Қазақшаңыз қалай тәрбие сағаты 10 сыныпқа арналған

«Қазақшаңыз қалай?» зияткерлік сайысы

Мақсаты: Оқушылардың тілге деген сүйіспеншілігін, қызығушылығын арттыру, ойлау қабілетін дамыту. Өз тілін құрметтеуге, өзге тілдің бәрін білуге үйрету. Оқушылардың жеке зерделілік, танымдық, еріктілік ерекшеліктерін ұштау. Көпшілік алдында өзін-өзі еркін ұстауға, білімін кеңінен қолдана білуге тәрбиелеу.

І. Ұйымдастыру кезеңі

Бұл ойын арнайы техникалық құрал-жабдықтарды қолдану арқылы жүргізіледі. Барлық сұрақтар , ұяшықтардың барлығы анимация арқылы экраннан көрініп тұрады. Әр оқушы алдында тоқ көзіне қосылған басқыштар орнатылады. « Бұл басқыштар электр шамы, электр патроны, ажыратқыш кішігірім тақтайға орнатылады»

Барысы:

Бүгін біздің мектепте дүбірлі той,

Ден қойып тыңдаңыздар, көңілді қой.

Жырдан шашу шашылсын, күй күмбірлеп,

Қош келдіңіздер, халайық, сергісін бой.

Құрметті, ұстаздар мен оқушылар! Бүгінгі «Қазақшаңыз қалай?» атты зияткерлік ойынына қош келдіңіздер! Сайысымызды Елбасымыз Нұрсұлтан Әбішұлының сөздерімен бастағымыз келеді: “Біз барша қазақстандықтарды біріктіруші басты факторлардың бірі – еліміздің мемлекеттік тілін дамытуға барлық күш – жігерімізді жұмсауымыз керек”. Ия, жерлес ақынымыз Қадыр Мырза Әли жырлағандай:

Ана тілің, арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте,

-демекші, біз мемлекеттік тіліміздің маңызын түсініп, оны құрметтей білуіміз қажет. Сондықтан да, бүгінгі сайысымыздың басты мақсаты өзге ұлт өкілдері арасында қазақ тілінің мәртебесін дәріптеу.

Олай болса, әдебиет әлеміне құшақ жайған, сырлы да, сыры мол поэзия төріне қанат сермеген болашақ жас маман үміткерлерімізбен таныс болайық.

Халықпыз ғой сауық сүйген асқақ әні,

Көтеріп біздер игі бастаманы.

Құрметтер салты менен дәстүрлерін,

Бүгінгі сайысымыз басталады

– дей келе ортаға сайысқа қатысушы үміткерлерімізді шақырамыз.

Келесі кезекте «Төле бидей тура» әділқазылар алқасымен таныс болайық.

Қазақ тілі мен әдебиеті пәнінің жоғары санатты оқытушысы – Габдуллина Г.Ә.

Орыс тілі мен әдебиеті пәнінің І санатты оқытушысы – Джумабекова Б.Е.

Оқу-өндіріс шебері – Бусурманова А.Н.

Сайыстың бағдарламасы:

Тегімді менің сұрасаң...

Мақал сөздің мәйегі

Шоқтығы биік жұлдыздар

Блиц турнир

Шығарма сайысы

Сайысымыздың бағдарламасымен таныс болдық. Олай болса, келесі кезекті «Тегімді менің сұрасаң» атты І бөлімге береміз.

Білім қуып жігіттер өтер дейміз,