Қазақстан халқы Ассамблеясының ел дамуындағы рөлі

Қазақстан халықтар Ассамблеясы - еліміздің дамуындағы басты күш

1995 жылы құрылған ассамблея тарихында қарқынды дамып, елге елеулі өзгерістер әкелуде. Ең алдымен, Ассамблея дегеніміз не? Ассамблея – этнос өкілдерінің басын қоса отырып, еліміздің дамуы мен жаңғыруына, тұрақтылық пен ұйымшылдықты сақтауына, сенім мен келісімнің артуына үлес қосады.

Этносаралық қатынастырдың дамуында, толеранттылықты нығайтуда, ұлттық мәдениет пен тіл, дәстүрдің өркендеуінде Ассамблея алғашқы сатыны алады. Ассамблеяның басты мақсаты қазақстандық патриотизм, азаматтық теңқұқықты, сонымен қатар, бәсекеге қабілетті ұлтты тәрбиелеу барысында Қазақстанда этносаралық келісімді қамтамасыз ету. Жылдан-жылға халық бірлігінің нығаюы, қоғамда келісім мен ауызбіршілік артуы ассамблеяның жемісі деп білеміз.

Ассамблея бізге – қазақстанда этносаралық қатынастардың нығаюына өз үлесін қосады. Ал басқа этнос өкілдерімен келісімге келу еліміздің дамуына септігін тигізеді. Түрлі ұлттар өз тілін, мәдениетін, дәстүрлерін жаңғыртуда үлкен мүмкіндікке ие болды.

Әлем елдері бізді көпұлтты, бірлігі өзгелерге үлгі боларлықтай, елдегі ұлт татулығын жоғары қоятын мемлекет деп біледі. Елбасымыз тілі мен дінін, шыққан тегін бөлектемей, жүргізіп отырған әділетті саясаты ұлыстардың татулықта өмір сүруіне деген үндеуі.

Жоғарыда айтылған факторларды ескере, елдің дамуына сөзсіз үлес қосатын басты себеп – ынтымақ екеніне көзіміз жетеді. Ал ел ішінде ынтымақтастықтың қамтамасыз етілуі – Ассамблея жемісі. Әрбір ұлттын өз мүдделерін сақтай отыра, қазақ жерінде бірлікпен өмір сүруі ең үлкен мақтаныш!

Еліміздің дамуында Ассамблеяның ең алғашқы нәтижесі – әлемдік саясат пен келісім. Толығырақ айта өтетін болсақ, біріншіден: этностардың интеграциясы. Тәуелсіздіктің алғашқы кезеңінде дінге, этникаға байланысты түрлі түсініспеушіліктер пайда болды. Ал, бүгінгі таңда, мәселелер өз шешімін тауып, 100-ден аса этностардың мәдениеттерін біртұтас ұлтқа біріктіре алдық.

Екіншіден: ұлттық бірлік. Бұл қоғамның саяси, мәдени тұтастығын қамтамасыз етеді. Бейбітшілік саясаты – мемлекеттілікті нығайтудың қуатты факторы және экономикалық сұранысқа ие күш.

Қазіргі кезде елімізде көптеген этномәдени бірлестіктер жұмыс істейді, этникалық театрлар бар, бұқаралық ақпарат құралдары әртүрлі тілде жарық көреді. Бұнын барлығы мемлекет әр этностың мәдениеті мен тілін сыйлайтынын көрсетеді және дамытуға мүмкіндік береді.