Қазіргі студент ертеңгі маман туралы мақала

Қазіргі студент ертеңгі маман....

Қазіргі заман талабына сай, бәсекеге қабілетті дамыған елдердің қатарына кіру мақсатында, студенттерге білім беруде заман үрдісіне орай, жан-жақтылықты, мамандықтарына деген қызығушылықты ояту мақсатында, теория мен тәжірибені ұштастыру зор рөл атқарады. Осы мақсатта, колледжімізде оқу-өндірістік тәжірибесінің алатын орны зор. «Құқықтану» мамандығының 2,3 курс студенттеріне оқу тәжірибесі аясында, колледж қабырғасынан тыс, көптеген мемлекеттік органдармен, мекемелермен кездесу ұйымдастырылып, мамандықтарына қатысты ақпараттар алып, тәжірибе алмасуда.

Мен өзім алғашқы оқытушылық қызметті, ЖШС «Каспий өңірі «Болашақ» колледжінің «Құқықтану» мамандығының оқытушысы қызметінен бастадым, Студенттерге дәріс беру кезінде байқағаным, қазіргі жастар жаңашылдыққа, мамандықтары бойынша қызмет атқаратын мекемелерге, атап айтсақ прокуратура, сот органдарының қызметтеріне деген қызығушылықтары өте жоғары. Осы мақсатта оқу тәжірибесі кезінде, студенттер ҚР заңнамалардың қолданылуын, іс құжаттарының толтыру тәртібін, шарттардың жасалу жолдарын біліп қана қоймай, мемлекеттік органдар, мекемелер қызметкерлерімен кездесіп, мамандықтары бойынша нақты көзқарас қалыптастырып, мамандық таңдаудағы артықшылықтар беретінін біліп жатыр.

Оқу тәжірибесі кезінде, студенттер қаламыздағы прокуратура органы, құқық қорғау қызметтері орталығы, №2 қалалық сот, жұмыспен қамтуды үйлестіру және әлеуметтік бағдарламалар басқармасы, бірыңғай жинақтаушы зейнетақы қоры мекемелерінің мамандарымен кездесіп, студенттер елімізде қандай заң қызметтері, қандай мемлекеттік бағдарламалар, ҚР азаматтарының құқықтары мен бостандықтарын қорғау мақсатында қандай құқықтық шаралар жүргізілетінін және алдағы уақытта аталған мекемелерге жұмысқа орналасу жолдарын сұрастырып, мамандықтарына деген қызығушылықтары артуда.

Джаубаева Мархабат

ЖШС «Каспий өңірі «Болашақ» колледжінің

«Құқықтану» мамандығының пән оқытушысы