Қазақ тілінен олимпиада тапсырмалары топтамасы 5-сыныпқа

Қазақ тілінен тапсырмалар топтамасы:

1. Төмендегі зат есімдерді сұрақ қою арқылы екі бағанға топтастыр.Мектеп, оқушы, аю, дәрігер, қалам, білім, ұшқыш, ана, шам, астық, жапырақ, ата,бауырсақ, қыз, әнші, көбелек, арыстан, суыр.

кім ?

не?

2. «Кім шапшаң?» ойыны. (Әр қатарға 3, 4, 5 әріптен құралған зат есімдерді тауып жаз

3әріпті сөз

4әріпті сөз

5 әріпті сөз

ана

қант

астық

3. Көп нүктенің орнына тиісті дыбыстарды қойып жаз.

...ліппе, қ...ян, ағ...ш, дәп...ер, ша...ырақ, с..ндық, қар...ығаш, те...езе, от...асы,т...ғай, б...лақ, мал...ы, ма...ал, таб...ғат, ...сімдік, ...арышкер.

4.Сөзжұмбақтағы сөйлемдерді дұрыс құрастырсаң, Б.Момышұлының нақыл сөзін оқисың.

Ер дегенде

Жұрт дегенде

қызмет

езіліп

жұмылып

ет

5.Көп нүктенің орнына тиісті бастауышты қойып жаз.

1. .... болып тумайды.

2. .... елі үшін туады, елі үшін өледі.

3. .... жасау оңай емес.

4. .... батырларын ешқашан ұмытпайды.

5. Қоянды .... өлтіреді, батырды .... өлтіреді.

Керекті сөзер: қамыс , намыс, батыр, халық, ерлік, ер

6. Біріккен атау болу үшін қандай сын есімдер керек?

… бөкен, … төбе, …арқа, … бота,…тау, … көл,… жөтел ,… қу, …торғай.

7. Оқып, мазмұнын әңгімеле . Кәрі тас.

Колхоз ауласында үлкен сұр тас жататын. Оны бұл жерге қашан әкелінгенін ешкім білмейтін. Екі қарт күзетші әлгі тастың үстінде отыруды жақсы көретін. Күні бойы тас күн көзіне қызатын да, екі қарт түн ортасына дейін жылы тастың үстінде отыратын. Өткен күндерді, өздерінің жастық шақтарын еске түсіріп, ұзақ әңгімелесетін. Түн ортасында, тас салқындаған кезде, қарттар ұйықтауға кететін.

Бұл тас құрылысқа керек болды да, машинаға тиеп алып кетті. Оны үйдің іргетасы үшін пайдаланады.Қарттарға иісі аңқып тұрған жас қарағай тақтайдан отырғыш жасап берді.

Кешке қарттар күзетке келді. Тастың орнында отырғыш тұр. Қарттар отырғышқа отырды. Түн ортасына дейін олар бір- біріне бір рет те тіл қатқан жоқ.

(В. Сухомлинский 105 сөз) Сұрақ : Қалай ойлайсың , қарттар неге әңгімелеспеді ?