Қазақ тілім менің ұлттық мәртебем мақаласы қазақ тілі

«Қазақ тілім – менің ұлттық мәртебем»

"Ана тілі — халық болып жасалғаннан бері жан дүниесінің айнасы, өсіп-өніп, түрлене беретін мәңгі құламайтын бәйтерегі”.

Жүсіпбек Аймауытов

Бауыржан Момышұлы «Тіл дегеніміз-қай халықтың болмасын кешегісі, бүгінгісі ғана емес, ертеңгі де тағдыры» демекші, тәуелсіз елдің мемлекеттік тілі мәртебелі де тұрақты болып, өрістеп дамуына үлес қосу – жас жеткіншектердің жауапкершілігінде деген мақсатпен Мағжан Жұмабаев атындағы №39 гимназиясында 5 қыркүйек – Тілдер мерекесіне орай 5-і мен 13-і қыркүйек аралығында ісшаралар өткізілді. Бұл апталық үш тілде қазақ, орыс және ағылшын тілдерінде әртүрлі жұмыстармен көркемделді. Аталмыш апталық аясында бекітілген жоспар бойынша гимназиямыздың тіл мамандары Қазақстан Республикасында тұратын барша халықтың тілін, мәдениетін, салт-дәстүрін қорғауға және дамытуға бағытталған түрлі шаралардың өтуіне белсене ат салысты. 5 қыркүйек күні апталықтың ашылу салтанаты Қазақстан Республикасының Әнұранымен ашылды. Жиында сөз алған гимназия директоры Абылай Армияұлы тәуелсіз елдің мемлекеттік тілі мәртебелі де тұрақты болып, өрістеп дамуына үлес қосу – жас жеткіншектердің жауапкершілігінде болатын міндет екендігіне тоқталып, ана тіліміздің мерейлі мерекесімен құттықтады. 4-11-сыныптар арасында жазба жұмыстары жүргізілді. Жас ұрпақтың арасында ұлттық тіліміз бен ұлылардың шығармашылықтарын насихаттау

6"Ә", 8"Ә" сыныптары «Халықтарды біріктірген мемлекет» тақырыбында Қазақстан Республикасындағы халықтардың ынтымақтастықпен, бірлікпен, тең құқықпен өмір сүріп жатқандығын және оны үлгі етіп, балалардың өз өнерлерін көпшілік ортаға салу арқылы шығармашылық білімдерін көрсетіп үш тілде кіріктірілген тәрбие сағатын өткізсе, 2 "Ә" сыныбы «Өзге тілдің бәрін біл, өзге тілді құрметте!» тақырыбында үш тілде кіріктірілген ашық сабақ өтті. Оқушыларды туған тілін сүюге, оны қорғауға және қамқорлық жасауға, тіл мәдениетін сақтай білуге, тіл тазалығы үшін күресуге, сөз өнеріне баулу, ата - баба мұрасын жалғастырушы болуға дәріптеу мақсатында оқушыларымыз "Шалқан" ертегісін рөлдерге бөлініп, қойылымда ойнап шықты. Үш тілде қойылған ертегі кішкентай оқушыларымыздың тәтті қылықтарымен өте сәтті де қызықты өтті.

Тәуелсіздігіміздің тұғырына көтерілген жылдар ішінде елдің бірлігі артқандай. Қазақ балаларының өзге тілді меңгергеніне қуанып, өзге ұлт өкілдерінің қазақ тілінде сөйлеп, білім алып жатқанын көргенде бір жасап қаламыз. Осы ойымның бір дәлелі ретінде 9-сыныптар арасында ұйымдастырылған «Ұлтым басқа – тілім қазақ» тақырыбының аясында түсірілген бейнебаяндар сайысындағы үздік жұмыстарды айтуға болады.

7-сыныптармен ағылшын мұғалімі Нұргүл Бейбітқызы «English around us» тақырыбында интеллектуалды ойын өткізді. Ағылшын тілінде сұрақтарға жауап беріп, жаңылтпаштар айтылып, суреттер бойынша әңгімелеу, топпен жұмыстар қорғалды. Оқушылар тілге жетік екендіктерін жылдам, ұтқыр жауаптары арқылы көрсете алды.

Жүсіпбек Аймауытовтың 130 жылдық мерейтойына орай 10 «Б» сынып оқушыларымен қазақ тілі мен әдебиет пәнінің мұғалімі А.М.Жақсыбайқызы «Сегіз қырлы, бір сырлы, дара дарын иесі» атты ашық танымдық сабағын өткізді. Әртүрлі әдіс-тәсілдер арқылы сабақтың мақсатын аша түсті. Жүсіпбекке халық атынан хат жазу тапсырмасында Алаш арыстарына деген…