Қоршаған әлеммен үндестік тақырыбына материал

Тақырыбы: Қоршаған әлеммен үндестік

Құндылығы: Қиянат жасамау . Қасиеттері: Қоршаған ортаны қорғау, толеранттылық (кеңпейілділік); ақжарқындылық.

Мақсаты: оқушыларға «қоршаған орта», «үндестік» ұғымдарын түсіндіру арқылы қиянат жасамау құндылығының мәнін ашу. Міндеттері: 1. Білімділік: Оқушыларды қоршаған ортаға үйрету. 2. Дамытушылық: Оқушылардың толеранттылық қасиеттерін дамыту. 3. Тәрбиелік: Оқушыларды ақжарқындылыққа тәрбиелеу.

Жағымды көңіл – күйге келу .

Орманға ойша серуен.

Үй тапсырмасын тексеру.

1. №24 – сабақ. « Адамзаттың бәрін сүй бауырым деп » тақырыбында эссе жазу

2. Келесі сабақ. №25, Бұлақ сылдыры мәтінін оқып келу.

Талдау сұрақтары:

1. Шөл даладағы қарияның әрекетінен қандай дұрыс әрекеттерді байқадыңдар?

2. Атайдың шөл далада өзін ойламай, басқаларға көмек көрсетуі оның қандай құндылықтары мен қасиеттерінің көрінісі?

3. Адамның ізгі іс-әрекетіне табиғат қандай үндестік танытты?

4. Неліктен атай қайтыс болған жерден су шықты деп ойлайсыңдар?

5. Өмірде ешбір жақсы істің зая кетпейтінінің себебін қалай түсіндірер едіңдер?

6. Өздерің жасаған жақсы істеріңнен басқалардың қуанған кездері естеріңде ме?

Сабақтың дәйексөзі.

(Оқушыларға үш рет айтқызып, дәптерге жаздырту)

Адамның су мен жер туралы ойлағаны - өзі туралы ойлағаны.

Халық даналығы.

Сұрақтар:

1. Неге адам су мен жерді өзіндей көріп тұр?

2.«Су - тіршілік көзі» дегенді қалай түсінесіңдер?

3. Жер бетіндегі негізгі құндылықтарды атап өтіңдер?

4. Дәйексөзден қандай ой түйдіңіз?

Туған жер - әрбір адамның жарық дүниеге шыр етіп келген киелі мекені, ең алғаш жұтқан ауасы, табанының бастапқы ізі түскен жері, аялап өсірген алтын бесігі. Адам тағдыры да туған жерімен байланысты. Сондықтан, әрбір адам өзі туып өскен мекенін құрметтеп, оған қамқоршы бола білуі керек. Өз туған жерінің әр тасын, әр құсын қызғыштай қорып, оған деген асқақ сезімін өз қамқорлығы арқылы көрсетіп отырған адамды ғана туған жерін құрметтейтін адам деуге болады.

Мұғалім сыйы.

« Жүрегіңнің отын сөндірме »

Сұрақтар:

Бұл әңгіме не жөнінде айтылған?

Әңгімедегі жігіттің іс – әрекетіне қандай баға бересіңдер?

Көршісі өзінің аңызын айту барысында нені түсіндіргісі келді?