Қиял әлеміне саяхат ашық сабағы мектепке дейінгі балаларға

Күні__________

Тақырыбы: «Қиял әлеміне саяхат»

Сабақтың мақсаты: шығармашылық қиялдары мен ішкі табиғи күштерін сыртқа шығара білуге бағыттау және балалардың ұсақ қол моторикасын қалыптастыру. Көңіл-күйлерін көтеру, жағымды эмоцияларын қалыптастыру. Балалардың таным үрдістерін дамыту. Балалардың қиялын, сезімін және ой-өрісін дамыту. Адамгершілікке, әдептілікке баулу.

Құрал-жабдықтар: слайд, тапсырмалар, ұшқыш кілем, ұшқыш тәрелке музыкалық сүйелдеме.

Алдын ала жұмыс (сабақтарда):

Сабақ барысы:

Балалалар залға кіріп, шеңбер жасап тұрады.

Психолог: Құстар мен күнге қайырлы таң! Күлімдеген жүздерге қайырлы таң! Қайырлы таң, балалалар! Мен сендерді көргеніме қуаныштымын!

Мен өзімнің жылуымның бір бөлігін сендерге бергім келеді. Кәнекей бір-біріміздің қолымыздан ұстап, алақанымызбен жылуымызды бір-бірімізге таратайық. Сендер менің жылуымды сездіңдер ме? Менде сендердің жылуларыңды сездім. (балалардың жауаптары)

Ал енді бір-бірімізге күлімдейік , сонда біздің көңіл-күйіміз одан сайын жақсара түседі. Балалар, бүгін біз тек сөзбен емес, қимылмен де амандасайық.

Педагог-психолог: Балалар, жылулық шеңберді слайдтағы суреттерге қарап өткіземіз.

Слайдтан алақанның суретін көргенде, бір-бірімізбен қол алысамыз.

Жүректің суретін көргенде, бір-бірімізді құшақтаймыз.

Күннің суретін көргенде, бір-біріміздің басымыздан сипаймыз.

Күлімдеп тұрған қыздың суретін көргенде, бір-бірімізге қарап , жымиып күлеміз.

Балалар бүгінгі біздің сабағымыз ерекше сабақ болмақ. Біз бүгін Елордамыз Астанаға саяхатқа барамыз . Елордамыздың символы Бәйтерек монуметінің ішінде елбасымыздың аялы алақанының ізі бар. Сол ізге қолды қойған кезде ән ұранымыз ойналады және қолдың ізіне қолымызды қойсақ ойлаған армандарың орындалады деген сенім бар. Сол жаққа барғыларың келе ме ? Елордамыз алыс қандай көлікпен барамыз? Билет алып үлгермедік, а таптым, мен сендерді ертегідегі ұшқыш кілеммен алып барамын.(ұшқыш кілемге отырып ұшамыз).

Сол кезде қатты жел тұрады. Балалар біздің ұшқыш кілеміміз бағытынан шатасқан сияқты. Біз қайда келдік өзі, мынау жерді біз білмейді екенбіз.

Музыка ойнайды, Балалар сендер қиял әлеміне ғарышқа келдіңдер. Балалар сендер «Балапан» арнасынан Томпақ киносын көрдіңдер ме? Мен сол Томпақпын. Сендер қайдан келдіңдер менің әлемімде қайдан жүрсіңдер? Армандарың орындалсын десеңдер менің бір шартым бар. Сендерге бірнеше тапсырмалар беремін. Соны орындасаңдар елдеріңе қайтасыңдар. Балалар келісеміз бе, ия келісеміз.