Қазақстан тарихына арналған Ғажайып алаң ойыны

«ҒАЖАЙЫП АЛАҢ» ОЙЫНЫ

Тақырыбы: Қазақ халқының салт-дәстүрлері

Ойынның мақсаты:

Қазақ халқының салт дәстүрін қастерлеу , ұмытылып бара жатқан дәстүрлерді жаңғырту, насихаттау;

Ойынның шарты:

Ойын 3 айналымнан тұрады. Әр айналымға 3 қатысушы қатысады. Айналымның алдында таңдау кезеңі өткізіледі. Финалға шыққан 3 қатысушы финал сұрағына жауап береді. Финалдан жеңіп шыққан 1 қатысушы ақтық сынға қатысады.

Армысыздар ма, құрметті ұстаздар, ата налар және ойынға қатысушы сайыскерлер! Бүгінгі «Қазақ халқының салт-дәстүрлері» тақырыбындағы «Ғажайып алаң» ойынына қош келіпсіздер!

Ата салтым – асыл мұрам, ардағым,

Бабалардың жалғастырар арманым.

Сан ғасырда қалпын бұзбас қадірім,

Өткенімді бүгінменен жалғадым.

Ойынның мазмұны:

I айналым (ойын);

II айналым (ойын);

III айналым (ойын);

Финал;

Ақтық ойын;

Бірінші айналым (таңдау):

I-айналым (ойын): Оқушылар үштігін ортаға шақырамыз!

Тапсырма: Бұл дәстүрлі халықтық жоралғының жарқын үлгісі. Жаңадан көшіп келген, жапсарлас қонған отбасына бұрыннан отырған көршілері қонақасы береді, дәм-тұз татырып, ықылас-пейіл білдіреді. Осы дәстүр арқылы ауыл тұрғындары жаңа көршілерін өздеріне етене жақындастыруды, бөтенсітпеуді де көздейді. Бұған қысқы соғымның сүбелі мүшелерінен (қазы-қарта, жал-жая, т.б.) пісіріледі немесе қой сойылып шақырылады. (ЕРУЛІК)

ІI-айналым (ойын): Ата аналар үштігін ортаға шақырамыз!

Тапсырма:әйел босанар сәтте басқа әйелдер жеңіл-желпі тамақ істеп, оны босанатын әйелден бұрын пісірмек болып жарысады. Халық ұғымы бойынша туатын бала тамақ піскеннен бұрын өмірге келуге тырысады деп түсінген.(ҚАЗАНЖАРЫС)

ІIІ-айналым (ойын): Жас мамандар үштігін ортаға шақырамыз!

Бала атқа мініп, алғаш алыс сапарға аттанарда жасалатын дәстүр

(тоқымқағар)

Финал:

Біреуді сөзбен жығып, ұтып оны орнынан тұрмастай етіп өлең шығарғанда немесе өткір әзіл тастағанда (немесе ұятты іс істегенде) ұтылған адам өзінше әлгі сөзді басқа адамға таратпау үшін берілетін серт. (АУЫЗБАСТЫРЫҚ)

Ақтық ойын:

Көлденеңінен:

Тігінен: 1) Ет желініп болғаннан кейін төрде отырған ақсақал табақта қалған етті

жас балалар мен жігіттерге жегізеді. Бұл дәстүр қалай аталады? (асату)

2) Өзіне таяу сіңлісіне басындағы орамалды ұзатылған қыз береді. Бұл “енді кезек

сенікі” деген мағынаны білдіреді. (шарғы)