Қолғап ертегісін сахналауға арналған ашық сабақ

Білім беру саласы: «Коммуникация»

Ұйымдастырылған оқу қызметі: Сөйлеуді дамыту.

Тақырыбы: «Қолғап» (укрин халық ертегісін сахналау).

Мақсаты: а) Ертегіні тыңдай білуге және қайталап дауысын айнытпай салуға үйрету және оң-сол ұғымдарын бекіту.

ә) бірлікке, достыққа тәрбиелеу.

б) Сахнада ойнай білу іскерліктерін дамыту. Сөйлеу мәнері мен қарқынына аса мән бере отырып, кейіпкерлер бейнесін көркем сомдауға, олардың ішкі жан-дүниесін жеткізе суреттеуге ұмтылыстарын арттыруды дамыту.

Қолданылатын көрнекі құралдар: демонстрациялық құрал, тіл дамыту дәптері, ыңғайы келсе, ертегі кейіпкерлерінің киімдері.

Сөздік жұмыс: қолғап.

Оқу іс-әрекеткезеңдері

Тәрбиешінің іс-әрекеті

Балалардың іс-әрекеті

Баланы тапсырманы орындауға қызықтыру (талпындыру)

Жұмбақ жасыру:

Бес балаға бір бешпент,

Бірге киіп, бірге шешпек

-Балалар, қолғап бізге не үшін керек?

-Қолғап нешеу болады?

-Қолғап қандай болады?

-Қолғап.

-Қыс мезгілінде қолымыз тоңбас үшін керек.

-Қолғап екеу болады. Өйткені екі қолымыз бар ғой.

-Қолғап әртүрлі болады. Түстері де әртүрлі болады. Қалың қолғап, жұқа да қолғап бар.

Балаларды ізденушілікке ұйымдастыру

-Ендеше, мен бүгін сендерге «Қолғап» атты ертегі мазмұнын түсіндіріп беремін.

-Ал, бәріміз оқылған ертегі желісімен ертегіні сахналаймыз. Кім тышқан болғысы келеді? Кім бақа, қоян, түлкі, қасқыр, қабан, аю болғысы келеді?

«Қолғап» ертегісі

Ертеде бір атай күшігімен орманда келе жатса, қолына киетін қолғабының біреуін түсіріп алыпты. Оны көрген Тышқанқолғаптың ішіне кіріп алып: «Мен енді осында тұрамын», -депті.

Одан кейін Бақа секіріп келіп:

«Мына қолғапта қайсысың тұрасың?», -депті.

Тышқан: Мен шиқылдауық Тышқанмын, Ал сен кімсің?-деп сұрапты.

Бақа: Мен бақылдауық Бақамын. Мені кіргізші?- депті.

Тышқан: «Кел»,- депті.

Сөйтіп олар қолғаптың ішінде екеу болыпты. Міне, Қоян да жүгіріп келіп,қолғапқа жақындап: «Мына қолғапта қайсысың тұрасың?», -депті.

Тышқан, Бақа: «Шиқылдауық Тышқанмын, Бақылдауық Бақамын. Ал сен қайсы жануарсың?»-дп сұрапты.

Қоян: «Мен Желаяқ Қоянмын.Мені де кіргізіңдерші?»-депті.

Олар: «Кел», - депті.

Сөйтіп олар үшеу болыпты.Одан кейін түлкі келіп: «Мына қолғапта қайсысың тұрасың?»-депті.

Олар: «Шиқылдауық Тышқанмын, бақылдауық Бақамын, желаяқ Қоянмын. Ал сен өзің қай жануарсың?»-депті.

Түлкі: «Мен әпкелеріңмін. Кіргізіңдерші мені де», -депті.

Олар: «Жарайды кел »-депті.

Сөйтіп, Қасқыр да келіпті: «Мына қолғапта қайсысың тұрасың?»-депті.

Олар: «Шиқылдауық Тышқанмын, бақылдауық Бақамын, желаяқ Қоянмын, мен Түлкімін. Ал сен өзің қай жануарсың?»-депті.

Қасқыр: «Ал мен Қасқыр ағаларыңмын, кіргізіңдерші мені де», - депті.

Сөйтіп, қолғапқа бесеуі де сиып кетіпті.

«Хро-хро-хро», -деп қабан жүгіріп келіп: Мына қолғапта қайсысың тұрасың?

Олар: «Шиқылдауық Тышқанмын, бақылдауық Бақамын, желаяқ Қоянмын, Түлкімін, ал мен Қасқырмын. Ал сен өзің қай жануарсың?»-депті

Қабан: «Мен Қабанмын мені де кіргізіңдерші»,-депті.

Олар: Сен мұнда қалай кіресің –дейді.

Қабан: «Мен кіре аламын, жіберсеңдер», - депті.

Олар: «Жарайды, кіре ғой»-депті.