Қорқақ қоян тақырыбындағы ашық сабақ

Маңғыстау облысы, Ақтау қаласы

№26 «Қарлығаш» бөбекжайы тәрбиешісі

Мамытова Гүл Абдигалымовна

Білім беру саласы: Таным, коммуникация, шығармашылық.

Ұйымдастырылған оқу қызметі: аппликация,тіл дамыту,сенсорика,көркем әдебиет

Сабақтың тақырыбы: “Қорқақ қоян”

Әдіс-тәсілдері: сұрақ- жауап,көрсету,тақпақтарды мәнерлеп айтқызу.

Көрнекі құралдар: Қоян суреті,геометриялық пішіндер,сәбіз суреті,муляж.

Сабақтың барысы:

Тәрбиеші: Балалар бүгін бізде ерекше сабақ болғалы тұр. Кәне,орнымыздан тұрып, шаттық шеңберін құрайық.

Шаттық шеңбері: Алақанды ашамыз,

Күннен шуақ аламыз,

Жиналған жылы шуақты,

Қонақтарға шашамыз.

Тәрбиеші: Балалар орнымызға отырайық.

Балалар қазір жылдың қай мезгілі?

Балалар:Көктем

Тәрбиеші: Көктемде ауа райы қандай болады?

Балалар: Күн жылы болады.

Тәрбиеші: Дұрыс айтасыңдар. Балалар мына суретке назар аударайықшы ненің суретін көріп тұрсыңдар?

Балалар: Қоянның.

Тәрбиеші: Қоян қандай жануар?

Балалар: Қоян үй жануары және жабайы жануар.

Тәрбиеші: Дұрыс айтасыңдар.Қоянның жабайы түрі де бар.Үйде де бағуға болады.Түстері қандай болады?

Балалар: Ақ,сұр.

Тәрбиеші: Жарайсыңдар.Қоян немен қоректенеді?

Балалар: Сәбізбен.

Тәрбиеші: Сәбіздің түсі қандай?

Балалар: Сары.

Тәрбиеші: Қоянның құлағы қандай?

Балалар: Ұзын.

Тәрбиеші: Дұрыс,ал басы ше?

Балалар: Дөңгелек.

Тәрбиеші: Қоянның аяқ-қолы ұзынба? Қысқа ма?

Балалар: Қысқа.

Осы кезде Қоян жылап кіреді.

Қоян: Oй,балалар сәлеметсіңдер ме?

Балалар: Сәлеметсіз бе.

Тәрбиеші: Қоян саған не болды? Неге жылап келіп жүрсің?

Қоян:Менің ағаштан жасалған үйімді түлкі тартып алды.Түлкінің үйі мұздан жасалған еді,күн жылыған соң еріп кетті.Содан менің үйімді алып қойды.

Тәрбиеші: Қоян сен жылама біздің балалар сенің көңіліңді көтеріп тақпақтар айтып берсін.Біз саған үй жасауға көмектесеміз.

Әдемі: Ұзын құлақ сұр қоян,

Естіп қалып сыбдырды,

Ойлы қырлы жерлерден,

Ытқып-ытқып секірді

Қ.Әмина: Көктем келді,құс келді,

Ойнаймыз біз саз илеп,

Біздің көлге түстенді,

Былтыр келген қаз-үйрек.

Ораз: Көктем қырға төрледі,

Төрт түлік мал төлдеді,

Бәйшешектер құлпырып,

Деп тұрғандай,көр мені.

Аружан: Қоян,қоян,қояным,

Сәбізіңе тоясың,

Бақырайып көздерің,

Неге сонша қорқасың?

Тәрбиеші: Жарайсыңдар.

Қоян: Рахмет,балалар! Менің көңілім көтеріліп қалды,жарайсыңдар!

Сергіту сәті: Бала,бала,балақан Қане қайсы алақан,

Саусақтарың айбат,

Былай-былай ойнат.

Қоян: Балалар мен енді сендермен ойын ойынағым келіп тұр.

Тәрбиеші: Ендеше балалар қоянмен “Сәбіз жинау” ойынын ойнайықшы.

Ойын: ”Сәбіз жинау”