Қазақстаным жүрегім, Түркістаным тірегім тәрбие сағаты

«Қазақстаным-жүрегім,Түркістаным-тірегім!»

Сабақтың мақсаты: Ежелгі қазақ хандығының астанасы болған Түркістанның елдік бейнеміздің кәусар бұлағы екенін, оның пайда болу тарихын осы қала арқылы біз өткен тарихымызды, мәдениетімізді білетінімізді оқушыларға дәріптеу,Отан сүюге, ұлттық салт-дәстүр, әдет-ғұрпымызды берік сақтауға тәрбиелеу.

Сабақтың көрнекілігі : Қазақстанның картасы, «Түркістан- көне қала», Тайқазан, Түркістан, Қ.А.Йассауи кесенесінің суреттері

Сабақтың әдісі : «Сен білесің бе?» «Мен сендерді көргеніме қуаныштымын»

Тәрбие сағатының барысы : Жағымды ахуал: Тренинг «Мен сендерді көргеніме қуаныштымын» -деп шеңбер бойындағы оң жағымда тұрған оқушыға жағымды сөз айтамын, ол оқушы әрі қарай бұл сөзді басқаларына жеткізеді.Сыныпқа жаңадан келген оқушылар бар болғандықтын танысу тренингін ұсынамын.Әр оқушы аты,жөнін,өзінің сүйіп айналысатын ісімен-хоббиімен таныстырады.

Кіріспе сөз: Елбасы Қазақстан халқына жолдауында «Біздің балаларымыз бен немерелеріміз сырт елден гөрі Отанында өмір сүргенді артық көретіндей, өйткені өз жерінде өзін жақсы сезінетіндей болуға тиіс. Біздің еліміздің әрбір азаматы өзін өз жерінің қожасы ретінде сезінуге тиіс» – деп атап өткен болатын. Ел Президентінің бұл сөзі жастарға серпіліс беріп және оларға үлкен сенім артатынының дәлелі. Елім, жерім, тілім деген әрбір қазақты патриот дейміз.

Отан – әр адамның жүрегіне жылы тиер қасиетті сөз.Отан –біздің туған еліміз, туған жеріміз, достарымыз, туған -туысқандарымыз. Отан адам үшін біреу ғана. Отанды анаға теңейді. Себебі, Отан біздерді анамыздай қорғайды, көмектеседі, күш береді.Біз Отанымызды, елімізді сүйеміз. Біз, өз еліміздің патриотымыз! Патриот –ол өз елінің мерейін үстем ету жолында, өз халқына деген сүйіспеншілігі жолында қолда барын, өмірін аямайтын адам.

«Сен білесің бе?» оқушылырмен бірлесе әңгімеге арқау болатын биыл Қазақстандағы басты жаңалықтар жайлы

Астананың 20 жылдығы

Оңтүстік Қазақстан облысы Түркістан қаласына ауысуы

Түркістан жайлы не білесің? т.б.

Бейне баян: «Түркістан қаласының тарихы»

Оқушы көрген бейне баяндары жайлы пікірімен бөлісу,Түркістан жайлы аңыз әңгімелер, өлең -шумақтар

Түркістан- екі дүние есігі ғой, Түркістан-ер түріктің бесігі ғой, Тамаша Түркістандай жерде тұрған, Түріктің тәңірі берген несібі ғой. Ертеде Түркістанды Тұран дескен, Тұранда ер түрігім туып өскен, Тұранның тарихы бар толқымалы,

Басынан көп тамаша күндер өткен. М.Жұмабаев.

Түркістан-көне қала ғана емес, ірі оқиғалардың куәгері. Қазақ мемлекеттігін құрған, қалыптастырған хандардың, билердің, батырлардың бұл қасиетті шаһарда тұрмағаны немесе соғып өтпегені жоқ деуге болады. Демек, Түркістанның әрбір көшесі тарихи бертерге толы.

IV-X ғ Түркістан орнында Шағбар деген үлкен қала болған. IX-X ғ ол жақсы қалалар қатарына қосылып, гүлденеді. Сол кезден бастап Яссы, ал XV ғ –дан бастап Түркістан деп аталады. “Түркістан деген сөз – түріктер мекені, елі” деген сөз. Өйткені сол заман бұл аймақты түркі тілдес халықтар мекендеген. Сол кезден бастап қала түркі халықтардың діни орталығы болып келді. XVI ғ бастап Түркістан қаласы мен төңірегінде қазақ хандығының бөлігіне берілді . Қала көп уақыт қазақ хандығының орталығы болды. Жаугершілік заманында сыртқы жаулардан қорғану мақсатында қаланы айналдыра қорған салынған. Қорған мен қақпаның беріктігі сондай, кейде сырттан келген шапқыншылар бұза алмаған.

Ежелгі Түркістан қаласы қазақ топырағындағы сол кездегі саяси мәселелерді, дау-дамайларды шешу орталығы болған. Бұл қаланың түбінде мәр төбеде үш жүздің өкілі ылғи бас қосып, уәжге келіп отырған. Жер дауы , жесір дауы осы арада шешіліп, әңгіме өзек болған.

Исі түркі халықтарының екінші меккесі атанған Түркістан аумалы-төкпелі заманда елге нық сенім беріп, діни және рухани беріктікті сақтап қалуға көмектескен рухани тазарту орталы болған.Оны қазақ жерінің әр жерінің тұкпірінен мінәжат етіп келген халық ауыр қасіретпен қиындықтан қорғайтын пана деп білген.

Қазақстанның халық жазушысы Ш.Мұртаза «Киелі Түркістан» деген мақаласында былай деген: “Әр елдің, егер ол өз тарихын ,өз мәдениетін, өз намысын бағалай білетін ел болса, сол елдің пір тұтатын бір мекені болды.”Мысалы, ол өзбектерде Самарханд, Бұхара, орыстарда Суздаль,Владимир,Иранда-Машхат.Ал біз үшін қазақтар үшін сондай рухани алып –Түркістан.

Қасиетті Түркістанға барғанда теңгесі жоқ Ахмет Иассауидің сөулетті ғимараты ерекше көзге түседі.Мұны Х1V ғасырдың алдында әйгілі Ақсақ Темір салдырған.Оның ені 46,5 ұзындығы 62,5 биіктігі 40 метрге жуық.Әр түрлі мақсатқа пайдаланатын 35 бөлмеден тұрады.Ортада қазандық деп аталатын бөлме бар.Осы бөлмеде салмағы 2тонна келетін ішіне 60шелек су сиятын үлкен «Тайқазан » орнатылған.Тайқазан 1399 жылы Түркістан шаһарынан 25 шақырым жерде Қарнақта 7 асыл металдан жасалған.