Қош келдің әз Наурыз тақырыбындағы шығарма 4 сынып

«№ 3 Кеген орта мектеп мектепке дейінгі шағын орталығымен» кмм 4 «ә» сынып оқушысы Фазилджан Равия

Қош келдің, Әз - Наурыз!

Теңелген кез күн мен түн,

Теңелмейжүр кім мен кім?

Шықса есіктен ескі жыл,

Жаңа жыл кеп кірген күн!- дегендей көктемнің ел қуантар мерекесі. 22- наурыз күн мен түн теңелетін күн. Бұл кезде жуанның жіңішкеріп, жіңішкенің үзілер шағы басталады. Сонымен қатар жаңа жылымыз ретінде тойланады. Наурыз айы туғанда күн жылынып, қыс бойы аппақ болып жер бетін басқан қарлар сай-саладан су болып, өзен- көлдер арнасынан асады. Жер ана аппақ тонын шешіп, бірте- бірте жасыл түске енеді. Аппақ қариядай болған ағаштарымыз бүршік жара бастайды. Жер бетіндегі барлық жануарлар тіршілік қамына кіріседі. Ұлыстың ұлы күні адамдар ғана емес, төрт түлік малдарымыз да сезеді.Сндықтан да қазақ халқымыздың барлығы, байлығы, қазынасы төрт- түлігіміз біреуі екеу болып, төлдерін ертіп, дәл осы мерекеге сән бергендей. Сонымен қатар дәл осы наурыз мерекесінде кәрі- жасымыз құшақтасып, амандасып өткен –кеткен араздықтарын кешіріп бір- біріне ақ тілектерін білдіреді.

Ұлыстың ұлы күні халқымыздың ежелден келе жатқан ұлттық ойындар өткізіледі. Мысалы: көкпар, алтыбақан, қыз қуу, тағы басқа ойындар ойнатылады. Бұл наурыз мерекесінде басты шаралардың бірі тоғыз түрлі дәм қосылған наурыз көже пісіріледі. Туыс- туған ел- жұрт бір-бірінен дәм татып «Ұлыс оң болсын, ақ мол болсын!»,- деп тілектерін айтады. Бұл шаттыққа толы күн естен кетпестей болады.

Қазақ халқы ежелден салт- дәстүрді бағалайды. Сондықтан осы мерекеде «тұсау кесу», «бесік той» «шілдехана» сияқты мерекеде болып жатады. Наурыз айы жаңа бақыттың басталуы. Себебі; бұл мереке жай мереке емес діни мемлекеттік мерекелердің бірі. Айрықша осы наурыз мерекесінде халық бақытының және биік шыңдарын ендігі өміріндегі ұмытылмас сәті болмақ. Бұл кезде жаңа дәуірдің шамшырағы ашылады. Жас ұрпақ ертеңіне нық сеніммен қарап, болашағына зор мақсатепн ұмтылады. Қазақстанның нағыз мерекесі жаңа – жылы наурыз мерекесі. Наурыз жақсылықтың нышаны. Әрі шын жүрегімен тілек айтқан адамның үйіне бақыт, құт-береке жанып, тербеп қуанышқа бөлейді.