Қош келдің жаңа жыл балабақшаға арналған сценарий

«Қош келдің жаңа жыл!»

Жүргізуші: (Сиқыршы)

Жаңа жылдың таңы неткен арайлы,

Ақ мамыққа бөлеп алды маңайды.

Жаңа жылмен құттықтаймын бәріңді.

Бақыт, шаттық, молшылық әкелсін,

Бәрімізге мына жыл арайлы!

Құтты болсын ағайын!

Жаңа жылың тағы да.

Қол соғып қарсы алайық,

Шақырайық ортаға.

Ертеңгілік басталсын.

«Таңшолпан» ерте жас тобында!

(балалар келіп шыршаны айналып тұрады)

Жүргізуші(сиқыршы): Құрметті балалар, ата-аналар, қонақтар, жаңа жыл мерекесіне арналған «Қош келдің, Жаңа жыл» атты ертеңгілігімізді бастауға рұқсат етіңіздер.

Балалар, қараңдаршы ортада әдемі шыырша тұр екен. Ал, шыршаның түбіндегі сандықшада не бар екен? Аузы құлыптаулы екен. А-а-а қолымда сиқырлы таяқшам бар екен ғой, сонымен ашайын.

Бір, екі, үш,

Сандықшамыз ашылсын. (Ішінен Ақшақар шығады)

Ақшақар: -Амансыңдарма , балалар! Иә, бұл менмін. Мені сандықшадан алып шыққандарың қандай жақсы болды. Ол жерде тар, әрі қап-қараңғы. Ал, мұнда сондай тамаша екен! Мен де сендермен жаңа жылды қарсы алайыншы. Қасымдағы Аяз атадан да адасып қалдым.

Жүргізуші: Әуеледі әніміз,

Жаңа кірді сәніміз.

Балаларды ортаға алып,

Би билейік бәріміз.

Ендеше ортаға «Таңшолпан» тобының ата-аналарын «Ақшақар» биімен шақырайық.

«Ақшақар» биі

Ақшақар: -Жарайсыңдар! Ендеше менің қасымдағы Аяз атаны шақыруға көмектесіңдерші.

Жүргізуші: кәнекей, ендеше бәріміз бірге шақырайық.

Бәрі: Аяз ата, Аяз ата, Аяз ата! (3 рет)

Аяз ата:

Армысыңдар, балалар!

Бармысыңдар, ата-аналар!

Қандай жарқын жүздерің

Қандай көркем жырларың

Керемет бір ән тыңдап

Келіп тұр-ау демалғым

Құтты болсын Жаңа жыл.

Ән: «Жаңа жыл»

Жүргізуші: Балалар, бүгін сәнді киініп, әдемі болып кетіпсіңдер. Балалар сіздерге ата –аналарымыз «Ормандағы жаңа жыл» ертегісін сахналап берсін.

Ертегі: «Ормандағы жаңа жыл»

Қонжық: Бүгін Жаңа жыл ғой!

Түлкі: Біздің шыршамызда жоқ!

Есек: Шыршасыз түк те қызық емес.

Кірпі: Онда далаға шығып шырша іздеп келейік. Сол шыршаның бізде тұрғанын елестете алмаймын.

Есек: Шыршаны қалай табамыз, орманның іші қараңғы болып кетті.

Түлкі: Қардың қандай қалың екенін көрдің ғой!

Қоян: Қалай десеңдер, солай деңдер бәрібір шырша іздеуге барамыз!

Есек: Айда жоқ аспанда, дала қараңғы.

Кірпі: Бірде – бір жұлдыз көрінбейді. Қолымызбен сипалап іздемесек.

Есек: Ал шыршалардың барлығы үлкен, ол кірпінің үйіне сыймайды ғой.

Түлкі: Кішкентай шыршалар қардың астында жатыр.

Қонжық: Иә, оны қалай аламыз.