Қазақстан бірлік пен бейбітшілік жолында ғылыми жұмыс

Қызылорда облысы Қармақшы ауданы

Тақырыбы: «Қазақстан бірлік пен бейбітшілік жолында »

Секциясы: Тарих

Орындаған: Абзалова Акерке Абзаловна

Мектебі, сыныбы: № 274 орта мектебінің 10-сынып оқушысы

Ғылыми жетекшісі:

«Өрлеу» ҰБАО филиалы Қызылорда облысы

бойынша педагогикалық қызметкерлердің

біліктілігін арттыру институты директорының

орынбасары, тарих ғылымдарының кандидаты

С.К. Серікбаев

Жетекшісі : Жумабаева Женис Бердикуловна

Қызылорда облысы, Қармақшы ауданы № 274 орта мектебінің 10-сынып оқушысы Абзалова Акерке Абзаловнаның «Қазақстан бірлік пен бейбітшілік жолында » тақырыбындағы ғылыми жобасы туралы

АННОТАЦИЯ

Тақырыптың өзектілігі:

Қазақстан Республикасының сыртқы саясатындағы басым бағыттарының бірі – әлем елдерімен бейбіт қарым-қатынас орнату, ел бірлігі ,этносаралық төзімділік- бүгінгі күннің өзекті мәселесі.

Жұмыстың мақсаты:

Қазақстан жүргізіп отырған сындарлы саясат -дүниежүзі мемлекеттерінің ішінде бірінші болып өз еркімен қуаттылығы жағынан әлемдегі ядролық қарудың арсеналынан бас тартып, лаңкесшілдікке қарсы тұру, халықаралық қауіпсіздікті нығайтуда теңдесі жоқ үлесін қосқандығына талдау жасау .

Жұмыстың ғылыми болжамы:

Құндылықтарды құрметтеу, мәдениетаралық, дінаралық үнқатысуды қолдау, бейбітшілік пен келісімді, рух пен бірлікті, өзара түсіністікті сақтау туралы толықтырған.

Зерттеудің теориялық мәні:

Қазақстан қоғамындағы діндер үндесуі: діни конфессия аралық қатынас және рухани келісімге талдау жасалды.

Зерттеудің жаңалығы:

Жалпы білім беру мекемелерінде қосымша саяси сабақтар ұйымдастырылып, оқушыларды саяси сауаттылыққа баулу жолға қойылса,ертеңгі Тәуелсіз елдің тізгінін ұстар ұлт ұрпақтары «Мәңгілік елдің» тұғырын биік те берік ұстар еді.

ANNOTATION

The topicality of the theme:

One of the most important directions in foreign affairs of Kazakhstan is peaceful relationship with different countries . The unity of the country, tolerance – today’s main deals.

The objectives of the research:

To make an analyze to Kazakhstan’s constructive

policy, its heroic deed to be the first to renounce nuclear within the world’s powerful

countries, to confront terrorism and its deed to save international security.

The hypothesis of the research:

National values, cultural and religious relationships are respected, unity and mutual

understanding are developed.

The theory of the research:

to make an analyze to the religions and religious denomination of Kazakhstan

The novelty of the research: Lessons about politics are recommended to be provided in

all educational institutions to enrich pupils’ knowledge, to bring patriotic youth who are

responsible to make our future bright.

АННОТАЦИЯ

На научный проект на тему «Казахстан на пути единства и мира» ученицы 10 класса средней школы № 274 Кармакшинского района Кызылординской области Абзаловой Акерке Абзаловны.

Актуальность темы:

Одни из главных направлений внешней политики Казахстана и актуальные проблемы современности – это установление дружественных отношений со странами мира, единство народа, межэтническая толерантность.

Цель работы:

Анализ конструктивной политики, проводимой Казахстаном - первой страной в мире, добровольно отказавшейся от мощного ядерного арсенала и внесшей неоценимый вклад в дело противостояния терроризму и укрепления международной безопасности.

Цель исследования:

Было бы целесобразно организовать в средних школах ведение дополнительных политических занятий, прививать политическую грамотность в учащихся, воспитывать будущих патриотов Независимого государства

Пікір

Бұл жұмыста ертеден азаттықты аңсаған қазақ елінің тәуелсіздікке қол жеткізгеннен кейінгі қол жеткен табыстары: әлемдік кеңістіктегі бейбітшілік пен келісімді дамыту жолындағы қадамдары зерттелген. Жұмыс ғаламтор желісінің материалдарына және Елбасы еңбектеріне, Бұқаралық Ақпарат Құралдарына негізделіп жазылған. Мектеп әкімшілігі Абзалова Акерке Абзаловнаның «Қазақстан бірлік пен бейбітшілік жолында» тақырыбындағы жұмысын аудандық ғылыми жобалар сайысына ұсынды.

Жетекшісі: Жумабаева Женис Бердикуловна

Мазмұны

І Кіріспе

Бейбітшілік үшін күресу – ХХІ ғасырдың да өзекті мәселесі.

ІІ Негізгі бөлім

1.Еліміздің сыртқы саясаттағы қарышты қадамдары.

2. Қазақстан қоғамындағы діндер үндесуі: діни конфессия аралық қатынас және рухани келісім.

ІІІ Қорытынды

«Адамзатқа « ХХІ ҒАСЫР: СОҒЫССЫЗ ӘЛЕМ»

атты кең ауқымды бағдарлама қажет. Бұл

жаһандық стратегия ұлттың соғыстар мен

жанжалдардың вирусын жою жөніндегі

үйлесімді және жауапты іс-әрекеттерін

айқындауға тиіс»

Н.Ә Назарбаев

Бейбітшілік – адамзаттың асыл құндылықтарының бірі. Адамзат өмір бойы үнемі тыныштықта, мәңгілік бейбіт өмір сүруді армандайды.

Екінші дүниежүзілік соғыстан бері жер бетінде бейбіт өмір орнады десекте, әлемнің түрлі аймақтарында ірілі-ұсақты соғыстар, қарулы қақтығыстар, лаңкестік әрекеттер жиі кездесуде. Бейбітшілікті сақтау, соғысты болдырмау, бейбітшілік үшін күресу – ХХІ ғасырдың да өзекті мәселелерінің бірі

Тәуелсіздікке қол жеткен тұста, елбасымыздың және елдің бетке ұстар азаматтарының қажырлы, табанды еңбегінің арқасында біз осы асыл қасиетімізді тағыда бір дәлелдеп, оны әлемге паш ете білдік. Семей ядролық полигонын жабу еліміздің өмірінде ғана емес, әлемдегі айтулы оқиғаның бірі болды. Тәуелсіздік алған алғашқы күндердің ішінде елімізді қаншама мемлекет таныды.

1992 жылдың наурыз айында Қазақстан дүниежүзі мемлекеттерінің басын қосып,оларды жарқын істерге бағыттап отырған ең мәртебелі ұйым - Біріккен Ұлттар Ұйымына (БҰҰ) мүше болып қабылданды. Қазақстанның жалпыадамзаттық қауымдастыққа енуіндегі үлкен қадамдардың бірі 1992 жылы Финляндияның астанасы Хельсинкиде жасалды.1992 жылдың 25 мамырында Мәскеуде Ресеймен достық, ынтымақтастық және өзара көмек туралы шартқа қол қойылды.

Елбасы Н.Ә.Назарбаевтың БҰҰ Бас Ассамблеясының 47-сессиясында сөйлеген сөзі қарулы жанжалдардың алдын алуға бағытталған Қазақстанның сыртқы істер қызметінің көрінісі іспетті болды.

Қазақстан Республикасының сыртқы саясатында Шанхай ынтымақтастығы ұйымының (ШЫҰ) жұмысына қатысуы айтарлықтай орын алады.1996 жылы 26 сәуірде Қытайдың Шанхай қаласында шекаралары шектесіп жатқан 5 мемлекет-Қазақстан Республикасы,Қырғыз Республикасы, Қытай Халық Республикасы,Ресей Федерациясы мен Тәжікстан Республикасы басшыларының алғашқы кездесуі өтті.Осы форумға қатысқан мемлекеттердің басшылары кейін Мәскеуде (1997 ж.), Алматыда (1998 ж.) және Бішкекте (1999 ж.) кездесті.

НАТО-ның Еуропа және ТМД елдеріне жәрдемдесуге,аймақтық қақтығыстардың алдын алуға мүмкіндіктері бар.Осыны ескере отырып, Қазақстан НАТО-мен байланысты кеңейту шараларына ден қойды.Қазақстанның Оңтүстік-Шығыс Азияда АСЕАН (Оңтүстік-Шығыс Азия елдерінің ассоциациясы) мемлекеттерімен, Солтүстік-Шығыс Азияда Жапониямен, Корей мемлекеттерімен және Моңғолиямен қатынастары да жолға қойылып келеді.

Қазақстан Азияда өзара ықпалдастық және сенім шаралары кеңесін, дүниежүзілік және дәстүрлі дін өкілдерінің сьездерін өткізу бастамасын көтерді.Төрт дүркін өткен дінбасылардың съездерінде (2003,2006, 2009, 2012 жылдары) әлемнің түкпір-түкпірінен түрлі дін өкілдері жиналып,жасампаздық идеялары мен адамзаттық игіліктер төңірегінде пікір алысты.Қазақстанның бастамалары халықаралық ұйымдар тарапынан түсіністік және қолдау тапты. ІІІ съезге БҰҰ жүйесі қатысты және техникалық көмек берді. Съезге дүниежүзінің 35 елінен 77 делегация келді.Қазақстан Тәжікстанда,Ауғанстанда,Иракта болып жатқан лаңкестікке қарсы күреске,бітімгерлік миссияларға белсене қатысты.

Қазақстанның 2010 жылы Еуропа қауіпсіздігі және ынтымақтастығы ұйымына (ЕҚЫҰ) төрағалық етуі туралы шешім қабылданды.Осыған байланысты экономикалық ынтымақтастықты дамытуға,технология мен басқару тәжірибесін алып келуге,қазақстандық заңдарды жетілдіруге септігін тигізетін «Еуропаға жол» атты арнайы бағдарлама қабылданды.Қазақстанның Еуропа қауіпсіздігі және ынтымақтастығы ұйымына төрағалыққа ұсынылуы жөніндегі шешім аталған ұйымға мүше 56 мемлекеттің 100 пайыздық келісімімен қабылданды. 2010 жылдың желтоқсанында Астанада аса ауқымды халықаралық кеңес - Еуропа қауіпсіздігі және ынтымақтастығы ұйымының (ЕҚЫҰ) саммиті өтті. ҰҚШҰ толыққанды халықаралық ұйым ретінде қайта құру туралы шешім қабылданды. Армения, Беларусь, Қазақстан, Қырғызстан, Ресей, Тәжікстан және Өзбекстан осы ұйымның мүшелері болып табылады.ҰҚШҰ-ның мақсаты-әскер мен қосымша бөлімшелердің бірлескен күшімен шартқа қатысушы елдердің аумақтық-экономикалық кеңістігін кез келген сырттан келген әскери-саяси агрессиядан қорғау,сонымен қоса ірі ауқымды табиғи апаттардың зардаптарын залалсыздандыру болып табылады.

2011 жылы Ислам ынтымақтастығы ұйымының (ИЫҰ) төрағалығы Қазақстанға өтті. Қазақстан басшылығы КСРО тарасымен-ақ ядролық қаруды таратпауды жақтап, Ресей, Украина, Белорусь басшыларымен бірлескен іс-қимыл шаралары туралы келісімге қол қойды. 1992 ж 23 мамырда ядролық қаруды таратпау және ядролық ракеталарды біртіндеп бұзып Ресейге көшіру, олардың оқшантайларына салынған уранның құнын Қазақстанға ақшалай қайтару жөнінде Лиссабон хаттамасына Қазақстан қол қойды. 1994 ж Қазақстан ТМД мемлекеттерінің арасында бірінші болып ядролық қару-жарақты таратпау жөніндегі шартқа қосылды. Ал 1994 ж желтоқсанында әлемнің ядролық державалары біздің еліміздің қауіпсіздігіне кепілдік беретін меморандумға қол қойды. 1996 ж Қазақстан ядролық сынақтарға толық тыйым салу жөнінде шартқа қосылады. 1997 ж БҰҰ-ның Бас Ассамблеясы Қазақстанның ядролық сынақтардан зардап шеккен өңірлеріне көмек көрсету жөнінде қарар қабылдады.

Түйіндеп айтқанда, Қазақстан дүниежүзі мемлекеттерінің ішінде бірінші болып өз еркімен қуаттылығы жағынан әлемдегі төртінші ядролық қарудың арсеналынан бас тартып және әлемдегі ең ірі ядролық сынақ полигонын жауып, халықаралық қауіпсіздікті нығайтуда теңдесі жоқ үлесін қосты. Қазіргі таңда лаңкесшілдікке қарсы тұру Қазақстанның ұлттық қауіпсіздігін қамтамсыз етудің басым бағыттарының бірі болып саналады.

-Біріншіден, республика БҰҰ-ның лаңкестікпен күрес жөніндегі барлық он екі Конвенциясына қосылды.

- Екіншіден, Қазақстанда ұлттық Антитеррористік Орталық құрылды.

-Үшіншіден, ұлттық заңнама жетілдіріліп келеді. Парламенттен экстремизмге қарсы тұру жөніндегі шараларды көздейтін заң жобасы бар.

-Төртіншіден, Қазақстанда лаңкесшілдік ұйымдардың белсенді қызметін бейтараптандыру жөнінде алдын алу жұмыстары жүргізілуде.

Тәуелсіздіктің алгашқы жылы Қазақстан үшін өзін әлемге таныту жылы болды. Біріккен Ұлттар Ұйымына және басқа да ірі халықаралық ұйымдарға мүше болып қабылданды.

Еліміздегі атом жарылыстарының нәтижелерін жою іс-шаралары алдыңғы қатарлы мәселелердің бірі ретінде анықталды. Әлемнің ядролық державалары бейбіт даму жолын таңдаған Қазақстанның қауіпсіздігіне кепілдеме берді. Байқоңыр ғарыш айлағын пайдалану жөнінде Қазақстан мен Ресей арасында келісімге қол жеткізілді. Халықаралық ұйымдардың Арал теңізін қайта жандандырумен сол аймақтардың экологиялық мәселелерін шешу бағытындагы іс-шаралары бастау алды.

Қазақстан ынтымақтасу мақсатында құрылған «Шанхай бестігі» ұйымына мүше бола отырып, өзінің саяси қатынастардағы орнын айқындай түсті. Республиканың жалпы сыртқы саяси басымдықтары мен әрбір елмен қарым-қатынасынан бастап, Каспий теңізінің құқықтық мәртебесі туралы келіссөздер белсенді жургізілді.

Қазақстан 1999 жылдың 1 қаңтарынан бастап үш жылдық кезеңге БҰҰ-ның Тұрақты даму жөніндегі комитетінің мүшелігіне сайланды. Бүл Қазақстанның әлемдік сахнада өз мәртебесін айқындай түсті. Ерекше оқиға ретінде этникалық қазақтардың тарихи отанына оралуына қатысты мәселелердің жоғарғы деңгейде талқылануы алғаш рет бастау алды.

«Қазақстан Республикасының Ұлттық қауіпсіздігі туралы» Заңы қабылданды.

2001 жыл АҚШ-та орын алған террористік актілер дүние жүзін дүр сілкіндірді. Осыган орай, Казақстан өзінің терроризмнің кез келген түріне қарсы екендігін, бейбіт даму жолын ұстанатындығын мәлімдеді.

Бірқатар мемлекеттер Қазақстанның 2009 жылы Еуропадағы Қауіпсіздік және Ынтымақтастық Ұйымына төрағалық етуін қолдайтындықтары жайында мәлімдеме жасады. Қазақстан мен Ресей арасында тарихи қадам – «Қазақстан-Ресей шекарасы туралы» Заңы бекітілді.

Елбасы Нұрсұлтан Назарбаев Қазақстан 2009 жылы Еуропадағы қауіпсіздік пен ынтымақтастың ұйымына лайықты деңгейде төрағалық ете алады деп есептелетінін мәлімдеді.

ЕҚЫҰ-ға мүше мемлекеттердің Сыртқы істер министрлерінің кеңесі 2010 жылы бұл Ұйымға Қазақстан Республикасының төрағалық етуі туралы шешім қабылдады. Қазақстан өзінің халықаралық аренадағы рөлін ныгайту үшін экспорттық-импорттық саладағы ауқымды жобаларды жүзеге асырды.

Қазақстанның 2010 жылы Еуропадағы қауіпсіздік пен ынтымақтастық ұйымына төрағалығына әзірлік мәселелері осы жылдың саяси беделді сұрақтарының бірі болды.