Қазақстандағы спорт саласы туралы мақала

Спорт саласындағы Қазақстан

Тәуелсіздігіміздің тұғырын биік ұстап толық 32 жыл ішінде Қазақстан биік белестерден көрініп, үлкен жетістіктерге жетуде. Қай саладан болсын біз дамудың жоғарғы сатысындамыз. Оның ішінде спорттың елеулі орын алатыны анық. Спортшыларымыздың халықаралық ірі додаларында топ жарып, ел мерейін асырып, бөркімізді аспанға ұшырып, ерекше қуанатынымыз да рас. Тіпті кейбір алпауыт елдердің өзі спорт саласында Қазақстанның шаңына ілесе алмайды. Бұл ел дамуы мен танылуына үлкен үлес қосып жатқан сала болғандықтан, спорт саласына көз жүгірткенімізді жөн санадым.

Спорт қазір ұлт тазалығы мен ел ертеңіне деген маңызы өте зор сала екені бәрімізге мәлім. Ерекше қара күш қазақтың қанында бар. Оған дәлел біздің ата-бабаларымыз, сұлтандар мен батырларымыз. Сонау Керей мен Жәнібек, Абылай, Қабанбай мен Бөгенбай сынды тепсе темір үзітін батырларымыз негізін салған. Қазақ халқының тарихындағы тұңғыш кәсіпқой балуан Қажымұқан Мұңайтпасұлы. Алаш ұландарынан рекорд жасаған бірінші спортшы ретінде желаяқ Хамза Мұхамеджанұлы. Хамза ағамыз 1937 жылы 100 метрді 11,2 секундта жүгіріп өтіп, Қазақстан рекордын жаңғыртумен қатар, Кеңес Одағының таңдаулы жүйріктерінің қатарына қосылыпты. Деректерге жүгінсек, Хамза Мұхамеджанұлымен үзеңгі қағыстыра жүгірген Жамал Әлметова, Зоя Нүсіпбекова секілді жүйрік қыздарымыз сол жылдардың өзінде талай жарыстарда олжа салған екен. Қазақ елінің бірнеше дүркін чемпионы әрі рекордшысы атанған конкиші Ораз Қаңлыбаев. Доп ойындарынан Кеңес Одағының ұлттық құрамасына енген бірінші қазақ спортшысы, волейболшы Жәнібек Сауранбаев және тағы да басқа атақты тұлғаларымыз жетерліктей. Бүгінгі күнде осы кісілердің ізін жалғастырушы жастарымыз тура жолмен келе жатыр. Және де оған барлық жағдайды жасап жатқан мемлекет басшылықтары бар. Қаз

Тоқсан ауыз сөздің тобықтай түйіні, спорт саласындағы Қазақстан күннен күнге өсіп, дамуда. Салауатты өмір салтын ұстанып, үлкен белестерден көріп жүрген жастарымыздың елімізге деген махаббаты мен сүйіспеншілігі бізді алға жетелеуде. Сол жолымыздан таймай, тек қана алға үлкен қадамдар басып, ұлы елдің ұраны болайық.

“Адам денесінің жетілуі - оның денсаулығы; егер денің сау болса, онда оны сақтамақ керек, ал егер сау болмаса, онда денсаулықты жетілдіру керек” деп Әл-Фараби айтқандай, спорт…