Қазақ әдебиеті пәнінен күнтізбелік жоспар 8 сынып

Түсінік хат

«Негізгі орта білім беру деңгейінің «Қазақ әдебиеті» пәнінен жаңартылған мазмұндағы үлгілік оқу бағдарламасы» (Қазақстан Республикасы Білім және ғылым министрінің 2016 жылғы 23 қарашадағы № 668 бұйрығына 1-қосымша),; 2018-2019 оқу жылында Қазақстан Республикасының жалпы орта білім беретін ұйымдарында оқу процесін ұйымдастырудың ерекшеліктері туралы: Әдістемелік нұсқау хатын (Астана: Ы. Алтынсарин атындағы Ұлттық білім академиясы, 2018. – 368 б.) басшылыққа ала отырып 2018-2019 оқужылының 8-сыныбына қазақ тілі пәнінен күнтізбелік-тақырыптық жоспар құрылды. 8 сыныпта қазақ әдебиеті пәні 2018 жылғы «Атамұра» баспасынан шыққан оқулықпен оқытылады (Авторлары: А.Ақтанова, А.Жүндібаева, Л.Жұмекенова). Жалпы жылдық сағат саны - 102, апталық сағат саны – 3, әр тоқсанда ортақ тақырып\бөлім бойынша жиынтық бағалау саны – 2, тоқсандық жиынтық бағалау саны – 4, жұмыс дәптер саны – 2.

«Қазақ әдебиеті» пәнін оқытудың мақсаты – оқушылардың бойында гуманистік, адамгершілік- эстетикалық, ұлттық құндылықтарды тәрбиелеу; ұлттық әдеби туындылармен қатар әлем әдебиеті туындыларымен таныстыру; көркем шығарманы тануда қажетті біліммен қаруландыра отырып, шығарманы мазмұн мен түр бірлігінде көркемдік тұтастық пен көркемдік бейнені талдау, жинақтай білу, шығарма идеясын, жазушы ұстанымын бағалай білу дағдыларын қалыптастыру.

«Қазақ әдебиеті» пәні әдебиетті өнердің басқа салаларымен (кескін, театр, кино, музыка) салыстыра қарастырып, өз ойын еркін, дәлелді, сараптай, салыстыра отырып жеткізе білетін тұлғаның қалыптасуына үлес қосады. Сонымен қатар әдебиетті «Қазақ тілі», «Тарих», «Орыс әдебиеті», «География» пәндері, мәдени, қоғамдық және тәрбиелік шаралармен байланыстыра отырып, жүзеге асыру көзделеді.

«Қазақ әдебиеті» пәнінің оқу бағдарламасы үш негізгі дағдыны басшылыққа алады: 1) түсіну және жауапберу; 2) анализ жәнеинтерпретация; 3) бағалау жәнесалыстыру. «Түсіну және жауап беру» бөлімі аясындағы бөлімшелер білім алушылардың төмендегі дағдыларды үйренуіне мүмкіндік береді:

- көркем шығарманың мазмұны мен пішінін анықтау және талдау;

- әдеби шығарманың тұжырымдамасын айқындай білу; - көркем шығармадағы образды ашу және сипаттау; - шығарма үзінділерімен жұмыс істеу дағдыларын дамыту. «Анализ және интерпретация» бойынша: - әдеби шығарманың композициясын, композициялық амал-тәсілдерді талдау; - шығармадағы автор бейнесін анықтау, оның рөлін талдау; - көркем шығарманың тілін, көркемдегіш құралдардың қолданысын талдау; - көркемдегіш құралдарды пайдалана отырып, шығармашылық жұмыс жазу. «Бағалау және салыстыру» бойынша: - шығарманың тарихи және көркемдік құндылығына баға беру;

- әдеби шығармаларды заманауи тұрғыда салыстырып, жаңашылдығына баға беру; - шығарманың құндылығын талдап, әдеби эссе жазу; - әдеби шығармаларды талдап, салыстыра отырып, сыни шолу және сыни мақала жазу дағдыларын дамыту.

«Қазақ әдебиеті» пәні бойынша жиынтық бағалау

рәсімдерінің саны

Оқу пәнінен әр тоқсан сайын бөлім/ортақ тақырып бойынша жиынтық бағалау (БЖБ) рәсімінің нақты санын және әр тоқсан сайын 1 рет тоқсандық жиынтық бағалау (ТЖБ) өткізу қарастырылған. Төменде оқу пәнінен бөлім/ортақ тақырып бойынша жиынтық бағалау (БЖБ) рәсімдерінің нақты саны көрсетілген.

Сынып Бөлім/ортақ тақырып бойынша жиынтық бағалау

рәсімдерінің саны