақсартатын буклеттер таратылды.

Ғаламтор – күнделікті ішетін ас секілді санамызға еніп барады. Қазақстан интернеттен бас тарта алмайды. Егер біз ғаламтордан жапа шегеміз деп әлемдік өркениеттен, тез мағлұмат алу мен байланыс құралынан бас тартатын болсақ біртіндеп құлдырай бермекпіз. «Ауырып ем іздегенше, ауырмайтын жол ізде»,-деп қазақ халқы айтпақшы, ауырмайтын жолдарды жасап, монитор алдында күлгін сәулелерден қорғайтын қауіпсіздік ережелерін сақталық.

Мектеп – білім айдынындағы үлкен кеме. Осы кемеде әрбір бала он бір жыл уақыттын өткізеді. Киелі ордада әрдайым жұмыс қайнап жатады. Мұғалім қандай қиыншылықпен бетпе бет келсе де, шешімін әрдайым таба алады. «Қауіпсіз интернет» тақырыбындағы ақпараттық науқаны жоғары дәрежеде ұйымдастырылып, іске асырылды. Осы шаралардан соң мектеп оқушылары интернет желісін пайдалану қағидаларын жетік меңгерді деген үміттемін.