Қоршаған ортамен танысу бойынша сабақ жоспары

Ересектер тобының ұйымдастырылған оқу іс-әрекетінің технологиялық картасы

Күні :

Білім саласы: Таным

Бөлімі: Қоршаған ортамен таныстыру

Тақырыбы: «Наурыз – Ұлыстың ұлы күні»

Мақсаты: Наурыз мейрамы туралы түсінік беру. Балалардың ойлау, қабылдау, зейін қабілеттерін дамыту. Грамматикалық талғада жүйелі сөйлеуге, мерекелік көңілін көтеру, елге деген сүйіспеншілікпен бірге, салт-дәстүрді құрметтеуге тәрбиелеу. Көрнекіліктер: Наурыз мерекесіне арналған суреттер, интерактивті тақта, киіз үй, шарлар, дөңгелек үстел, бесік. Әдіс – тәсілдер: көрсету, сұрақ – жауап, түсіндіру, әңгімелесу.

Сөздік жұмыс: табиғи заттар

Билингвальды компонент: мереке -праздник

Іс-әрекет кезеңі

Тәрбиешінің әрекеті

Балалардың әрекеті

Мотивациялық-қозғаушы

Шаттық шеңбері.

Бүгінгі Наурыз мейрамына арналған «Наурыз –Ұлыстың ұлы күні» тақырыппен оқу қызметін бастаймыз.

Балалар допты қағып алып, тәрбиеші айтқан артық затты табуға тырысады.

Ойын шартын мұқият тыңдап, ойынға белсене ат салысады.

Ұйымдастыру-іздестіру

— Балалар, міне Наурыз да келді. 22 наурыз жыл басы. Наурыз үлкен мейрам. Көптен күткен Наурыз тойы арайлы, Нұрға бөлеп міне жатыр манайды! Мал біткеннің бал татыған ұызды, Қуат болып қанымызға тарайды. Төрт түлік мал халқымыздың сүйері, Көңілімнің күмбірлеген күйі еді. «Аман ба» деп мал жаның? Бірін-бірі құшақтасып сүйеді. Бәріміз тұрып бір-бірімізді құшақтап, бір-бірімізге жақсы тілектер айтып, Наурыз мейрамымен құттықтайық! Наурыз – Ұлыстың ұлы күні құтты болсын! Ақ мол болсын! Жаңа жыл бақ, береке, молшылық әкелсің! Әңгімелесу Наурыз шығыс күнтізбесінде жаңа жыл басы деп саналады. 21-22 наурызда күн мен түн теңеледі. Наурыз деген сөздің өзі «нау» — жаңа, «руз» — кун деген сөздерден алынып, жаңа жыл деген ұғымды білдіреді. Адамдар Наурызға дайындалады. Олар үй, арық, аула, көшені тазалайды. Ағаш, гүл егеді. Адамдар үйлерінде дастархан жайады. Ән шырқап, би билеп, ойын ұйымдастырады.

-Музыка қосу) — Наурыз — бақыттың бастамасы, ұлылықтың ұйытқысы, жақсының жаршысы, ынтымақтың белгісі, өмірге нұр сыйлаған, сезімге гүл сыйлаған халық қастерлейтін күн. — Ал, енді біздің кішкентай бүлдіршіндеріміз наурыз мейрамға дайындаған тақпақтарын ұсынады. ІІІ. Тақпақтар 1-ші бала: Бата беріп атамыз, Бата беріп апамыз, Тәтті болып жасалған, Наурыз дәмін татамыз. 2-ші бала: Көктем келді бүгін, Күнім төкті нұрын Сайрап барлық құстар, Ән салуға құштар. Тәрбиеші: Көктемнің алғашқы күндерінен бастап жер бетіне қылтиып, бой көтеріп гүлдер өседі. Бұлар көктемнің алғашқы гүлдері деп аталады. Бұл бәйшешек, жауқазын, қызғалдақ. (интерактивті тақтамен жұмыс) 3-ші бала: Түрлі-түсті әйбат, Гүлдер шықты жайнап. Қызығып ылғи барамын, Қырға шықты ойнап. 4-ші бала: Сәнді көктем нұрымен, Наурыз тойы жырымен, Көңіл гүлдей жайнасың. 5-ші бала: Кіргізіп көркін даланың, Бәйшешек қырда қаптады. Қызығып ылғи барамын, Үзуге бірақ батпадым. 6-шы бала: Күн мен түн теңеледі, Жер шуаққа бөленеді, Соны тойлар ел енді. 7 бала: Наурыз тойы — салтымыз, «Көгерсін» — деп халқымыз, Көшеге тал егеміз.

Тәрбиеші: Көктем — жыл мезгілінің әдемі бір кезені. Наурыз айында күн ұзарып, түн қысқарады. Күн көзінің шуағы молаяды. Қар еріп, жырашықтардан су аға бастайды. Көктем – өте көңілді мезгіл. (интерактивті тақтадағы суреттерді көрсету) 8 бала: Сансыз көкек сұңқылдап, Көктем келді еркелеп. 9 бала: Нәзік үнмен сыңқылдап, Бұйра бұлақ еркелеп, Көкте бұлттар күркіреп, Жерге төкті өрмегін. 10 бала: Қар су болып жөңелді, Қалды дала жалаңаш, Күн нұрына кеңелді. 11 бала: Келіп көктем құстары, Бау-бақшада ән салды. Оларды жас достары, Ұя жасап қарсы алды. 12 бала: Сүті көп те, көмірі аз, Болады ғой Наурыз! 13 бала: Дастарханда дәніміз, Жайдарымыз бәріміз. Жарасу бар, жаулық жоқ, Қандай жақсы Наурыз! 14 бала: Көкке бояп өңірді, Көктем келді көңілді. Бау-бақшада, орманда, Құстар әні төгілді. 15 бала: Қарды ерітіп жылғасы, Наурыз келді – жыл басы. Шуақ төкті жарық күні, Мейрамында халықтың. 16 бала: Балалар-ау, балалар! Шақырады далалар. Көктем келді гүл алып, Құстар келді жыр алып. ІV. Жұмбақ — Ал енді балалар! Жұмбақтардың шешуін табыңдар: Дәмді-дәмді тағамдарды жинайды, Қонақтарды көңілдене сыйлайды. (дастархан) Бұл не? Дұрыс айтасыңдар, балалар! Бұл дастархан. Ал дастарханға қандай қазақтың ұ

Қазақ халқының ежелгі салт-дәстүрінің бірі – бата-тілек білдіру. «Сөз арқылы жаратушыға жалынып, жалбарынып ықпал етуге болады деп түсінген ата-бабаларымыз. «Жаңбырменен жер көгереді, батамен ер көгереді», «Баталы құл арымас» — деген ой-пікірді уағыздап, кейінгі ұрпағына ықылас білдіріп, ақ ниетпен бата беріп, тілек тілеуді дәстүрге айналдырған.

Балалар арқан тартысады)

Рефлексивті-түзетушілік

Балалар бүгінгі оқу қызметінде біз не туралы айттық.

Наурыз мерекесі қандай мереке болып саналады.

Наурызда қандай іс шаралар жасалады.

Тәрбиеші балаларға Наурыз мерекесіне байланысты жақсы тілектер айта отыра қорытындылауды

Наурыз мерекесі туралы айттық.

Наурыз жыл басы болып саналады.

Адамдар наурыз көже пісіреді. Той думан болады. Дастархан жайылады, бір-біріне жақсы тілектер айтады.

Күтілетін нәтиже:

Біледі: Наурыз мейрамы туралы

Түсінеді: салт-дәстүрді құрметтеуді .

Меңгеру: Балалардың ойлау, қабылдау, зейін қабілеттері

Ересектер тобының ұйымдастырылған оқу іс-әрекетінің технологиялық картасы

Күні :

Білім саласы: Таным

Бөлімі: Қоршаған ортамен таныстыру

Тақырыбы: Үйдегі және балабақшадағы қауіпсіздік.

Мақсаты: Балаларға үйдегі және балабақшадағы қауіпсіздік туралы түсіндіру. Үйде, көшеде, балабақшада сақтау керек қауіпсіздік ережелері туралы білімдерін дамыту. Өмір қауіпсіздігі ережелерін сақтауға тәрбиелеу.

Көрнекілігі: қауіпті жағдайлар туралы слайдтар, суреттер, ойыншық немесе құрал - саймандар

Әдіс – тәсілдер: көрсету, сұрақ – жауап, түсіндіру, әңгімелесу.

Сөздік жұмыс: қауіпсіздік

Билингвальды компонент: қауіпсіздік ережелері – правила безопасности, жүгіруге болмайды – нельзя бегать, сөйлеуге болмайды – нельзя разговаривать.

Іс-әрекет кезеңі

Тәрбиешінің әрекеті

Балалардың әрекеті

Мотивациялық-қозғаушы

Тәрбиеші балалармен бірге шеңбер құрады.

«Танысайық» ойыны.

Тәрбиеші допты бір балаға лақтырып, атын сұрайды:

- Мына баланың аты кім? Балалар хормен баланың атын айтады. Осылай кезекпен ойын жалағаса береді.

Ұйымдастыру-іздестіру

Қонаққа «Сақтаныш» келеді. Қолын танып алған.

- Сәлеметсіңдер ме, балалар! Менің атым Сақтаныш. Мен балабақшада қатты жүгіріп, қолымды жарақаттап алдым.

- Балалар, біз Сақтанышқа қауіпсіздік ережелерін түсіндірейік. Ал сендер білесіңдер ме, қауіпсіздік деген не?

- Иә, балалар сендер әр уақытта әртүрлі жағдайларға тап болуларың мүмкін. Бүгін біз, егер сондай жағдайларға ұшырасаңдар, одан қалай шығуға болатын жағдайларды қарастырамыз.

Өмірде қандай қауіпті жағдайлар болуы мүмкін?

Көз алдарыңа елестетіңдер, сендер үйде жалғыз отырсыңдар. Танымайтын бір кісі есікті қағып, ашуды өтінді.

- Сендер не айтасыңдар?

- Сендер үйде отырғанда, кенет өрт шықты. Сендердің іс – әрекеттерің қандай болады?

Тәрбиеші үстел үстіне құрал – саймандарды: балға, балта, шеге,қайшы, сіріңке қояды.

«Жақсы – жаман» ойыны.

Шарты: құрал – саймандардың қандай жағдайда жақсы және қандай жағдайда жаман екенін айту.

- Бұл заттардан зардап шекпес үшін не істеу керек?

- Сендер балабақшадағы қауіпсіздік ережелерін білесіңдер. Тәрбиеші апайларың күнде қайталайды, әрбір уақытта естеріңе салып отырады.

Сол ережелерді Сақтанышқа айтып беріңдер, ол да біліп жүрсін.

Сергіту сәті:

Ойна, балам, болмай алаң,

Ештеңеден қауіптенбей.

Бала болғын жалындаған,

Жайнай түссін, бейне гүлдей.

Қауіпсіздік ережесін

Барлық жерде, сақтай білгей!

Сақтаныш балалармен бірге сергіту жаттығуын жасап, балалармен қоштасады.

Балалар Сақтанышпен сәлемдеседі. Сақтанышқа не болғанын сұрайды.

Қауіпсіздік деген – өзіңді қорғау және сақтау.

Балалар ойларын айтып, қауіпті жағдайларды айтады.

Ойларын айтады.

Құрал – саймандарды не үшін пайдаланылатынын айтады.

Құралдармен танысып, пайдалы және зиянды жақтарын айтады.

Қауіпсіздік ережелерін Сақтанышқа йтып береді.

Өлең мазмұнына байланысты Сақтанышпен бірге қимылдар жасайды.

Балалар Сақтанышпен қоштасады.

Рефлексивті-түзетушілік

Тәрбиеші балалардан «Сақтықта – қорлық жоқ» деген мақалдың мағынасын қалай түсінгендерін сұрайды.

Балалар педагогтың көмегімен қай жерде болмасын сақтық керектігін, сонда ешқандай қауіп болмайтындығын айтады.

Күтілетін нәтиже:

Орындайды: қиын жағдайлардан шығудың дұрыс жолдарын іздейді, өзіне - өзі көмек беру дағдысын.

Түсінеді: қоршаған ортаға бейімделу және әрқашан қауіпсіздік ережелерін сақтау керектігін.

Қолданады: тиісті орындарда қауіпсіздік ережелерін.

Ересектер тобының ұйымдастырылған оқу іс-әрекетінің технологиялық картасы

Күні :

Білім саласы: Таным

Бөлімі: Қоршаған ортамен таныстыру

Тақырыбы: Ұлы Отан соғысы ардагерлері

Мақсаты: Жеңіс күні туралы түсінік беру.Сөздік жұмысы жүргізу арқылы есте сақтау қабілеттері дамыту.Отанын сүюге тәрбиелеу.

Көрнекілігі: Демонстрациялық материалдар

Әдіс – тәсілдер: көрсету, сұрақ – жауап, түсіндіру, әңгімелесу.

Сөздік жұмыс: ардагерлер

Билингвальды компонент: ардагерлер-ветераны

Іс-әрекет кезеңі

Тәрбиешінің әрекеті

Балалардың әрекеті

Мотивациялық-қозғаушы

Тәрбиеші балалармен бірге шеңбер құрады.

Амандасу рәсімі.

Амандасу рәсімін орындайды.

Ұйымдастыру-іздестіру

Жеңіс күні 9-мамыр – бүкіл дүниежүзі бойынша үлкен мейрам. Әсіресе, бұл мерекені екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрам.

Аз емес зар жылаған, егілген жан,

Аз емес өшкен өмір, төгілген қан.

Кеудеге зілді қасірет салды соғыс.

Қирады талай арман көңілге алған

Ұлы Отан соғысына қатысқан: Бауыржан Момышұлы, Мәншүк Мәметова, Әлия Молдағұлова, Мәлік Ғабдуллин, Талғат Бигелдинов т.б.және де өз жерлестеріміз де бар.

Ол кісілерге құрметпен бас иеміз. Ал осы бейбіт өмірге жете алмаған, ерлікпен қаза тапқан ағаларымыз бен апаларымыздың рухына бас иіп, еске алайық. Жеңіс туын желбіретуде қан кешіп, кеудесін оққа тосқан боздақтарымызды бір сәт үнсіздікпен еске алайық.

(1 мин үнсіздік)

1941 жылы 22 маусым күні таң шапағы жаңа ғана арайланып келе жатқан кезде елімізге қауіп төнді. Халқымыз адам айтқысыз қиын – қыстау кезеңге душар болды. Фашистік Германия елімізге опасыздықпен басып кірді. Ұлы Отан соғысы басталды. Отанымыздың басына ауыр күндер туды. Қазақ даласы небір төңкеріс, небір көтеріліс, небір жеңіс пен жеңілісті, қызық пен қиындықты өткерді емес пе? Ата – бабаларымыздың осындай ерлігінің бірі – Ұлы Отан соғысындағы жеңісі. Сонау 1941 жылы бейбіт жатқан елге Германия фашизмдері ашқан соғыс қазақ ұлдарын да жалмап, ананы баласыз, баланы әкесіз, әйелді жесір қалдырғаны әрбір адамның жүрегінде.

Біздің Қазақстанда да соғыс оты шарпымаған шаңырақ кем де кем. Жүз мыңдаған ата – әкелеріміз соғыстың алғашқы сәтінде – ақ майданға аттанды. Осы қан майданда мерт болған ерлердің рухына, бүгін арамызда асқар таудай болып жүрген аталарымызға басымызды иіп тағзым етейік. Олардың ерлік істерін ешкім де ешқашан да ұмытпауға тиіс.

Балалардың тақпақтары:

Бақыт сыйлап жатады әр күн

Санамызға жарық берген

Әкелері аталардың

Бұл Жеңісті алып келген

Қуантамыз ән сап жұртты,

Келе берсін бақыт таңы.

Жеңіс күнің болсын құтты,

Батырлардың ұрпақтары

Барша халық жеңіс күнін тойлайды,

Жас сәбилер думандатып ойнайды.

Ардагерлер көздеріне жас алып,

Ұрпақтардың амандығын ойлайды.

Елге қауіп төнбесін,

Егестен адам өлмесін!

Есен – аман болайық,

Енді соғыс болмасын!

Өртенбесін туған ел!