Қазақстанның болашағы менің болашағым тәрбие сағаты

Тақырыбы: «Қазақстанның болашағы - менің болашағым»Мақсаты:

Кәсіптік бағдар таңдау бойынша психологиялық қолдау көрсету, оқушыларға мамандық таңдау, олардың әдістері туралы білімдерін,түсініктерін кеңейте отырып, мамандықтарға деген ынта-ықыласын, қызығушылықтарын арттыру. “Мамандық” құндылығы туралы түсінік сферасын кеңейту. Мамандық таңдаудағы ата - ана міндеті, оның нәтижесіндегі еңбек қуанышына қосар үлесі мен жеке тұлғаның әлеуметтік ашық қоғамға бейімделуіне, яғни әлеуметтенуіне ықпал ету.Көрнекі құралдар: Бейнежазба, слайдтар,плакат,стикерлер

Формасы: пікірталас алаңы «Мәміле» ток шоуыӘдісі: әңгімелеу, пікірталас, топқа болу,кері байланыс

Қатысушылар: ұстаздар, 11-10 сынып оқушылары,қонақтар.

Өтетін орны: Мектеп акт залы

Жүргізілу барысы:

Жүргізуші: Сәлеметсіздерме,құрметті ұстаздар,оқушылар кеш қонақтары! Бүгінгі 10-11 сыныптар арасындағы «Қазақстанның болашағы менің болашағым» «Мәміле» пікірталас алаңына қош келдіңіздер .

Ел сенімін, үмітін ақтау, еліміздің жарқын болашағына үлес қосу әрбір саналы да білімді жастарымыздың қолында.Ертеңгі жас- бүгінгі мектеп табалдырығындағы мектеп түлектері.Оның келешегі - оның мамандығы. Мамандық таңдау-өмірдің ең қиын,әрі ең маңызды шешімдерінің бірі. Мамандық таңдау-сені үлкен өмірге жетелейтін көптеген баспалдақтардың алғашқысы. Дұрыс таңдалған мамандық-болашақтағы бақытты өміріңнің кепілі.Мамандық таңдауыңда қателескен жоқсың ба? Пікірталас алаңында осы сауалдар төңірегінде бүгін ой қозғамақпыз. Ендеше «Сыр-сұхбат» айдарымызды бастаймыз.Тақырыбымызға тұздық болсын.Келесі бейнебаянға назар аударайық. (бейнебаян)

-Бүгінгі оқушыларымыз мамандықты өздері таңдай алама? Әлде толығымен мамандық таңдауына ата-аналары ат салысады ма?Біздің алғашқы кейіпкеріміз бар. 11 сыныптың оқушысы қандай мамандық таңдады, өзі таңдады ма, ата-аналары таңдап берді ме? Оны ортамызға шақырып сұрап білейік.

О.Шонаев атындағы орта мектебінің 11 сынып оқушысы Алтынзерге. Қарсы алыңыздар. Қош келдің Арайлым. Бүгінгі шарамызды түгелімен сендерге арнап отырмыз.

-Мамандық таңдап үлгердіңбе?

-Болашақта кім боласың?

-Бірден осы журналист болуды шештің бе, әлде осы шешімге дейін мың құбылдың ба?

-Толығымен осыған бекіндің бе? Ауысып кетуі мүмкін емес пе?

-Енді түсінікті. Біздің ортамызда жоғары санатты тарих пәнінің мұғалімі Қамбар Лотұлы

-Ағай қазір осы мектепте көп жылдан бері мұғалімсіз ғой! Оқушылармен көп жұмыс жасайсыз. Түлектеріміздің көзінен біліне ме осы мамандық таңдаудан қателесіп кеткенін сезіп, біліп отырасыздар ма? Көппе ондай оқушылар?

- Бізде қонақта аудандық тест орталығының директоры Мерует Миралықызы, қош келдіңіз.

- Аудан бойынша жоғары оқу орнына барам деп отырған түлектер саны қанша? Сынама тестілер қорытындысы көңілден шыға ма? Қандай жұмыстар атқарылып жатыр.Аудан бойынша ауданның кез-келген саласына жетіспейтін мамандық туралы мәлімет бар ма?

-Бүгінгі оқушылар, алдымыздағы отырған бөлек кей жастарымыз бір жапырақ қағаз диплом үшін кез- келген оқу орның таңдай салады. Мейлі ол арзан болсын, мейлі ол атақты- атақсыз болсын, оқу орның таңдай береді. Қарамайды оған. Диплом алып шықсам болды деп оқи салады.

Осындай жастарымыздың көбейіп кетуіне не себеп болды деп ойлайсыз?

11-сынып жетекшісі Қансұлу апайымызды ортаға шақырамыз.

-«Ертең қызым немесе балам қандай жұмыс істейді. Оған жұмыс табылады

ма ?»деген ой ма, әлде «өз ісінің маманы» болу керек деген ой жиі мазалай ма. Жалпы –Балдарына мамандық таңдауда біздің ата- аналар дұрыс бағытта ма? -Түлектеріміз мамандық таңдауға қабілеттері қандай деңгейде?

-Өз ісінің нағыз маманы атану бұл көп адамға бұйыра бермейтін бақыт. Ол үшін өзінің мамандығына деген, өзінің жұмысына деген махаббат болуы керек. Екі мамандық иесі мектебімізде жас ұстаз болып еңбек еткен,бүгінде өз жүрек қалауымен таңдаған маман иесі болып отырған Дана Ғасырбекқызы біздің алаңымыздың қонағы.Қош келдіңіз!