Қазақстанның мәңгілік жері Ұлы дала елі тәрбие сағаты

« М.Жұмабаев атындағы №15 жалпы орта мектебі» коммуналдық

мемлекеттік мекемесі

Сыныбы: 4 «Б»

Бастауыш сынып мұғалімі: Жунисова Майра

Бекітемін:

Мектеп директоры : Т.Тастанов

Тақырыбы: «Қазақстанның мәңгілік жері- ұлы дала елі»

Тәрбие сағаттың мақсаты: 1986 жылғы желтоқсанда орталықтың әміршіл - әкімшіл солақай саясатына қарсы алғаш рет бас көтеріп демократия жолында құрбан болған ұл қыздарымыздың ерліктері жайында түсінік бере отырып, жастардың алаңға не себепті, қандай мақсатпен шыққандығын жете түсіндіру. Әрбір жеке тұлғаның еркін сөйлеп, өз пікірін, ойын айта білу қабілетін дамыту.

Тәрбиелігі: Өз Отанына, туған жеріне деген сүйіспеншілігін арттыра отырып, өз анна тілін, әдет-ғұрпын, салт-дәстүрін сақтай білуге патриоттық сезімге тәрбиелеу.

Көрнекіліктері: Қайрат Рысқұлбеков, Сабира Мұхамеджанова, Ербол Сыпатаев, Ләззат Асанова суреттері. «Қазақстанның мәңгілік жері- ұлы дала елі!» атты плакат.

Мұғалім сөзі. Армысыздар құрметті ұстаздар, қадірлі қонақтар, оқушылар. Бүгін біздің еліміздің сан мың жылдар бойы найзаның ұшымен, еліміздің ерен ісімен, кешегі дүниені дүр сілкіндерген Желтоқсан оқиғасымен келген тарихымызда алтын әріптерімен жазылып қалған «Қазақстанның мәңгілік жері- ұлы дала елі!» атты кешімізді ұсынамыз.

Ән ұран орындалады.

1-жүргізуші:

Шайқалмасын ешкімнің шаңырағы,

Бақыт көрсін Отанның сан ұланы.

Енді ағайын, көгінде қалықтасын,

Қазағымның қастерлі - Әнұраны!

Желтоқсанда Алматыда, ақ қарда,

Алма бақтар ак қырауға батқанда,

Күңірене күн күркіреп тау жақтан,

Жайдың оты жалаң қақты шатқалдан.

2-жүргізуші:

Желтоқсан таңы дірілдеп ызғар,

Жүректе жылы үміт пен ізгі ар.

Ақ құстай бейбіт арманы самғап,

Алаңға шықты жігіттер,қыздар. –

Құрметті ұстаздар, оқушылар егеменді еліміздің тәуелсіздік алғанына 28 жыл. Ал желтоқсан көтерілісіне 33 жыл болды.Қанша жыл, қанша ғасыр өтсе де ұмытылмайтын оқиғалар болады. Ұмытылмайтыны – оның тағдырмен байланыстылығында.1986 жылы Желтоқсан көтерілісі де ауыл-үйдің әңгімесі емес, дүмпуі алып құрлықты аралап кеткен ғаламат тарихи оқиғалардың бірі.

Көрініс: «Тәуелсіздіктің ақ таңы»

Әжесі жүн түтіп отырады. Немересі далада ойнап жүреді.

Әжесі: — Е…. тәуба! Бергеніңе шүкір…

Немересі: — Әже, әжетай! Далада керемет болып жатыр. Аспанға жарқылдаған салют атып, адамдар қуанышқа бөленіп жатыр.Жүріңіз көрейік!

Әжесі: — Е,… е, жарығым, бұл қуаныш. Тәуелсіздіктің мейрамына арналған керемет қой! Жақсылығымыз ұзағынан болсын!

Немересі: — Әжетай, Тәуелсіздік деген не?

Әжесі: — Тәуелсіздік деген еркіндігің, бостандығың, бақытың балам.Біздің кезімізде мұндай еркіндік болған жоқ.

Немересі: — Сол өміріңіз туралы айтып беріңізші.

Әжесі: — Әй, балам — ай, өткен өмірді көз алдыма елестетсем шуылдап басым айналады.аздап тынықпасам болмас.\ Әжесі мен немересі қисайып жата кетеді\