Қазақстан кең байтақ Отаным ертеңгілігі 4 сынып

«Қазақстан-кең байтақ Отаным!»

Ертеңгілік

Мақсаты:

Жас ұрпақты Отанын сүюге, еліміздің рәміздерін, қастерлеуге, патриотизмге тәрбиелеу. Кітаптарды насихаттау.

Көрнекілігі:

Елбасы портреті, рәміздер, қанатты сөздер, слайд.

Кітапханашы:

Сәлеметсіздер ме, құрметті ұстаздар мен оқушылар! Бүгінгі іс-шарамызға хош келдіңіздер! Рухани жаңғыру бағдарламасы аясында өткізілетін «Қазақстан-кең байтақ Отаным!» атты іс–шараны назарларыңызға ұсынамыз! Сөзді жүргізушілерге беремін.

Жүргізуші:

«Қазақстан»- деген сөзден әр қазақтың өне бойына мақтаныш ұялап, патриот-тық сезімі оянары сөзсіз! Қазыналы, шұрайлы жері, асқар тауы, көгілдір көлдері, ағын-ды сулары, алуан түрлі шипалы өсімдіктері, аң, құстары, бар байлығы көз алдыңа келеді. Тәуелсіздік алғаннан бері Елбасымыздың көрегенді басқаруының арқасында, еліміз дүние жүзі мемлекеттерінің арасынан өз орынын жоғарыдан ала алды. Осы байтақ еліміздің абыройын асқақтатып, көк туын жоғары желбіретуге ат салысу бәріміздің міндетіміз. «Қазақстан-кең байтақ Отаным!» атты танымдық ертеңгілігімізді бастауға рұхсат етіңіздер!

І. Отаным-бақыт ордасы!

Балалар, біздің Отанымыз қалай аталады?- Қазақстан Республикасы

Бақытты боп жүргенім

Сенің арқаң, Ұлы Отан.

Елім менің –тірегім,

Құшағында гүл атам.

Қазақстан менің Отаным,

Атыңды әнге қосамын.

Шарықтап өсіп, дами бер,

Біліміммен үлес қосамын.

Балалар біздің елдің тұңғыш президенті кім?

Н.Ә.Назарбаев.

Әлемдегі сан түрлі қиындықтарға соқтықтырмай, елімізді алға қарай жетелеп, дүниежүзілік деңгейде танылып, еліміздің биіктерден көрінуі-Елбасымыздың арқасы. «Жақсы басшы-елге құт» дейді халық. Н.Ә.Назарбаев–Қазақстан Республикасының Тұңғыш Президенті, әлем мойындаған, жаһанға атағы жеткен бүгінгі заманның лидері, елінің-Бәйтерегі.

Қазіргі кезде Тұңғыш Президентіміздің ісін жалғаушы, Президентіміз-Қасымжомарт Тоқаев.

С.Торайғыров «Мен қазақ»

Мен қазақ, қазақпын деп мақтанамын,Ұранға «алаш» деген атты аламын.Сүйгенім – қазақ өмірі, өзім – қазақ,Мен неге қазақтықтан сақтанамын?!Ерікті ен даланың құсынша ұшып,Ер жеттім кеңшілікті сүтін ішіп.... Алтай, Ертіс Сырдария, Есіл, Жайық,Арасын қоныс қылдым ірге жайып.Елім, жерім, қорғайтын ерім болып, Ер жеттім ен далада лықа байып.Ер Түрік ұрпағымын даңқы кеткен, Бір кезде Еуропаңды тітіреткен.Кіргені есік, шыққаны тесік болып,Күнбатыс, Күншығысқа әмірі жеткен.Мен қазақ, қазақпын деп мақтанамын,Ұранға «алаш» деген атты аламын.Сүйгенім – қазақ өмірі, өзім – қазақ,Мен неге қазақтықтан сақтанамын!

Қазақстан жері қандай?- Қазақстан жері кең байтақ, әрі бай.

Жүргізуші:

Ия, Қазақстан жері батыстан шығысқа қарай 300000 шақырымға, солтүстіктен оңтүстікке қарай 1700 шақырымға созылып жатыр.