Қазақ әдебиеті 7 сынып М.Әуезов «Түз тағысы» Сабақ жоспары

Қысқа мерзімді жоспар

САБАҚ: Қазақ әдебиеті

Мектеп: КММ Ғ. Мүсірепов атындағы № 86 мектеп-гимназиясы

Күні:

Мұғалімнің аты-жөні: Унербаева Айнур Аблазимовна

СЫНЫП: 7

Қатысқандар:

Қатыспағандар:

Бөлім атауы

Балалар мен үлкендер

Сабақтың атауы

М.Әуезов «Түз тағысы»

Осы сабақ арқылы жүзеге асатын оқу мақсаттары

7. Б/С 4; әдеби шығарманың эстетикалық құндылығы туралы шағын сыни шолу жазу.

Сабақ мақсаттары

(SMART мақсаттар)

Барлық оқушылар орындай алады:

Мұғалімнің көмегімен көркем мәтіннің мазмұнын түсінеді, көркемдегіш құралдарды теориялық тұрғыдан таба алады, мағынасын анықтап, шағын эссе жаза алады.

Оқушылардың көпшілігі орындай алады:

Көркем шығарманы мазмұндық композициясы бойынша талдап 50-60 сөзден тұратын эссе жаза алады.

Кейбір оқушылар орындай алады:

өмірмен байланыстырып сыни эссе жаза алады.

Тілдік мақсат

Пәнге қатысты сөздік қор мен терминдер:

эстетикалық құндылық, сыни шолу, фразеологизм, диалект сөздер, сөздің тура және ауыспалы мағынасы, эпитет.

Диалог құруға / шығарма жазуға арналған пайдалы тіркестер:

Түз тағысы, кеңдігі кісі сыйғандай, таяқ жемейді, кеудесін бермейді, зіңгіттей көк шолақ, күлдіреуіштей бүгілді, заты қастай жібімейді, шылапшынның салдыры, айлы түн, елсіз адыр.

Талқылауға арналған сұрақтар:

Қазақ ұлттық танымындағы «көк» сөзінің мәні қандай?

Әдеби шығарманың эстетикалық құндылығы деп нені айтамыз?

Таяқ жемейді, кеудесін бермейді, заты қастай жібімейді сөздерінің мағынасын өз сөзіңмен қалай түсіндірер едің?

Көркем шығармадағы көк сөзінің жиі қолдануының себебі неде?

ишара: Бас изеу, қол соғу, күлімдеу, бас бармақ көрсету.

Құндылықтарды дарыту.

Ынтымақтастық-ұжымда жұмыс дағдыларын құру, жағымды өзара әрекет пен ынтымақтастық атмосферасын құру. Топта ұжымда,топта, жұпта әрекеттесу арқылы ынтымақтастық атмосферасын құру өзгеге деген олардың мәдениеті мен басқа ұлттарға деген құрмет қатынастарын, өз ісіне жауапкершілікті, өзге адамдардың сезімдерін түсіну және оларға жаны ашу, адамға деген адами қатынастарды тәрбиелеу дағдылары қалыптасады.

Алдыңғы оқу:

Кино өнерінен М.Әуезовтің Көксерек әңгімесіне түсірілген «Ауыл арасындағы бөлтірік» кинофильмін көрген.

Сілтеме: https:/youtu.be/o-ra7HYQ0bY.

Биология пәнінен қасқырдың жыртқыш аңдар отрядына жататынын біледі.

Жоспар

Жоспарланған уақыт

Жоспарланған жаттығу түрлері

Ресурстар

Сабақтың басы

Раппорт

(сенім орнату).

1 минут.

3-4 минут

ҚБ

1 минут

1-2 минут.

ҚБ

Сабақтың басы

Раппорт (сенім орнату). 1 минут.

«Ишара» арқылы амандасу жаттығуының алгоритмі:

Оқушылар орындарынан тұрады.

Нұсқаулықпен танысады.

Бет әлпетінің жымиюы арқылы дыбыссыз сәлемдесіп барлық оқушы қарым-қатынасқа түседі.

Сабаққа деген ынтасы артады.

«Дыбыстау» әдісі арқылы берілген үй тапсырманың алгоритмі:

«Көксерек» фильмін дыбыссыз көрсету.

Қолдарына берілген тақырыпты экрандағы қимылмен бірге қозғалып дауыстап оқып отыру.

Оқиғаны естеріне қайта түсіру.

Болжау арқылы өз сөздерімен әңгімелеу.

Тұжырым: Дыбыссыз фильмді көрген соң өз сөздерімен айтып әңгімелеу арқылы таным көкжиектері кеңейеді.

Ықтимал жауап: Құрмаш Қасен ағасынан бөлтіріктерді өлтірмеуін жылап сұрайды.

Ықтимал жауап: Құрмаш күшіктерден қорқып жылайды.

ҚБ білім алушыларды ынталандыру мақсатында Мадақтау сөздер:

Айдын сенің жауабың дұрыс, жарайсың! Мен сені болашақта кино әлемінен танымал режиссер ретінде көріп тұрмын!

Дархан, сен әлі де болса «Ауыл арасындағы бөлтірік» киносын көріп, Көксерек әңгімесін оқысаң дұрыс болар еді.

Топқа бөлу алгоритмі:

Бала, қасқыр, табиғат суреттерін үлестіру арқылы бөлу.

Топтың ережесін бекіту.

Топ мүшелерінің рөлін анықтау.

Құрмаш, Көксерек, Табиғат топтарына оқушыларды топтастыру.

Топтың танымдық, әлеуметтік, эмоционалдық мақсаттарын көздеу.

Тақырыпты жариялау алгоритмі:

Ретсіз жазылған сөздер мен сөз тіркестерін оқушыларға үлестіру.

Қасқыр үнін тыңдату.

Көз алдарына елестету.

Ауызша бейнелеу.

Қою қараңғылық, көбелек қуған балалар, елсіз адыр дала, түн, отқа кәуап пісіріп жатыр, от жағып, сегіз өрім қамшысына сүйеніп, сақ отырған жылқышы, тау жақтан ұлыған қасқырларды елестетіп көрейікші.

Ықтимал жауап: Қою қараңғылықта ұлыған қасқыр бұл-Көксерек!

Ықтимал жауап: Көксерек жайлы.

ҚБ білім алушыларды ынталандыру мақсатында мадақтау сөздер:

Иә, Камила сенің жауабың ұтымды болды.

Сонымен балалар, бүгінгі сабақтың тақырыбы М.Әуезовтің әңгімесі - «Түз тағысы».

Балалар, бүгінгі сабақты қалай өткенімді қалар едіңіздер? Сіздердің үйренгендеріңіздің дәлелі қандай болады деп ойлайсыздар?

Ықтимал жауап: Біз бүгін Көксерек әңгімесін аяқтаймыз.

Ықтимал жауап: Мүмкін эссе жазамыз.

ҚБ мадақтау сөздер арқылы қолдау көрсетуді ескеремін.

https:/youtu.be/o-ra7HYQ0bY

Назарға: ҚМЖ-да пайдаланылған суреттер ғаламтордан алынды

http://noisefx.ru/skachat-zvuki-volkov.html

Ортасы

Тапсырма

ТЖ.

15-17 минут.

ҚБ

Тапсырма

ТЖ.

5-8 минут.

ҚБ

№1. Тапсырма ТЖ. 15-17 минут.

Эссенің талаптарын талқылау алгоритмі.

Тақырыпты мұқият ойланып таңдау.

Үзіндіні түсініп оқу.

Реттілікті сақтай отырып шағын эссе (40-50 сөз) жазуды жоспарлау.

Көркем шығармадағы сөз тіркестерін эссе жазуда пайдалану.

1-топ. Құрмаш тобына ұсынылатын мәтіннің үзіндісі: Көзін ауылға келгесін екі күннен соң ашты. Жұрт асырауға көнеді десті. Кішкене Құрмаш көксерек деп ат қойды. Түн баласында Құрмаш қасына алып жатады. Сол үшін кәрі әжесінің қойнынан да шығып кетті. Бөлек жатады. Қасында не аяқ жағында көрпенің астында Көксерек жатады.

Бағалау критерийі

Дескриптор

Шығарманың өн бойынан Құрмаштың іс-әрекетіне анықтама береді.

Көркем шығармадағы Құрмаштың іс-әрекеті көрінетін тұстарын табады.

Көркем шығармадағы кейіпкер бейнесіне талдау жаасайды.

Құрмаштың іс-әрекетін оқушы өз іс-әректімен салыстырып шағын эссе жазады.

2-топ. Көксерек тобына ұсынылатын мәтіннің үзіндісі:

-Ұры. Асырасаң да мал болмайды. Тұқымы жау емес пе!-десті. Кейбіреулер: «...Қойды үркіте береді. Түнде даланы жақсы көреді. Иттен қорыққаннан ғана үйде жатады» деседі. Құрмаш бұл өсектің бәрін елемейді.

Бағалау критерийі

Дескриптор

Жалпы қасқыр атауының түз тағысы деп аталуының себебін анықтайды.