Қазақстандықтардың Ұлы Отан соғысына қатысуы 9 сынып

Сабақтың тақырыбы: Қазақстандықтардың Ұлы Отан соғысының шешуші шайқастарына қатысуы

Сабақтың мақсаты: шешуші шайқастар кезіндегі қазақстандықтардың ерлігі және олардың соғысқа қосқан үлесі туралы түсінік алу

Сабақ көрнекілігі: карта, проектор, қағаз, маркерлер, батырлар суреттері

Сабақ түрі: ізденіс, зерттеу сабағы

Сабақтың әдісі: топтық жұмыстар, сұрақ- жауап, іздену, ой- қозғау әдістері

І.Қызығушылықты ояту

Ұйымдастыру кезеңі:

Психологиялық ахуал туғызу (Сәлемедесіп, оқушылар бір- біріне тілек айтады)

Мұғалім: Оқушылар бізде бүгін күндегіден ерекше сабақ, себебі бізге қонақтар келді.

Топқа бөлу. ( оқушыларға үш топтың аты жазылған қағаздарды тарату арқылы топтарға бөлу, топ басшыларын сайлайды)

1. «Мәскеуді қорғаушылар » тобы

2. « Ленинградты қорғаушылар » тобы

3. « Сталинградты қорғаушылар » тобы

Топтың ережесі:

Сабақта тәртіп сақтау;

Бір – бірін тыңдау;

Бірлесіп ортақ шешім шығару;

Уақытты тиімді пайдалану.

Әр топ басшыларына бағалау парағын тарату.

Үй тапсырмасын тексеру ( 26 параграфты оқу, хабарлама жасау)

Әр топтан кезектесіп, әр оқушы бір- бірлеп хабарлама айтады:

Ұлы Отан соғысына Қазақстан одақтық мемлекет – КСРО –ның субъектісі ретінде қатысты

Социализм тұсында Қазақстанда таптық және ұлттық езгі, сауатсыздық пен ортағасырлық артта қалушылық жойылды

Отарлыққа қарсы күресте, үш Ресей революциясы кезінде, Азамат соғысының майдандарында, бесжылдықтар құрылыстарында Қазақстан халықтарының достығы қалыптасты және мызғымастығы артты. Осындай жағдайда соғыс басталды.

КСРО, соның ішінде Қазақстанның халқына өз өмірлерін, бостандығын, тәуелсіздігін қорғайтын күн туды

1939 жылы Қазақстан тұрғындарының саны 6,2 млн. болып тұрғаны белгілі. Соғысып жатқан әскердің қатарына 1 195 164 адам аттанды. Өнеркәсіптегі жұмысқа 670 мың адам жұмылдырылды. Майданға және қорғаныс өнеркәсібіне республиканың әр төртіші адамы аттанған

«Барбаросса » жоспарын жасаған кезде фашистік Германияның билеушілері КСРО – ны көп ұлттың жасанды және тұрақсыз бірлестігі, ішкі бірліктен жұрдай этностық конгломерат (құранды) деп есептеді.

«Ғылыми – зерттеу институты » деп аталған « Арбайтегемайншафт Түркістан » атты жоғары барлау мектебі құрылып, болашақтағы «Үлкен Түркістан » картасын әзірледі.Оған Қазақстан, Орта Азия, Татарстан, Башқұртстан, Әзірбайжан, Солтүстік Кавказ, Қырым Шыңжаң, Ауғанстанның бір бөлігі енгізілді.Бұл өңірде ұлы Герман империясы үшін қуатты шикізат және азық –түлік базасын құру белгіленді.

Кеңес елін отарға айналдыру, ал оның халқын құлдыққа түсіру гитлершілдердің дүниежүзіне үстемдік орнату жолындағы басты нысаналарының бірі болды.Алайда тарихи тағдыры ортақ Отанын қорғауға ұмтылған көпұлтты халық бұл зұлымдық ойдың тас- талқанын шығарды.Кеңес Одағы тас – түйін болып, аса қауіпті жауға қарсылық көрсетті.

Республика экономикасын соғыс жағдайына лайықтап қайта құру жүзеге асырылды.Жаңа кәсіпорындардың, Қарағанды шахталарының, Жезді, Шығыс Қоңырат,Мырғалымсай,Найзатас кеніштерінің,Ақтөбе ферроқорытпа зауытының, Текелі және Өскемен қорғасын- мырыш комбинаттарының құрылысы жедел қарқынмен жүргізілді.

Өнеркәсіп орындарын майданға жақын өңірлерден елдің шығыс аудандарына көшіру жүзеге асырылды.Оның ішінде 220 зауыт пен фабрика, цехтар мен артельдер Қазақстанға орналастырылды. Тамақ өнеркәсібінің 54, жеңіл және тоқыма өнеркәсібінің 53 кәсіпорны көшіріліп әкелінді.

Көшіріліп әкелінген зауыттар мен фабрикалар, негізінен, Алматы, Орал,Шымкент,Семей, Қарағанды, Ақтөбе,Петропавл қалаларына орналастырылды.

Соғыс кезінде Қазақ КСР-і КСРО –ның аса ірі малшаруашылық базасына айналды.Звено жетекшілері Ш.Берсиевтің, Ы.Жақаевтың, Ким Ман Самның, А.Дацкованың, Б.Сомжүрекованың, С.Оңғарбаеваның еңбектегі даңқы бүкіл елге тарады.

Үй тапсырмасын қорытындылау.

Әр топ бір- бірін бармақпен бағалайды. Әр топ басшылары да өз тобын бағалау парақшасына бағалап отырады

Жаңа сабақ

ІІ. Мағынаны ажырату

( проектордан Ұлы Отан соғысының батырларының суреті көрсетіледі)

Суреттерге қарап не айта аламыз? Оқушылар жауабын тыңдау