Қазақтың ұлттық ойындары бойынша сабақ жоспары, 6 сынып

Дене шынықтыру сабағының қысқа мерзімді жоспары

Ұзақ мерзімді жоспар бөлімі:

4 бөлім: Қазақтың ұлттық және зияткерлік ойындары

Мектеп: «Көкпекті орта мектебі»КММ

Күні:

Мұғалімнің аты-жөні: Баяхметов Е.М

Сынып: 6

Қатысқандар саны:

Қатыспағандар саны:

Сабақ тақырыбы

Қазақтың ұлттық ойындары

Оқу мақсаттары

6.3.5.1. Басқа адамдардың дене жаттығуларының тәжірибелерін байытуға арналған дағдыларды қолдана білу

Сабақ мақсаттары

Басқа адамдардың дене жаттығуларының тәжірибелерін байытуға арналған дағдыларын қолдана білуге үйрету.

Бағалау критерийлері

Басқа адамдардың дене жаттығуларының тәжірибелерін байытуға арналған дағдыларды қолдана алады.

Тілдік мақсаттар

Түрлі ойын контексттеріндегі ойын ережелерін және қозғалыс дағдыларын біліп, талқылай алады.

Мыналарды қамтиды:

Ұлттық ойындар

команда, ойыншы, төреші

қарсылас, шабуыл, қорғаныс

ереже, баға, әділ ойын

Талқылауға арналған сұрақтар:

Жарыс кезінде ойындарда серіктестік қалай дамиды?

Жарыс кезінде әділ ойын қағидасын қалай көрсетуге болады?

Командаңыз бірге жақсы жұмыс жасау үшін қалай көмектесе аласыз?

Сыныптастарыңызбен қандай білім, дағдылармен бөлісе аласыз?

Құндылықтарға баулу

Жеке жауапкершілік, көшбасшылық қасиеттері, өмір бойы оқу, бір-біріне көмектесу.

Пәнаралық байланыстар

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

АКТ қолдану дағдылары

Шағын құрылғылармен сабақты түсіру, ғаламтордан қажетті ақпаратты іздеу үшін ноутбукты қолдану.

Алдын ала білімі

Білім алушылар алдыңғы сыныптарда және сабақтан тыс уақытта түрлі қазақ ұлттық ойындарында алған жалпы шеберліктері мен стратегиялық түсініктеріне ие.

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы (тайм-менеджмент)

0-8мин

Сабақтың басында өтетін тақырыппен таныстырып, білім алушылармен бірге оқу мақсаты және сабақтың соңында күтілетін нәтиже анықталады. Осыдан кейін білім алушылар сабақтағы бағалау критерийлері және дескрипторлармен танысады.

Білім алушылар жаттығу жасау кезіндегі қауіпсіздік ережелері бойынша жалпы талаптармен таныстырылады. Білім алушылар жүру, жүгіру кезіндегі жаттығуларын орындағаннан кейін, демдерін қалпына келтіріп, дененің барлық бұлшық еттеріне дене қыздыру жаттығуларын орындайды.

Үлкен бос кеңістік.

Сабақтың ортасы

(тайм-менеджмент)

9-22мин

23-34мин

(Т, ЖЖ, ҚБ) Білім алушыларды ойынның ережесімен және қауіпсіздік ережелерімен таныстырып, ойыншылар саны жағынан тең командаларға бөліп, «Арқан тартыс» ойынын өткіземін. Бұл ойында әр командадан ортаға бір ойыншыдан шығып, арқанды тартады. «Арқанға жақында!» бірінші белгісі бойынша ойыншы арқанның оң немесе сол жағына тұрады. «Арқанды ұста!» екінші белгісі бойынша ойыншылар еңкейіп, арқанды көтереді. Мұғалімнің ысқырығы бойынша ойыншылар арқанды өз жағына тартуға тырысады. Ойыншылардың бірі арқанды тартып, бақылау сызығынан 3 м кейін шегіне алған кезде (арқанның ортасындағы бауымен белгіленген жерінен), ысқырық беріліп, күрес тоқтатылады. Арқанды орнына қойып, ойынды келесі ойыншылар дәл осындай тәртіппен жалғастырады. Арқанды өз жағына тарта алған ойыншы, командасына бір ұпай әкеледі. Ең көп ұпай жинаған команда жеңіске жетеді.

Осы тапсырманың дескрипторлары:

Басқа адамдардың дене жаттығуларының тәжірибелерін байытуға арналған дағдыларды қолдана біледі;

ұлттық ойындары ойнау кезінде қауіпсіздік ережелерін біледі және сақтайды.

Сұраңыз: Ойын кезінде серіктестік қалай дамиды? Ойын кезінде әділ ойын қағидасын қалай көрсетуге болады? Ойыншылар бірге жақсы жұмыс жасау үшін қалай көмектесе аласыз? Сыныптастарыңызбен қандай білім, дағдылармен бөлісе аласыз?