Қазақ әдебиетінен сыныптан тыс жұмыс материалы

Күні: 28.02.2019ж

Тақырыбы: «Абай мұраларын ұлықтайық»

Мақсаты:Қазақтың бас ақыны, ұлы дана, ойшыл, сазгер Абай Құнанбаевтің мол мұрасын мектепішілік сайыс арқылы насихаттау. Оқушының бойына ақыл мен парасатты, сөз құдіреті мен көркем сөздің мәйегін сіңіру. Қанымызда бар шешен де тауып шебер сөйлеу мәдениетін ұрпақ бойынан көру. Ұлыларымызды құрметтеу, сол арқылы оқушы бойына мақтаныш сезімін тудыру, даналардың даралығын бағалау, қастерлей білуге баулу.

Сайыстың барысы:

Жүргізуші: Дана Абайды

Қазақтың ақылына балаймын!

Туатұғын алдынан ғасырына балаймын!

Ақылының нұры бар, Абайы бар қазақтың,

Жан алаңы, мұңы бар-қазағы бар Абайдың!

Қазақ халқының ұлы ақыны, кемеңгер ұстазы, туған елінің мың жылдық мұңын шерткен Абай мұрасы-мәңгілік мұра. Ол бүгінгі күні өзіміздің досымыздай, ғұлама сапарлас серігіміздей болып, сәулетті болашаққа қарай бізбен бірге аршындап, адымдап келеді.

Құрметті ұстаздар, қонақтар және Абай өлеңін жан-тәнімен, ыстық жүректерімен сүйетін сайысқа қатысушылар! Бүгін ерекше күн. Себебі, қазақтың ұлы ақыны Абай атамыздың жырлары оқылады, әндері шырқалады. Мектепішілік Абай оқуларына қош келдіңіздер!

Сайысқа төрелік ететін әділқазылар алқасымен таныс болыңыздар.

Жүректен өлең төгіп, қосқан жырға,

Тұлпардай топтан озған, жүйрік тұлға.

Қошеметтеп, көрермен, қол соғыңдар

Сайысқа қатысушы тұлғаларға,

Енді бүгінгі мектепішілік Абай оқуларына сайысқа түскелі келген жас ақындарымызды, күміскөмей әншілерімізді және сөз шеберлерін қошеметпен ортаға шақырайық.

Енді сайыс шарттарымен таныс болыңыздар. Сайыс 3 номинация бойынша өтіледі.

1. «Өлең - сөздің патшасы, сөз сарасы» номинациясы (Абай шығармаларын жатқа мәнерлеп оқу сайысы)

2 . « Қарасөздерін талдау»

3 .«Жүйріктен жүйрік озар жарысқанда» номинациясы (Жас ақындар байқауы)

1-жүргізуші: Сонымен сайысымызды бастаймыз.

2-жүргізуші: Сайыскерлерге сәттілік тілейміз.

Өлең-сөздің патшасы, сөз сарасы,

Қиыннан қиыстырар ер данасы.

Тілге жеңіл, жүрекке жылы тиіп,

Теп-тегіс, жұмыр келсін айналасы,-дей отырып, «Өлең - сөздің патшасы, сөз сарасы» номинациясы, Абай шығармаларын жатқа мәнерлеп оқу сайысында бақ сынайтын сайыскерлерге кезек берейік.

5-сынып оқушысы

6-сынып оқушысы

7-сынып оқушысы

8-сынып оқушысы

9-сынып оқушысы

10-сынып оқушысы

11-сынып оқушысы

2 .бөлім « Қарасөздерін талдау»

5 «А» - 1

5 «Ә»- 7

6 «А» - 18