Қош келдің, әз Наурыз тәрбие сағаты

«Қош келдің, әз Наурыз!»Мақсаты: «Наурыз» мейрамы туралы түсінік беру арқылы қазақ халқының салт - дәстүрін көрсету және оны құрметтей білуге тәрбиелеу.: Наурыз мерекесінің қазақ даласындағы орны, наурыз мерекесі туралы түсінік беру, Наурыз мерекесін ұлттық салт - дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру.Көрнекілігі: плакаттар, нақыл сөздер.Тілектер: «Ұлық бақты болсын, төрт түлік ақты болсын», «Дастарқан берекелі болсын!», «Жыл басы Наурыз, Мол болсын дәм тұз!»Әуен ойналып тұрады.

Барысы:\Мұғалім: Құрметті ұстаздар, ата - аналар, қонақтар. Бәріміздің көптен күткен Наурыз мерекесі келіп қалды. Мерекелеріңіз құтты болсын!Наурыз «жаңа күн» деген сөз. Яғни бұл күн біздің ата - бабаларымыз, арғы тегіміз, мыңдаған жылдардан бері мерекелеп келе жатқан жыл басы мерекесі.Наурыз тойы құтты болсын!Ұлыстың ұлы күні аталған Наурызда еңбектеріңіз өнімді болып, тілектеріңіз қабыл болсын!

1-ЖҮРГІЗУШІ

- Тыңдаңыздар! Тыңдаңыздар! Босқа қарап тұрмаңыздар. Наурыз тойы басталдыКөргендер де армандар,Көрмегендер де армандар, Қызықтан тыс қалмаңар! Жаңарғаны сананыңҰмытады мұны кім.Ата салтын бабамның Алып келіп Ұлыс күн.

2-ЖҮРГІЗУШІ

Бір анадан туғандай, Бір ұядан ұшқандай,

Бір аспанның астында,

Бір дастархан басында, Береке-бірлік болсын, - деп Көпкөжеден дәм татып, Күшейтейік бірлікті. Еңбек пенен тірлікті. Салт-дәстүрмен жараса, Қайта құрып жаңаша, Жарыса өнер көрсетіп, Той тойлайық тамаша!

1-ЖҮРГІЗУШІ

Тыңдаңыздар! Тыңдаңыздар! Ұлыс тойы басталды. Наурыз туын көтеріп, Жар салайық әлемге. Көрмегендер көріңдер, Естімегендер естіңдер, Дабылын оның қағайық, Шақырамыз бәріңді Ұлыстың ұлы күніне Жаңа жылдың сипаты, Молшылыққа аңыз боп, Басталыпты Наурыздан!

2-ЖҮРГІЗУШІ

Көгімде күн өрлетіп, Төрт түлігін төлдетіп, Қаймақ сүтін көлдетіп, Ыризық-құтын селдетіп, Келді Наурыз – Ұлыс күн! Ақ қар кетіп, қыс өтіп, Шырайлы шуақ жаз жетіп, Шаруаның бұл кенелген Күн мейрамы ежелден, Құтты болсын, бұл Наурыз!

1 - жүргізуші: Ал, халайық, тұрмайық,Әндетейік жырлайық!Ортамызды ашайық,Ырыс тілеп бұл жылға,Жырдан шашу шашайық!(«Қош келдің,төрлет Наурызым!» әні орындалады)

Кел, Наурызым!

Орынбек Жолдыбай

Кел, наурызым, шық төріме думандат,

Жұрт қарасын бейнетіңе қайран қап.

Табиғаттың тұмса шағы тамсантып,

Халқым да бір жадырасын сайрандап.

Кел, наурызым, самалыңмен еркелет,

Қырға шығар, жамағатты жетелет.

Бала біткен болып жүр ғой мәз-мәйрам,

Наурыз келген, көктем келген екен деп.

Кел, наурызым, берекелі жыл басым,

Мәңгілікке замананың құрдасы.

Жылда мені қуанышқа бөлейсің,

Ғасырлардың және менің сырласым.

Кел, наурызым, ортаймайтын ырысың,

Тәуелсіздік және өзің тынысым.

Жалғастырып ұрпақтарды ұрпаққа,

Аралай бер сәнге бөлеп ел ішін.

Наурыз

Б.Тұсын қызы

Наурыз менің елімнің берекесі,

Жаңа жылы қазақтың мерекесі.

Шаңырағы биіктеп күнге жақын,

Ұлаңғайыр керілсін керегесі.

Қымбат білген адамға сөз өнері,

Бұрқ-сарқ етіп қайнасын көжелері.

Жаңа жылда елімнің көркі өсіп,

Гүлге толсын көгеріп көшелері.

Шат күлкіге шомылып замандары,

Бақыт кешсін ғайыптан адамдары.

Әрбір жанның арманы орындалып,

Сәтті болсын биылғы қадамдары.

Ел-жұртымның тілеуін тілесейік,

Жаңа жылда қалайық бір есейіп.

Наурызым

Ибрагим Исаев

Ақбоз үйді үлпілдеткен,

Боз даланы бүлкілдеткен.

Қуанышты күлкің – көктем,

Әсем едің, шіркін, неткен,

Наурызым!

Құлпырады сәнді бақтар,

Жұлқынады арғымақтар.

Сылқылдайды бал бұлақтар,

Мерекемсің мәңгі мақтар,

Наурызым!

Жарқыраттың шығыс Күнін,

Бар адамдар туыс бүгін.

Тілеп елдің тыныштығын,

Жүректерде жүр ұшқының,

Наурызым!

Аңсап жүрсең осы күнді,

Ашып таста есігіңді.

Болайықшы кешірімді,

Ән тербетсін бесігіңді,

Наурызым!

Бұл әлем қалғығандай,

Ұшты көкке ән қырандай.

Наурыз көже дәмді балдай,

Сенің көшің сәнді қандай,

Наурызым!

Аталардың – Қара Нардың,

Ақ жаулықты Аналардың.

Бас иетін саған әр күн,

Ақ батасын ала барғын,

Наурызым!

Ғашықтардың түр-түсінде,

Сәбилердің күлкісінде.

Ел үшін де, жұрт үшін де,

Қара Жерге кір түсірме,

Наурызым!

Наурыз

Несібелі Иманқызы

Қош келдің, Наурызым төрлет бері,

Қыр төсін жауқазындай өрнектеді.

Тіршілік тамырына нәр жүгіріп,

Жадырады адамдардың келбеттері.

Наурыз, жыл он екі ай елдің жүгін,

Арқалап арамызға келдің бүгін.

Дамытып бейбіт елдің еркіндігін,

Жайлауын жарастырдың елдігімнің.

Наурыз түріп тастап жер түндігін,

Айығып ақ күмістей серпілді күн.

Сұлудай сылаңдаған мөлдір сулар,

Жылғамен ағып жатыр еркін бүгін.

Халқымыз қастерлеген ежелден-ақ,

Келе бер аттың басын тежемей-ақ.

Наурыз көжемізден қанып ішкін,

Ұлыстың ұлы күні тұрма қарап.

Шуағы жер әлімді жандандырып,

Өріске барады өріп алуан түлік.

Дән сеуіп молшылықты жасаймын деп,

Барады диқан жігіт таңнан тұрып.

Бақыттың тігілген соң көк байрағы,

Шарықтап көңіл құсым көкте ойнады.

Нақышын Наурыздың арқау етіп,

Жырларын ақындар да төкті ойдағы.

Ән «Көктем келді»

2- жүргізуші

Дәстүрімізге айналған Ұлыстың Ұлы күні – Наурыз құтты болсын! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа Жыл келеді. Ендеше, той құтты болсын! Ұлыс оң болсын! Ақ мол болсын! Ұлы мереке сіздерге тек жақсылық әкелсін!

1-ЖҮРГІЗУШІ

Наурыз келді, жайраң қақты таң күліп,

Жап-жасыл болып кетті дүние жаңғырып.

Жақсылыққа жаршы болған Наурызым!

Сен өмірдің көктемісің мәңгілік!

1-ЖҮРГІЗУШІ

Ерітіп қарын даланың,Жинатып гүлін саланың.Жетелеп жұмсақ самалын,Келді Наурыз – жыл басы.Күлімдеп қарап күміс күн,Аспаның бүркіп пүліш түн.Ұлы күні Ұлыстың,Келді Наурыз – жыл басы!

1-жүргізуші:

Уа, халайық, халайық! Ақ сандықты ашайық, Бұл мереке, бұл тойдың Шашуларын шашайық!

Наурыз келдi елiме, Наурыз келдi жерiме. Байлық, бақыт тiлеймiн, Бүкiл қазақ елiне.

Наурызым шат-думан көңіл тойы, Жан берген тіршіліккке өмір тойы. Кеңлейіп ел-жұртына мейір шашып, Күн нұрын құшып жатыр өңір бойы. ******* Жер үсті жасарады, жаңғырады. Бар аймақ аңсай күткен сән құрады. Қой қоздап, қозы өріп, егін көктеп, Туған жер төскейінен ән құлады. ******* Өлкеме Наурыз келді, көктем келді, Құлпырып гүлге орап көк пен жерді. Халқымның салт-дәстүлерін аялаған, Арманы асқақтады көптен бергі. *****

Жаңартып сана, салтымды, Қуантқан барша халқымды. Наурыз тойы – ел тойы, Ғасырдан асыр даңқыңды. Ән болып асыл, Даңқыңды асыр Ғасырдан ғасыр. ***** Наурызда жарқылдаған…