Қош бол, балабақша мерекесіне арналған ашық сабақ

Армысыздар, құрметті қонақтар, қадірлі ата-аналар және балабақша ұжымы. Бүгін міне, «Шағала» тобының «Қош бол, балабақша» атты ертеңгілігіне қош келдіңіздер!

1-жүргізуші: Бізге сыйлап сыңғырлаған күлкіңді,

Сәбилерім жүздеріңде нұр тұнды.

Бізден ұшып қанат қағып есейіп,

Өздеріңмен қоштасатын күн туды.

2-жүргізуші: Бәріңді де сәбиім деп сүйетін,

Өздеріңді сағынып біз жүрейік.

Құтты болсын қадамдарың аттаған,

Біз сендерге сәтті сапар тілейік.

1-жүргізуші: Өтті қызық көп күндер,

Бес жасқа енді жеттіңдер.

Барасыңдар мектепке,

Бір белестен өттіңдер.

Өсті ақыл-ойларың

Қуанышы бүгінгі

Құтты болсын тойларың.

2-жүргізуші: Ұшырып көкірегімнен жыр кептерін,

Мерекең құтты болсын түлектерім,

Қол соғып ортамызға шақырайық.

Бүгінгі мерекенің шынайы кейіпкерін,--деп балабақшамыздың қоштасатын сүйікті балаларымызды ортаға шақырайық.

1-жүргізуші: Маңғазданып аз сөйлер,

Ару деген қызымыз.

Өзі сұңғақ өзі ойлы,

Сырым деген ұлымыз.

2-жүргізуші: Маң-маң басып келеді,

Айтқаныңа көнеді.

Әдепті ұл мен қызымыз,

Айбар менен Әсима.

1-жүргізуші: Қызымыз мына Айбибі,

Өзі сондай әдемі.

Рамазан деген ұлымыз,

Өзіне сай әдебі.

2-жүргізуші: Ақылды бала Исабек,

Ойы ұшқыр, тым зерек.

Салмақты қыз Ұлдай,

Жымияды күлімдеп.

1-жүргізуші: Мөлдіреген көздері,

Салмақты оның сөздері.

Данияр деген ұлымыз.

Жарқырайды жанары,

Нұржайнадай қызымыз,

Үнемі күліп журеді.

2-жүргізуші:Биязы оның мінезі,

Санжар атты баламыз.

Лаура деген еркеміз,

Жарқын жүзді гүліміз.

1-жүргізуші: Кербез жүріп келетін,

Дамир атты ұлымыз.

Мың бұралған бишіміз,

Ақтолқындай қызымыз.

2-жүргізуші: Атына сай сабырлы,

Мәди атты ұлымыз.

Жәудіреген көздері,

Ажар деген қызымыз.

1-жүргізуші: Қуыршықтай монтиған,

Келеді Шәрбат томпиған.

Сабырлы да салмақты,

Қарсы алайық Бекасылды.

2-жүргізуші: Ақылды да парасатты,

Мансұр атты ұлымыз.

Ұлы Абайдай болатын,

Ибрахим деген ұлымыз.

1-жүргізуші: Өсті міне бойларың,

Өсті ақыл ойларың.

Қуанышқа ортақпын,

Құтты болсын тойларың.

2-жүргізуші: Жаңа өмір басталсын,

Үміт сенім ақталсын.

Ұмытылмай балабақша вальсі

Көңілде мәңгі сақталсын.

Би: «Балабақша вальсі».

1-жүргізуші: Алдындағы балалар,

Мектепке кетіп барады.

Тақпақ айтып бір-бірден,

Қимай кетіп барады –дей отырып ортаға балаларымызды өз тақпақ өлеңдерін айтуға шақырамыз.

Әсима: Балабақша есігін,

Үшке тола ашқанбыз.

Балапандай өсіріп,

Мәпелейді бақшамыз.

Данияр: Бұл екінші үйіміз,

Бір туғанбыз бәріміз.

Біз осы үйдің гүліміз,

Біз осы үйдің сәніміз.

Ақтолқын: Бұл құшағы тым ыстық,

Мектебіміз бастапқы.

Мында жақын туыстық,

Мұнда тұңғыш дос таптық.

Нұржайна: Қызық күндер өткіздік,

Балабақша бағында.

Көп оқыдық, көп білдік,

Елмен Отан жайында.

Рамазан: Бұл қуаныш себебін,

Бізге қарап ұғыңдар.

Туған Отан қуансын,

Ер жетті деп оянып.

Санжар: Қуанамыз сыйлаймыз,

Қуаныштың мың гүлін.

Бақшамызды қимаймыз,

Қоштасатын күн бүгін.

Ару: Ботақандай бөбектеп,

Еркелеткен ұл-қызын.

Анамызды ерекше,

Қуантамыз біз бүгін.

Ән: «Балабақша» хор

2-жүргізуші: Балалар бүгін біздің көңілді кешімізді естіп білім ханшайымы да қонаққа келіп қалыпты. Олай болса қонақты қарсы алайық.

Білім ханшайымы: Армысыңдар ата-аналар, балалар! Мұнда үлкен мереке болып жатыр дегенді естіп сіздерге сендердің өнерлеріңмен білімдеріңді көруге қонаққа келдім.

-Балалар, сендер балабақшамен қоштасып қайда кеткелі жатсыңдар?

-Мектепке сендер не үшін барайын деп жатсыңдар?

-Сендер осы мектеп, оқу жайлы мақал-мәтел білесіңдер ме?

1 Білім арзан, білу қымбат. Мәди

2 Қына тасқа бітеді,

Білім басқа бітеді. Әсима

3 Ақыл тозбайтын- тон,

Білім таусылмайтын кен. Ару

Білім ханшайымы: Жақсы, бәрін біледі екенсіңдер,сонда да көңілім толмай тұрғаны.

1-жүргізуші: Ендеше, мына би сіздің көңіліңізді көтеретін болады. Күбірбай Ақтолқынның орындауында үнді биін тамашалайық.

Білім ханшайымы: Ой, жарайсыңдар! Бір сергіп қалдым.

2-жүргізуші:Білім ханшайымы бізбен бірге болыңыз балаларымыздың әліде өнері көп.

Білім ханшайымы: Жарайды.

1-жүргізуші: Ендеше кезекті балалардың жаттаған тақпақтарына кезек берейік.

Тақпақтар:

Ұлдай: Балабақша, балабақша,

Шаңырағы шаттығың.

Балабақша қорғанышы,

Балғын сәби жаттығың.

Дамир: Біз бақытты баламыз,

Жетіліп ой санамыз.

Бақшамызбен қоштасып,

Мектепке кетіп барамыз.

Бал күндерді қиялдап,

Сағынамыз әлі-ақ біз.