Қазақ тілі мен әдебиетінен тоқсандық бағалау 5-сынып

Бөлім бойынша жиынтық бағалау тапсырмалары

5 сынып, II тоқсан, II бөлім.

Пән: қазақ тілі мен әдебиеті

Бөлім атауы: «Ежелгі көшпелілер мәдениеті»

Оқу мақсаттары:

5.3.2.1 хат, хабарлама, жарнама мазмұнын түсіну, стильдік ерекшелігін анықтау

5.4.2.1 эссе құрылымын сақтай отырып, адамды, табиғатты, белгілі бір оқиғаны сипаттап жазу

Бағалау критерийі:

хат, хабарлама, жарнама мазмұнын түсініп, стильдік ерекшелігін анықтайды

эссе құрылымын сақтай отырып, адамды, табиғатты, белгілі бір оқиғаны сипаттап жазады

Ойлау дағдыларының деңгейі: түсіну, сипаттау

Орындау уақыты: 15-20 минут

1-тапсырма.

Мәтіндерді оқыңыз. Төмендегі тапсырмаларды орындаңыз.(5 минут)

1. Алтын адам киімі 4 мыңға жуық алтын әшекейлермен безендірілген. Әшекейлер барыс, бұлан, таутеке, арқар, ат, түрлі құс бейнелерін беретін “хайуанат нақышында ” жасалған. Бас сүйектің сол жағынан жаһұт тастармен әшекейленген алтын сырға табылды. Бас киімі кейінгі қазақ киімі үлгілеріне ұқсас, биік, шошақ төбелі, ұзындығы 70 см шамасында. Мойнында дөңгелек жүзік сияқты алтын алқа, іш көйлегі, көкірегінің тұсы, жеңі алтын тоғалармен өрнектелген, саусағында екі алтын жүзік, камзолы құрастырылмалы ауыр белбеумен буылған. Белбеуге аңға ұқсас бейнелер, 16 тоға жапсырылған, оң жағында қызыл қынапты ұзын семсер, сол жағында алтын пластиналар жапсырылған қынға салынған темір қанжар — ақинақ, шалбар балағы да алтын тоғалармен әшекейленген.

2. Сәлем, досым! Қалың қалай? Менде барлығы ойдағыдай. Сабақ жағым да жақсы. Бүгін қазақ тілі сабағынан қызықты тақырып өттік. Тақырып «Тұмар (Томерис )» жайлы . Патшайымның өмірбаянын, әскерлерін, оның айқастағы ерліктерін білген болдық. Ол жайлы көп деректерге үнілдік. Сен де сол жайлы оқысан жақсы болар еді. Саған кеңес беремін. Айтпақшы, тек сақ патшасын оқымай , олардың мәдениеті мен жасаған еңбектері, сауда-саттылығы, қару-жарақтары мен атқа міну тарихын білдік. Саған да ұнайды деп ойлаймын. Сау бол!

3. 2019 жылы 27 қыркүйекте жылдың ең асыға күткен фильмі – режиссер Ақан Сатаевтың «Томирис» тарихи фильмі жалпыұлттық прокатқа шығады. Ауқымды кинотуындыны ҚР Мәдениет және спорт министрлігі тапсырысы бойынша Ш.Айманов атындағы «Қазақфильм» киностудиясы және «Sataifilm» компаниясы бірлесе түсірген. Кинотуынды біздің заманымызға дейінгі VI ғасырда…