Қазақстан тарихын неге білу керек, талдау жазбасы

НЕГЕ ҚАЗАҚСТАН ТАРИХЫН БІЛУ КЕРЕК?

Тарих – біздің істеріміздің өткенінің куәсі,қазіргіміздің үлгісі мен өнегесі, ол болашағымыздың асыл қазынасы.

Мигель де Сервантес

Тарихты оқып-білу не үшін керек? Өз тарихымызды, өзге халықтар мен мемлекеттердің тарихын оқып үйрену біз үшін ата-бабаларымыз қандай болғанын, қазір қандай екенімізді біліп, жан-жақты саралау үшін қажет деп ойлаймын.Біз тарихты білу арқылы өте маңызды оқиғаларды есте сақтаймыз. Туған жер, ата-бабаларымыздың батырлық, ерлік дәстүрі, тыныс-тіршіліктерін тарихтан оқып білемін. Өнеге алып, болашағымызды болжап, қателіктерін қайталамауға тырысамын.

Халықтың бастан өткерген тарихының әр беті мен үшін қымбат.Қазақ елінің тарихын халықтың бастан өткерген мына оқиғаларды айтып өткен дұрыс.

Шайбани ұрпағынан бөлініп қазақ елі жеке хандық құрды. Бес ғасырдың ішінде қазақ халқы көптеген сыртқы жаулардан атап өткенде жоңғар, қалмақ елдерінің біздің жерімізге көз тіккен шапқыншылықтары көп болды.Солардың ішінде қазақ даласын шарпыған қасіреттің ең ірісі жоңғарлармен 200 жылға созылған шайқасы болды. Тарихта бұл оқиға «Ақтабан шұбырынды, Алқакөл сұлама» деген атпен белгілі. Бұл ұрыс қазақ жеңісімен аяқталды.

Ресей үкіметінің қол астында болған қазақ елінде 1916 жылы патшаның жарлығына қарсы шығып халық ұлт-азаттық көтерілісті бастайды. Бірақ бұл көтеріліс жеңіске жетпейді. Елдің бірлігін нығайтып бұл оқиға халқымыздың тарихынан елеулі орын алады.

Ресей үкіметінің отарлау саясатын талқандауға үндеген 1986 жылы Желтоқсан оқиғасында жастар өздерінің батылдылығымен дүниежүзін таң қалдырды.Осы оқиғадан кейін еліміз өз тәуелсіздігін алды .

Өз тарихын білмеген адам қалай келешегін елестете алады? Келешекті жоспарлау үшін ең бірінші тарихты білу керек. Өткен замандардағы дара тұлғалардың ерлік дәстүрін оқып-білген жас ұрпақтан ғана елім-жерім деген ерлер шығады .Кеңес үкіметі құлап, КСРО елдері тәуелсіздік алып жатқан тұста қазақ халқын қиын кезеңнен алып шыққан елбасымыз Н.Назарбаев екені белгілі.Тәуелсіз Қазақстан дүниежүзінде ықпал ете алатын, беделі зор, бейбітшілікті ту еткен ерекше қонақжай халық болып өмір сүріп жатыр. 18 миллион халқы бар еліміз тарихын біліп,болашаққа қарай нық қадам жасауда. Келешек ұрпақ тарихымызды, мәдениетімізді білу- біз үшін үлкен міндет.