Қауіпсіз мектеп туралы әлеуметтік педагогке анықтама

М.Маметова атындағы №27 физика-математика бағытындағы мектеп-лицейінде «Қауіпсіз мектеп» акциясы бойынша жүргізілген жұмыстар туралы анықтама.

2019 - 2020 оқу жылының қыркүйек айында республикалық «Қауіпсіз мектеп» акциясы ұйымдастырылды. Акцияның мақсаты: білім беру ұйымдарында балалардың қауіпсіздігін қамтамасыз ету, оқушылар арасында және оларға қарсы құқық бұзушылықтың алдын алу және оқу орындарында қауіпсіздік шараларын жетілдіру.

Осыған орай «Қауіпсіз мектеп» республикалық іс- шаралар акциясының мектепшілік жоспары жасақталып, жоспар бойынша «Қауіпсіз мектеп» акциясының іс-шаралары ұйымдастырылып өткізілді. Акцияның мақсатына сәйкес, мектеп-лицейдің жаңа 2019-2020 оқу жылына оқу сыныптары, мектеп асханасы, спорт залдың дайындығы, бейне бақылаулардың мектептерде жұмыс жасап тұруы , ғимараттардың өртке қарсы және эпидемиологиялық талаптарға сай болуына тексерулер жүргізілді. Сонымен қатар «Қауіпсіз мектеп» акциясының аясында ата-аналармен «Балалар қауіпсіздігі-біздің міндетіміз» атты дөңгелек үстел өтті.

5-7 сыныптар арасында МАЙ қызметкерімен бірге «Балалар қауіпсіздігі- біздің міндетіміз» тақырыбында ата-аналар және оқушылармен түсінік алаңы өтті.

Жол қауіпсіздігіне байланысты 5-8 сынып оқушылары арасында «Қауіпсіздік шұғыласы» атты сурет байқаулары мен фото байқаулар өткізілді. Балалар мектеп пен үй арасындағы жолдар, ондағы қауіпсіздік белгілері туралы бейнелеп, өз білімдерін ортаға салды

«Айналайын, абайла» (5- сыныптар), «Біз қауіпсіз мектеп үшін» (7-9 сыныптар), «Жол қауіпсіздігі – өмір қауіпсіздігі» (10-11 сыныптар) қауіпсіздік тақырыптарына арналған сынып сағаттары ұйымдастырылды.

Жас Ұлан ұйымындағы оқушылар акция барысында Көлік жүргізушілері мен көше жүргіншілеріне «Абайлаңыз балалар!», «Жаяу жүргіншілерге арнау» атты үнпарақтарын таратты.

Мектеп дәлізінде «Қауіпсіз балалық шақ» ақпараттық стенді жасақталды. Стендте ЖЖЕ-нің есертулері, алғашқа көмек көрсету ақпараты, мектепте, үйде, орманда, суда өзін ұстау ережелері, жедел қызмет телефон нөмірлері орналастырылды

«Жолда жүру тәртібін, жадыңда ұста!» тақырыбында 5-11 сынып оқушыларына видеороликтер көрсетіліп, қосымша ақпараттар берілді. Кез келген қауіпті жағдайда өзін-өзі психологиялық тұрғыда ұстай білуге тәрбиелейтін баянды бейне материалдар ұсынылды.

7-8 сынып оқушыларының арасында жол қозғалысы қатысушыларын жолдағы мұқияттылыққа шақыру мақсатында флешмоб ұйымдастырылды.

«Қауіпсіз мектеп» республикалық акциясының соңғы күндері «Қауіпсіз жол» жол қозғалысының жас инспекторларының сайысымен жалғасын тапты. 5-7 сынып оқушыларынан құралған командалар жол ережелері, жол белгілері, қауіпті жағдайда зардап…